ໂນເລ່ ຜ່ານຮອບ 2 ເທັນນິສ ແກຣນສະແລມ ເຟັນ ໂອເພັນ 2020

ໂນເລ່ ຜ່ານຮອບ 2 ເທັນນິສ ແກຣນສະແລມ ເຟັນ ໂອເພັນ 2020

October 2, 2020 0 By admin

ການແຂ່ງຂັນເທັນນິສ ແກຣນສະແລມ ເຟັນ ໂອເພັນ 2020 ທີ່ສັງວຽນ ໂຣລ໋ອງ ກາຣັອສ ໃນນະຄອນຫລວງປາຣີ ປະເທດຝຣັ່ງ ໃນວັນທີ 27 ກັນຍາ – 11 ຕຸລານີ້ ຊິງເງິນລາງວັນລວມ 38 ລ້ານເອີໂຣ ຫລື ປະມານ 400 ກວ່າຕື້ກີບ.

ປະເພດຊາຍດ່ຽວຮອບທີ 2 ຄູ່ທີ່ໜ້າສົນໃຈ: ໂນວັກ ໂຢໂຄວິກ ມື 1 ຂອງໂລກຈາກແຊັກບີ້ ແຊ້ມປີ 2016 ເສີບ 10 ເອັຊ ໃຊ້ເວລາພຽງ 1 ຊົ່ວໂມງ 23 ນາທີ ເອົາຊະນະ ຣິຄາດາສ ເບຣານກິສ ຈາກລິດທົວເນຍ ອັນດັບ 66 ຂອງໂລກ 3-0 ເຊັດ: 6-1, 6-2, 6-2 ຄວ້າໄຊນັດທີ 70 ໃນເຟັນ ໂອເພັນ ເຂົ້າຮອບ 3 ໄປພົບກັບ ດານ້ຽວ ກາຣານ ອັນດັບ 153 ຂອງໂລກ ຈາກໂຄໂລມບີ.

ຂະນະທີ່ ສະເຕຟານັອສ ຊິດຊີປັສ ມື 5 ຈາກເກຣັກ, ມັດຕີໂອ ແບຣັດຕີນີ້ ມື 7 ຈາກອີຕາລີ, ໂຣແບໂຕ້ ເບົາຕິສຕ້າ ອາກຸດ ມື 10 ຈາກແອັສປາຍ ກໍສາມາດຜ່ານໄດ້ ລວມທັງ ອັງເດຣ ຣູເບຟ ມື 13 ຈາກຣັດເຊຍ ແຕ່ ເດນິສ ຊາໂປວາລັອຟ ມື 9 ຈາກການາດ້າ ຕົກຮອບ.

Photo: ROLAND-GARROS