ແມນຢູ ມຸ່ນອຸ້ຍປຸ້ຍຄາບ້ານ!! ສະເປີ ບຸກທຸບ 6-1 ພຣີເມ່ຍລີກ 2020-21

ແມນຢູ ມຸ່ນອຸ້ຍປຸ້ຍຄາບ້ານ!! ສະເປີ ບຸກທຸບ 6-1 ພຣີເມ່ຍລີກ 2020-21

October 5, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2020-21 ຄືນວັນທີ 4 ຕຸລາຜ່ານມາ, ແມນເຊັສເຕີ ຢູໄນເຕັດ ເປີດໂຮງລະຄອນແຫ່ງຄວາມຝັນ ຕ້ອນຮັບ ທັອດແນ່ມ ຮັອດສະເປີ ນັດນີ້ເຖິງວ່າ ແມນຢູ ອອກນຳກ່ອນພຽງ ນາທີ 2′ ຈາກການສັງຫານຈຸດໂທດຂອງ ບຣູໂນ້ ແຟນັນເດັສ ແຕ່ເສຍຄືນ 2 ປະຕູແບບທັນຄວນຍ້ອນຄວາມຜິດພາດຂອງກອງຫລັງ ແລະ ນັກເຕະເສຍສະມາທິຈາກ: ເອັນດອມເບເລ່ ນາທີ 4′ ແລະ ຊອນເຮືອງມິນ ນາທີ 7′.

ຫລັງຈາກນັ້ນ ແມນຢູ ເຫລືອຜູ້ຫລິ້ນ 10 ຄົນເມື່ອ ອ໋ອງໂທນີ້ ມາກຊີຢາວ ໄດ້ບັດແດງນາທີ 28′ ຈາກຈັງຫວະໃຊ້ມືຕົບໜ້າ ເອຣິກ ລາເມລ້າ ເມື່ອເສຍປຽບຜູ້ຫລິ້ນ ມາເສຍເພີ່ມອີກ 4 ປະຕູຈາກ: ແຮຣີ້ ເຄນ ສອງປະຕູນາທີ 30′, 79′, ຊອນເຮືອງມິນ ອີກໜຶ່ງປະຕູນາທີ 37′ ແລະ ແຊັກ ອໍຣີເຢ້ ນາທີ 51′ ຈົບເກມ ສະເປີ ບຸກຊະນະ ແມນຢູ 6-1.

+ ສະເປີ ບຸກຊະນະ ແມນຢູ ຂາດສຸດໃນປະຫວັດສາດ ແລະ ແມນຢູ ເສຍຂາດສຸດໃນບ້ານເປັນນັດທີສອງ ຕໍ່ຈາກເສຍໃຫ້ ແມນຊິຕີ້ ໃນເດືອນຕຸລາ ປີ 2011 ພ້ອມກັນນີ້ ແມນຢູ ກໍເສຍປະຕູໃນຕັ້ງທີໜຶ່ງ 4 ໜ່ວຍຄັ້ງທຳອິດໃນຮອບ 63 ປີ ຫລ້າສຸດເດືອນພະຈິກ ປີ 1957 ເສຍໃຫ້ ສະເປີ 3-4.

+ ແມນຢູ ເສຍສອງນັດຕິດຕໍ່ກັນໃນບ້ານສະເພາະເກມລີກ ເປັນຄັ້ງທີ 5 ແລະ ເປັນຄັ້ງທຳອິດໃນຮອບ 33 ປີ ຫລ້າສຸດລະດູການ 1986-87

ຕາຕະລາງຄະແນນຂະນະນີ້ ສະເປີ ບວກເພີ່ມເປັນ 7 ຄະແນນຈາກ 7 ນັດ ຢູ່ອັນດັບ 6 ສ່ວນ ແມນຢູ ຕົກມາຢູ່ອັນດັບ 16 ມີ 3 ຄະແນນຈາກ 3 ນັດ, ນັດຕໍ່ໄປ ແມນຢູ ຈະໄປຢາມ ນິວຄາສເຊິນ ໃນວັນທີ 17 ຕຸລານີ້ ຂະນະທີ່ ສະເປີ ຈະພົບກັບ ເວັສແຮມ ໃນວັນທີ 18 ຕຸລານີ້.

ໄຮໄລ້ການແຂ່ງຂັນ:

Photo: Tottenham Hotspur