ຍ້ອນໂຄວິດ-19 ບາຣເຊໂລນ້າ ຂາດທຶນ 97 ລ້ານເອີໂຣ ໃນລະດູການຜ່ານມາ

ຍ້ອນໂຄວິດ-19 ບາຣເຊໂລນ້າ ຂາດທຶນ 97 ລ້ານເອີໂຣ ໃນລະດູການຜ່ານມາ

October 6, 2020 0 By admin

ບາຣເຊໂລນ້າ ສະໂມສອນບານເຕະຍັກໃຫຍ່ແຫ່ງ ລາລີກ້າ ແອັສປາຍ ລາຍງານວ່າ: ລະດູການ 2019-20 ສະໂມສອນຂາດທຶນ 97 ລ້ານເອີໂຣ ຍ້ອນຜົນກະທົບຂອງພະຍາດໂຄວິດ-19 ໂດຍລະດູການຜ່ານມາ, ບາຣຊ້າ ມີລາຍໄດ້ທັງໝົດ 855 ລ້ານເອີໂຣ ຫລຸດເປົ້າໝາຍ 192 ລ້ານເອີໂຣ ຢ່າງໃດກໍຕາມໃນລະດູການຜ່ານມາ ທີມສາມາດຫລຸດລາຍຈ່າຍໄດ້ເຖິງ 74 ລ້ານເອີໂຣ. ສ່ວນງົບປະມານໃນລະດູການ 2020-21 ແມ່ນ 791 ລ້ານເອີໂຣ.

ຈໍຣດີ້ ມອຍສ໌ ຮອງປະທານສະໂມສອນ ບາຣເຊໂລນ້າ ກ່າວຕື່ມວ່າ: ຜົນກະທົບຂອງພະຍາດໂຄວິດ-19 ເຮັດໃຫ້ຫລາຍທຸລະກິດທີ່ກ່ຽວພັນກັບເສດຖະກິດຂອງປະເທດ ເຮັດໃຫ້ GDP ຂອງລັດຖະບານແອັສປາຍຫລຸດລົງ 3% ການທ່ອງທ່ຽວຫລຸດລົງ 65%.

Photo: FC Barcelona