ບໍລິສັດ ດອກງິ້ວຄຳ ມອບງົວພໍ່ແມ່ພັນຈຳນວນ 110 ໂຕໃຫ້ກອງບັນຊາການທະຫານ ແຂວງບໍ່ແກ້ວ

ບໍລິສັດ ດອກງິ້ວຄຳ ມອບງົວພໍ່ແມ່ພັນຈຳນວນ 110 ໂຕໃຫ້ກອງບັນຊາການທະຫານ ແຂວງບໍ່ແກ້ວ

October 5, 2020 0 By admin

ໃນວັນທີ 30 ກັນຍາ ນີ້ ທີ່ຟາມງົວ ບໍລິສັດ ດອກງິ້ວຄໍາ ເມືອງຕົ້ນເຜິ້ງ ແຂວງບໍ່ແກ້ວ ໄດ້ ມີພິທີມອບ-ຮັບງົວພໍ່-ແມ່ພັນຈາກ ບໍລິສັດດອກງິ້ວຄຳ ໂດຍມີຄະນະ ອຳນວຍການບໍລິສັດ ດອກງິ້ວຄຳ ພ້ອມດ້ວຍຄະນະ ແລະ ສະຫາຍ ພັນໂທ ສອນໄຊ ວົງພະຈັນ ກຳ ມະການຄະນະພັກກອງບັນຊາການຫົວໜ້າຫ້ອງພະລາທິການ ກອງບັນຊາການທະຫານແຂວງ ບໍ່ແກ້ວ ແລະ ພະນັກງານທີ່ກ່ຽວ ຂ້ອງເຂົ້າຮ່ວມ. ອີງຕາມບົດບັນທຶກສັນຍາ ມອບ-ຮັບໃຫ້ຮູ້ວ່າ: ບໍລິສັດ ດອກ ງິ້ວຄຳ ໄດ້ມອບແມ່ພັນງົວຈໍາ ນວນ 100 ໂຕ (ມີອາຍຸ 3-5 ປີ) ແລະ ພໍ່ພັນງົວຈໍານວນ 10 ໂຕ (ມີອາຍຸ 2-5 ປີ) ລວມງົວ ທັງໝົດຈຳນວນ 110 ໂຕ ພ້ອມ ທັງເຄື່ອງບົດຫຍ້າ 1 ເຄື່ອງ ແລະ ຊ່ວຍເຝິກອົບຮົມໃຫ້ຄວາມຮູ້, ວິທີການລ້ຽງ, ວິທີການໃຫ້ວັກ ຊີນກັນພະຍາດຕ່າງໆ ແລະ ອື່ນໆ ໃຫ້ແກ່ກອງບັນຊາການທະຫານ ແຂວງບໍ່ແກ້ວ.

ການມອບງົວຊ່ວຍເຫຼືອໃນ ຄັ້ງນີ້ ກໍເພື່ອເປັນການຊຸກຍູ້ ແລະ ສົ່ງເສີມເສດຖະກິດ ໃຫ້ທະຫານ ມີລາຍຮັບທີ່ເຂັ້ມແຂງ, ຮັບປະກັນ ຊີວິດການເປັນຢູ່ຂອງພະນັກ ງານ-ນັກຮົບໃຫ້ດີຂຶ້ນ. ພາຍຫຼັງ ນໍາໄປລ້ຽງແລ້ວ ເມື່ອລູກງົວ ເກີດ ມາ ແລະເຕີບໃຫຍ່ທາງບໍລິສັດຈະ ເປັນຜູ້ຮັບເກັບຊື້ຄືນຜົນຜະລິດດັ່ງກ່າວ ຈາກກອງບັນຊາການດ້ວຍ ລາຄາທີ່ຍຸຕິທຳທັງສອງຝ່າຍ. ໂອກາດນີ້ ສະຫາຍ ພັນໂທ ສອນໄຊ ວົງພະຈັນ ກໍໄດ້ຕາງໜ້າ ໃຫ້ແກ່ຄະນະພັກ-ຄະນະບັນຊາ ກອງບັນຊາການທະຫານແຂວງ ກ່າວສະແດງຄວາມຂອບໃຈເປັນຢ່າງສູງມາຍັງ ບໍລິສັດ ດອກງິ້ວ ຄໍາ ທີ່ເຫັນໄດ້ຄວາມສຳຄັນໃນ ການພັດທະນາກົມກອງ ເຊິ່ງສອດ ຄ່ອງກັບແນວທາງນະໂຍບາຍ ຂອງພັກວາງອອກ ແລະ ໃຫ້ຄຳໝັ້ນສັນຍາວ່າຈະນຳເອົາງົວດັ່ງກ່າວໄປລ້ຽງໃຫ້ເກີດແມ່ແຜ່ລູກຫຼາຍໆ. ໂດຍ: ສົມໄຊ ສີລາຈັນ