ມື້ທີ 4 ຜ່ານໄປ ຍັງບໍ່ພົບພໍ່ຕູ້ພວງ ຫຼົງປ່າ ເຈົ້າໜ້າທີ່ລະດົມກຳລັງທັງທະຫານ, ຕຳຫຼວດ, ໝາດົມກິ່ນ

ມື້ທີ 4 ຜ່ານໄປ ຍັງບໍ່ພົບພໍ່ຕູ້ພວງ ຫຼົງປ່າ ເຈົ້າໜ້າທີ່ລະດົມກຳລັງທັງທະຫານ, ຕຳຫຼວດ, ໝາດົມກິ່ນ

October 6, 2020 0 By admin

ລາຍງານຈາກພາກສະໜາມ ປະຕິບັດການຄົ້ນຫາ ພໍ່ຕູ້ພວງຫຼົງປ່າ ຮອດເວລາ 20:00 ໂມງ ວັນທີ 6 ຕຸລາ 2020 ເປັນມື້ທີ່ 4 ຂອງຄວາມພະຍາຍາມຂອງລູກຫຼານ, ເຈົ້າໜ້າທີ່ ແລະ ຫຼາຍພາກສ່ວນ ແຕ່ຍັງໄຮ້ວີ່ແວວ ຜູ້ ສູນຫາຍ.

ການຄົ້ນຫາມື້ນີ້ແມ່ນໄດ້ໃຊ້ໝາດົມກິ່ນຫຼາຍໂຕ ຍ່າງຄົ້ນຫາຫຼາຍໜ່ວຍພູ ຈາກຈຸດທີ່ພົບເຫັນພໍ່ຕູ້ຫຼ້າສຸດ ກ່ອນສູນຫາຍ ແຕ່ກໍຍັງບໍ່ພົບເຫັນ

ອີງຕາມຂໍ້ມູນຈາກເພຈ ໄປດ້ວຍໃຈ ໃຫ້ດ້ວຍຮັກ Go with heart give with love ເຊິ່ງເປັນໜຶ່ງໃນທີມທີ່ເຂົ້າມາຊອກຫາພໍ່ຮູ້ພວງໃຫ້ຮູ້ວ່າ: ສະບາຍດີທຸກທ່ານທີ່ຕິດຕາມ ມື້ນີ້ມື້ທີ4ຂອງການຕາມຫາ ຕູ້ພວງ ອາຍຸ95ປີ ທີ່ຍາງຫຼົງປ່າ ກຳອາສາສະໝັກ ໄປດ້ວຍໃຈ ໃຫ້ດ້ວຍຮັກໃດ້ແບງເປັນສອງຈຸພ້ອມດ້ວຍກຳລັງທະຫານ

ມື້ນີ້ເອງທາງກຳລັງປ້ອງກັນເຄື່ອນທີກໍໄດ້ນຳ(ໝາ)ດົມກີນເຂົ້າມາທຳພາລະກິດຄົ້ນຫານຳກັນ

ຕາມຂໍ້ມູນຈາກເພຈສະຖານທີ່ທ່ອງທ່ຽວນໍ້າປຽນຢໍລະປາ(Nam Pien Yorla Pa) ໃຫ້ຮູ້ວ່າ: ວັນເສົາທີ 03/10/2020 ເວລາ 14:00ໂມງ ມີພໍ່ຕູ້ອາຍຸ 95 ປີ ລູກຫຼານພາມາທ່ຽວນໍ້າປຽນຢໍລະປ່າ ເມືອງໄຊທານີ ນະຄອນຫຼວງວຽງຈັນ; ລູກຫຼານຈຳນວນໜຶ່ງໃດ້ໄປຫຼິນກິດຈະກຳແລ້ວໃຫ້ພໍ່ຕູ້ລໍຖ້າຢູ່ເຂດຮ້ານອາຫານກັບຫຼານນ້ອຍອາຍຸ 12 ປີ ແຕ່ຍ້ອນຄົນຫຼາຍ ແລະ ພື້ນທີ່ປ່າກວາງຂວາງຈຶ່ງເຮັດໃຫ້ພໍ່ຕູ້ຫຼົງທາງຍ່າງໄປໃສບໍ່ຮູ້ຊອກບໍ່ເຫັນ ພະນັກງານເຮົາໃດ້ພະຍາຍາມຊ່ວຍຊອກເຕັມທີ່ແລ້ວແຕ່ຮອດປະຈຸບັນຍັງບໍ່ເຫັນເທື່ອ

ຖ້າທ່ານໃດພົບເຫັນພໍ່ຕູ້ໃນຮູບຊ່ວຍແຈ້ງລູກຫຼານເພີ່ນຕາມເບີ: 02054700555.