ຫົວໜ້າກົມສັງຄົມສົງເຄາະພ້ອມຄະນະ ລົງມາຕິດຕາມກວດກາຄືນການເບີກຈ່າຍເຂົ້າຊ່ວຍເຫຼືອຜູ້ທີ່ປະສົບໄພພິບັດ ຢູ່ເມືອງເຊບັ້ງໄຟ

ຫົວໜ້າກົມສັງຄົມສົງເຄາະພ້ອມຄະນະ ລົງມາຕິດຕາມກວດກາຄືນການເບີກຈ່າຍເຂົ້າຊ່ວຍເຫຼືອຜູ້ທີ່ປະສົບໄພພິບັດ ຢູ່ເມືອງເຊບັ້ງໄຟ

June 25, 2020 0 By admin

Khammouane News, ໃນຕອນເຊົ້າວັນທີ 23 ມິຖຸນາ 2020 ນີ້ ຢູ່ຫ້ອງປະຊຸມສະໂມສອນເມືອງເຊບັ້ງໄຟ ໄດ້ຈັດກອງປະຊຸມຕ້ອນຮັບການລົງຕິດຕາມກວດກາການເບີກຈ່າຍເຂົ້າຊ່ວຍເຫຼືອ ໄພນໍ້າຖ້ວມ ຂອງທ່ານ ວິໄລພົງ ສີສົມຫວັງ ຫົວໜ້າກົມສັງຄົມສົງເຄາະກະຊວງແຮງງານສະຫວັດດີການ-ສັງຄົມ ພ້ອມດ້ວຍຄະນະ, ເປັນກຽດເຂົ້າຮ່ວມຂອງ ທ່ານ ບຸນທວາຍ ສິລິປັນຍາທອງ ຫົວໜ້າພະແນກແຮງງານສະຫວັດດີການ-ສັງຄົມແຂວງຄຳມ່ວນ, ທ່ານ ທອງໄຊ ມັງໜໍ່ເມກ ເຈົ້າເມືອງໆເຊບັ້ງໄຟ ພ້ອມດ້ວຍຄະນະປະຈຳ, ຄະນະຄວບຄຸມໄພພິບັດຂັ້ນເມືອງ, ຫົວໜ້າຫ້ອງການທີ່ກ່ຽວຂ້ອງຈຳນວນ 20 ທ່ານ.


ກອງປະຊຸມຍັງໄດ້ຮັບຟັງການລາຍງານສະພາບການແຈກຢາຍເຂົ້້າຂອງຫ້ອງການແຮງງານແລະສະຫວັດດີການ-ສັງຄົມເມືອງເຊບັ້ງໄຟ ໃນການຈັດຕັ້ງປະຕິບັດແຜນຈ່າຍເຂົ້າກິນ ບ້ວງຊ່ວຍເຫຼືອປະຊາຊົນ ຜູ້ທີ່ປະສົບໄພພິບັດ ນໍ້າຖ້ວມ ປີ 2019 ຈຳນວນ 45 ບ້ານ ,ເປັນເຂົ້າສານຈຳນວນ 100 ໂຕນ, ແບ່ງປັນຊ່ວຍເຫຼືອ ໃຫ້ປະຊາຊົນຜູ້ປະສົບໄພພິບັດ 45 ບ້ານ ໃນທົ່ວເມືອງ, ມີ 6,356 ຫຼັງຄາ, ມີ 6,606 ຄອບຄົວ, ມີຈໍານວນພົນລະເມືອງ 33,148 ຄົນ, ຍິງ 16,489 ຄົນ ແລະ ໄດ້ນໍາເອົາເຂົ້າບ້ວງຊ່ວຍເຫຼືອໄປແຈກຢາຍໃຫ້ປະຊາຊົນໃຫ້ທົ່ວເຖິງຄົບຕາມຈຳນວນ.

ກອງປະຊຸມໄດ້ມີຄຳຖາມເຈາະຈີ້ມກ່ຽວກັບການເບີກຈ່າຍ ຫຼັງຈາກສຳເລັດພິທີແລ້ວ ປະທານກອງປະຊຸມ ການນຳຂອງແຂວງ ຂອງເມືອງ ແລະ ພາກສ່ວນທີ່ກ່ຽວຂ້ອງ ກໍ່ໄດ້ລົງພົບປະໂອ້ລົມ, ສຳພາດຕົວຈິງ ກັບພໍ່-ແມ່ປະຊາຊົນ ຢູ່ບ້ານດ້າງທ່າ ຕໍ່ຄອບຄົວທີ່ໄດ້ຮັບເຂົ້າຊ່ວຍເຫຼືອ.