ສີສັນການໄຕ້ໂຄມໄຟຢູ່ບັນດາວັດຕ່າງໆ ໃນງານບຸນໄຫຼເຮືອໄຟ ທີ່ເມືອງມໍລະດົກໂລກຫຼວງພະບາງ ຄໍ່າຄືນວັນທີ 2 ຕຸລາ 2020

ສີສັນການໄຕ້ໂຄມໄຟຢູ່ບັນດາວັດຕ່າງໆ ໃນງານບຸນໄຫຼເຮືອໄຟ ທີ່ເມືອງມໍລະດົກໂລກຫຼວງພະບາງ ຄໍ່າຄືນວັນທີ 2 ຕຸລາ 2020

October 3, 2020 0 By admin

ງານບຸນອອກພັນສາປະວໍລະນາ ແລະ ບຸນໄຫຼເຮືອໄຟ ທີ່ນະຄອນຫຼວງພະບາງປີນີ້ ກຳນົດຈັດຂຶ້ນໃນລະຫວ່າງ ວັນ ທີ 1- 3 ຕຸລາ ໂດຍ ແຕ່ລະວັດ ທີ່ຢູ່ພາຍໃນເທດສະບານນະຄອນ ຫຼວງພະບາງ ເລີ່ມໄຕ້ໂຄມໄຟ (ໂຄມດາວ, ໂຄມບັ້ງ ແລະ ອື່ນໆ ທີ່ໄຕ້ດ້ວຍທຽນໄຂ) ໃຫ້ມີຄວາມເປັນສິຣິມຸງຄຸນ, ຮຸ່ງເຮືອງເຫຼືອງເຫຼື້ອມ, ສະຫວ່າງສະໄຫວ ໃນລະຫວ່າງວັນທີ 1 – 4 ຕຸລາ2020.

ມື້ແອັດມິນເອງກໍບໍ່ພາດທີ່ຈະນຳເອົາພາບໄຕ້ໂຄມໄຟຢູ່ບັນດາວັດຕ່າງໆ ເຊີ່ງເປັນຄວາມງົດງາມຂອງວັດທະນະທຳທີ່ເປັນເອກະລັກ ຂອງເມືອງມໍລະດົກໂລກແຫ່ງນີ້ ມາໃຫ້ແຟນໄດ້ເບິ່ງໄດ້ ຊົມ ພ້ອມກັນກັບຮ່ວມກັນສືບສານອະນຸລັກຮັກສາໄວ້ ໃຫ້ຍືນຍົງ.

ມື້ ແຮມ 1 ຄ່ໍາ ເດືອນ 11 ພສ 2563 ກົງກັນ ວັນເສົາ ທີ 3 ຕຸລາ(10) 2020 ແມ່ນມື້ບຸນໄຫຼເຮືອໄຟ

ເລີ່ມແຕ່ເວລາ 18:00 ໂມງເຕົ້າໂຮມເຮືອໄຟຂອງແຕ່ລະພາກສ່ວນທີ່ເຂົ້າຮ່ວມປະກວດ ຢູ່ຫນ້າຫໍພິພິດທະພັນ(ຕີນພູສີ).

ເວລາ 18:30ໂມງ ການນໍາຂັ້ນແຂວງ, ນະຄອນ ແລະ ແຂກຖືກເຊີນ ມາເຖິງສະຖານທີ່ເປີດງານ.

ເວລາ 18:30 ໂມງເລີ່ມພິທີທາງສາສະຫນາ ເທດສະຫຼອງເຮືອໄຟຢູ່ “ວັດປ່າຮວກ” ຈໍານວນ 1 ກັນ.

 

ເວລາ 19:00 ໂມງເປີດພິທີບຸນໄຫຼເຮືອໄຟຢ່າງເປັນທາງງການ ຕາມຮີດຄອງປະເພນີ, ຫຼັງຈາກນັ້ນຊົມຄວາມສວຍງາມຂອງຂະບວນເຮືອໄຟແຕ່ລະພາກສ່ວນ ແຫ່ໄປຕາມເສັ້ນທາງສີສະຫວ່າງວົງ ຈົນເຖິງທ່ານໍ້າຂອງວັດຊຽງທອງ ແລະ ເຄື່ອນເຮືອໄຟລົງນໍ້າຕາມລໍາດັບ.

ປະຊາຊົນບັນດາເຜົ່າທ່ຽວຊົມຄວາມງົດງາມໄຟແສງສີ ການໄຕ້ປະທີບ(ໂຄມໄຟ) ຕາມວັດແຫ່ງຕ່າງໆ(ຈົບລາຍການບຸນ)

ຂອບໃຈຮູບງາມໆຈາກNoy Images ແລະ ຄົນມັກທ່ຽວ – Life is journey