ຈະເຮັດແນວໃດກັບມັນດີ! ຈັບໄດ້ແລ້ວຄາດຕະກອນ ສັງຫານໂຫດ 3 ຊີວິດທີ່ແຂວງຈໍາປາສັກ

ຈະເຮັດແນວໃດກັບມັນດີ! ຈັບໄດ້ແລ້ວຄາດຕະກອນ ສັງຫານໂຫດ 3 ຊີວິດທີ່ແຂວງຈໍາປາສັກ

October 5, 2020 0 By admin

ກອງບັນຊາການ ປກສ ເມືອງສຸຂຸມາ ແຂວງຈໍາປາສັກ ແຈງ້ໃຫ້ຮູ້ ວ່າ: ເຈົ້າຫນ້າທີ່ ປກສ ເມືອງສຸຂຸມາ ສາມາດຈັບຜູ້ຄາດຕະກໍາ 3 ສົບ ຢູ່ ບ້ານທ່າດ່ານ ເມືອງສຸຂຸມາ ແຂວງຈໍາປາສັກ, ເຫດເກີດເມື່ອວັນທີ 3 ຕຸລາ 2020 ທີ່ຜ່ານມາ ເວລາ 10:00 ໂມງ ຊຶ່ງທັງ 3 ສົບເປັນເພດຊາຍ ຖືກປາດຄໍ ແລະ ອີກຜູ້ຫນຶ່ງຖືກຕັດອະໄວຍະວະເພດ.

ເຊົ້ານີ້ວັນທີ 5 ຕຸລາ 2020 ຫົວຫນ້າກອງບັນຊາການ ປກສ ເມືອງສຸຂຸມາ ແຂວງຈໍາປາສັກ, ທ່ານ ພັນໂທ ນົງຄານ ວົງພານິດ ໄດ້ໃຫ້ວ່າ: ສາມາດຈັບຄົນຮ້າຍທີ່ຄາດຕະກໍາ 3 ສົບຢູ່ບ້ານທ່າດ່ານ ຕັ້ງແຕ່ມື້ເກີດເຫດຄືວັນທີ 3 ຕຸລາທີ່ຜ່ານມາ ຊື່ ທ້າວໃຫມ່ (ເປັນກະເທີຍ) ປະຊາຊົນ ບ້ານໃຫມ່ວັງຫມາກແຊ່ວ ເມືອງສຸຂຸມາ ແລະ ທ້າວໃຫມ່ ຊັກທອດວ່າມີຜູ້ຮ່ວມ ຂະບວນການອີກ 2 ຄົນ ຄື: ທ້າວຈ່ອຍ ປະຊາຊົນ ບ້ານໃຫມ່ວັງຫມາກແຊ່ວ ແລະ ທ້າວນ້ອຍ ປະຊາຊົນ ບ້ານປຸງແກ້ວ. ຫຼັງຈາກທີ່ ສືບສວນ-ສອບສວນພົບວ່າມີແຕ່ທ້າວໃຫມ່ ທີ່ຍອມຮັບສາລະພາບວ່າເປັນຜູ້ຂ້າທັງ 3 ສົບ, ສ່ວນອີກສອງຄົນທີ່ຖືກທ້າວໃຫມ່ຊັກທອດຍັງໃຫ້ການປະຕີເສດ ແຕ່ຍັງຖືກກັກຕົວໄວ້ສອບສວນລະອຽດອີກເທື່ອໜຶ່ງ.

ທ່ານ ພັນໂທ ນົງຄານ ໄດ້ກ່າວຕື່ມວ່າ: ເຫດຄາດຕະກໍາດັ່ງກ່າວເກີດຈາກການຫຶງຫວງ ກ່ອນເກີດເຫດ ທ້າວຫົງທອງ (ຜູ້ຕາຍ) ໄດ້ແຕ່ງງານກັບທ້າວໃຫມ່ (ຜູ້ກໍ່ເຫດຄາດຕະກໍາ) ຊຶ່ງເປັນກະເທີຍ ຢູ່ກິນນໍາກັນ ແລະ ປຸກເຮືອນຢູ່ນໍາກັນມາໄດ້ຫຼາຍປີແລ້ວ ແລະ ໄດ້ ຢ່າຮ້າງກັນ, ຊຶ່ງຕໍ່ມາ ທ້າວຫົງທອງ ໄດ້ໄປຮັກມັກກັບທ້າວ ໄພວັນ (ຜູ້ຕາຍອີກຄົນຫນຶ່ງ) ຊຶ່ງເປັນກະເທີຍເຊັ່ນກັນ ຍ້ອນແນວນັ້ນ ທ້າວໃຫມ່ຈຶ່ງມີການຫຶງຫວງ ຫຼື ຄຽດແຄ້ນຈຶ່ງນໍາມາສູ່ເຫດຄາດຕະກໍາ 3 ສົບດັ່ງກ່າວ,

ສ່ວນຄະດີນັ້ນ ທາງເຈົ້າຫນ້າທີ່ກໍາລັງ ລວບລວມຫຼັກຖານ ແລະ ຈະມີການສືບສວນລະອຽດອີກຄັ້ງຫນຶ່ງ. 3 ສົບທີ່ຕາຍປະກອບມີ ທ້າວຫົງທອງ (ຜົວເກົ່າທ້າວໃຫມ່), ທ້າວໄພວັນ ປະຊາຊົນ ບ້ານສາມຂາ (ກະເທີຍທີ່ທ້າວຫົງທອງຄົບຫາໃຫມ່) ແລະ ທ້າວເຕັ້ນ (ເປັນເດັກນ້ອຍ ຫຼານຂອງທ້າວຫົງທອງ) ຊຶ່ງ 3 ສົບດັ່ງກ່າວໄດ້ເຮັດພິທີທາງສາດສະຫນາເປັນທີ່ຮຽບຮ້ອຍແລ້ວ.
ຂໍ້ມູນ: ວຽງຈັນທາຍ.