ຂໍໃຫ້ສິ່ງສັກສິິດຄຸ້ມຄອງ!  ພົບເຫັນພໍ່ຕູ້ພວງໂດຍໄວ… ຂະນະທີ່ເຈົ້າໜ້າທີ່ຍັງລະດົມກຳລັງຄົ້ນຫາທັງເວັນ ແລະ ຄືນ

ຂໍໃຫ້ສິ່ງສັກສິິດຄຸ້ມຄອງ! ພົບເຫັນພໍ່ຕູ້ພວງໂດຍໄວ… ຂະນະທີ່ເຈົ້າໜ້າທີ່ຍັງລະດົມກຳລັງຄົ້ນຫາທັງເວັນ ແລະ ຄືນ

October 5, 2020 0 By admin

ໜ່ວຍກູ້ໄພ ສົມທົບກັບເຈົ້າໜ້າທີ່ ແລະ ພະນັກງານຂອງ ສະຖານທີ່ທ່ອງທ່ຽວນໍ້າປຽນຢໍລະປ່າ ຍັງສືບຕໍ່ຊອກຄົ້ນຫາພໍ່ຮູ້ພວງ ດ້ວຍຄວາມຫວັງ ແລະ ຂໍພອນສິ່ງສັກສິດຄຸ້ມຄອງ ແລະ ພົບເຫັນພໍ່ຕູ້ໂດຍໄວ.(ໂດຍມາຮອດເວລາ 16ໂມງ ຂອງວັນທີ 5 ຕຸລາ 2020 ຍັງບໍ່ພົບເຫັນເທື່ອ)

ຕາມຂໍ້ມູນຈາກເພຈສະຖານທີ່ທ່ອງທ່ຽວນໍ້າປຽນຢໍລະປາ(Nam Pien Yorla Pa) ໃຫ້ຮູ້ວ່າ: ວັນເສົາທີ 03/10/2020 ເວລາ 14:00ໂມງ ມີພໍ່ຕູ້ອາຍຸ 95 ປີ ລູກຫຼານພາມາທ່ຽວນໍ້າປຽນຢໍລະປ່າ ເມືອງໄຊທານີ ນະຄອນຫຼວງວຽງຈັນ; ລູກຫຼານຈຳນວນໜຶ່ງໃດ້ໄປຫຼິນກິດຈະກຳແລ້ວໃຫ້ພໍ່ຕູ້ລໍຖ້າຢູ່ເຂດຮ້ານອາຫານກັບຫຼານນ້ອຍອາຍຸ 12 ປີ ແຕ່ຍ້ອນຄົນຫຼາຍ ແລະ ພື້ນທີ່ປ່າກວາງຂວາງຈຶ່ງເຮັດໃຫ້ພໍ່ຕູ້ຫຼົງທາງຍ່າງໄປໃສບໍ່ຮູ້ຊອກບໍ່ເຫັນ ພະນັກງານເຮົາໃດ້ພະຍາຍາມຊ່ວຍຊອກເຕັມທີ່ແລ້ວແຕ່ຮອດປະຈຸບັນຍັງບໍ່ເຫັນເທື່ອ ຖ້າທ່ານໃດພົບເຫັນພໍ່ຕູ້ໃນຮູບຊ່ວຍແຈ້ງລູກຫຼານເພີ່ນຕາມເບີ: 02054700555.

ຫຼ້າສຸດໃນຕອນບ່າຍຂອງມື້ນີ້ 5 ຕຸລາ 2020 ເພຈ ນາທີ ຊີວິດ/Accident/นาที ชีวิต ໄດ້ໂພດຂໍ້ຄວາມ ແລະ ອັບເດດການຄົ້ນຫາວ່າ: ສະບາຍດີພໍ່ແມ່ພີ່ນ້ອງປະຊາຊົນລາວ ນະປັດຈຸບັນຫຼາຍທ່ານກໍ່ຄົງຮັບຮູ້ເຖິງເຫດການ ພໍ່ຕູ້ພວງ ຫາຍຕົວລະຫວ່າງໄປຫຼິ້ນກັບຄອບຄົວກໍເປັນເວລາໄດ້ 2 ມື້ຜ່ານມາແລ້ວ.


ທາງທີມງານ ນາທີ ຊີວິດ ໄດ້ປະສານງານຫາທີມງານອາສາ ໄປດ້ວຍໃຈ ໃຫ້ດ້ວຍຮັກ Go with heart give with love ທີ່ໄດ້ເປັນກຳລັງແຮງກຸ່ມໜຶ່ງສົມທົບກັບເຈົ້າໜ້າທີທີ່ກ່ຽວຂ້ອງ ອ້າຍນ້ອງທະຫານ ແລະ ພໍ່ແມ່ປະຊາຊົນຢູ່ພື້ນທີ່ກຳລັງລະດົມກັນຄົ້ນຫາພໍ່ຕູ້ຢູ່
ແຕ່ເນື່ອງຈາກການຄົ້ນຫາຍັງບໍ່ມີເບາະແສ ແລະ ທິດທາງ ບໍ່ຮູ້ວ່າຈະພົບມື້ໃດ ຊຶ່ງຕອນນີ້ຝົນຟ້າອາກາດກໍ່ເປັນອຸປະສັກ ແລະ ອາຫານການກິນກໍ່ບໍ່ພຽງພໍ (ພໍ່ແມ່ປະຊາຊົນບໍລິເວນນັ້ນກໍ່ບໍ່ສາມາດຕອບສະໜອງໄດ້).

.

ຈຶ່ງຢາກສົ່ງຂ່າວເຖິງຜູ້ໃຈບຸນ ຊ່ວຍເຫຼືອສົມທົບ ເຄື່ອງບໍລິໂພກ ເປັນນ້ຳດື່ມ ອາຫານ (ປະເພດແຕ່ງງ່າຍ) ເຊັ່ນປ໋ອງປ່າ ໝີ່ ເຂົ້າໜຽວສຸກ ຫຼື ຕາມທີ່ທ່ານສາມາດຈັດຫາໄດ້…

ທ່ານທີ່ຢາກສົມທົບ ຫຼື ຊ່ວຍເຫຼືອ ຕິດຕໍ່ສອບຖາມຕາມເບີໂທນີ້ 030 5758 588.

.

ຫາກທ່ານໃດພົບເຫັນ ຫລື ຮູ້ຂໍ້ມູນ ກໍຂໍໃຫ້ແຈ້ງໄປຍັງເບີ02054700555 ເພື່ອຈະເຮັດໃຫ້ການຄົ້ນຫາ ມີທິດທາງຫຼາຍຂຶ້ນ