ຈໍກິນໂຢ້ ຍິງສອງຈຸດໂທດ! ເຊວຊີ ຖະຫລົ່ມ ພາເລດ 4-0 ພຣີເມ່ຍລີກ ນັດທີ 4

ຈໍກິນໂຢ້ ຍິງສອງຈຸດໂທດ! ເຊວຊີ ຖະຫລົ່ມ ພາເລດ 4-0 ພຣີເມ່ຍລີກ ນັດທີ 4

October 3, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການໃຫມ່ 2020-21 ນັດທີ 4 ວັນທີ 3 ຕຸລານີ້, ສິງຟ້າ ເຊວຊີ ເປີດບ້ານພົບ ຄຣິສຕັນ ພາເລດ ແລະ ສາມາດຄວ້າ 3 ຄະແນນຕາມເປົ້າໝາຍ, ເບັນ ຊິວເວວ ແບັກຊ້າຍໃຫມ່ ຍິງປະຕູທຳອິດປົດລັອກໃຫ້ເຈົ້າບ້ານນາທີ 50′ ຈາກນັ້ນປະຕູທີ 2, 3 ແລະ 4 ກໍຕາມມາຈາກ: ເຄີດ ຊູມ້າ ນາທີ 66′ ແລະ ຈໍກິນໂຢ້ ຍິງສອງຈຸດໂທດນາທີ 78′, 82′ ຈົບເກມ ເຊວຊີ ຊະນະ ຄຣິສຕັນ ພາເລດ 4-0.

+ ເບັນ ຊິວເວວ ແບັກຊ້າຍໃຫມ່ 45 ລ້ານປອນ ຍິງປະຕູທຳອິດໃນນາມນັກເຕະເຊວຊີ, ຂະນະທີ່ ເອດົວ ເມັນດີ້ ລົງຫລິ້ນເກມ ພຣີເມ່ຍລີກ ນັດທຳອິດ ແລະ ສາມາດຮັກສາຄລີນຊີດ (ບໍ່ເສຍປະຕູ).

+ ເຊວຊີ ຊະນະ ຄຣິສຕັນ ພາເລດ 6 ນັດລວດເປັນຄັ້ງທຳອິດໃນພຣີເມ່ຍລີກ.

+ ເຊວຊີ ຊະນະໃນເກມ ລອນດອນ ດາບີ້ ແມັດ ຫລາຍສຸດ 133 ນັດ ແລະ 11 ນັດຫລັງສຸດເສຍພຽງໜຶ່ງນັດ.

+ ຈໍກິນໂຢ້ ເປັນນັກເຕະຄົນທີສອງຂອງເຊວຊີ ຍິງປະຕູຈາກສອງຈຸດໂທດໃນພຣີເມ່ຍລີກຕໍ່ນັດ ຕໍ່ຈາກ ແຟັງ ແລມພ໊າດ ຊະນະ ແອັສຕັນ ວິນລ້າ ໃນປີ 2010.

ເຊວຊີ ເກັບເພີ່ມເປັນ 7 ຄະແນນຈາກ 4 ນັດ ຂຶ້ນມາຢູ່ທີ 4 ຂະນະທີ່ ຄຣິສຕັນ ພາເລດ ມີ 6 ຄະແນນ ຢູ່ທີ 8 ນັດຕໍ່ໄປ ເຊວຊີ ຈະພົບກັບ ເຊົາແທ່ມຕັ້ນ ຫລັງເກມທີມຊາດ ວັນທີ 17 ຕຸລານີ້, ຂະນະທີ່ ຄຣິສຕັນ ພາເລດ ຈະພົບກັບ ໄບຣຕັ້ນ ວັນທີ 18 ຕຸລານີ້.

ໄຮໄລ້ການແຂ່ງຂັນ:

Photo: Chelsea Football Club