ຕາມຄາດ! ໂຣເບີດ ເລວານດັອຟສະກີ້ ຄວ້າລາງວັນນັກເຕະດີເດັ່ນເອີຣົບ 2019-20

ຕາມຄາດ! ໂຣເບີດ ເລວານດັອຟສະກີ້ ຄວ້າລາງວັນນັກເຕະດີເດັ່ນເອີຣົບ 2019-20

October 2, 2020 0 By admin

ເມື່ອຄືນວັນທີ 1 ຕຸລາຜ່ານມາ, ສະຫະພັນບານເຕະເອີຣົບ ຫລື ຢູຟ້າ ໄດ້ປະກາດລາງວັນນັກກິລາຍິງ-ຊາຍ ແລະ ຄູຝຶກດີເດັ່ນທີມຍິງ-ທີມຊາຍ ປະຈຳລະດູການ 2020-21 ປະກົດວ່າລາງວັນນັກເຕະຊາຍດີເດັ່ນເປັນຂອງ:

ໂຣເບີດ ເລວານດັອຟສະກີ້ ກອງໜ້າທີມຊາດໂປໂລຍ ອາຍຸ 32 ປີ ຈາກສະໂມສອນ ບາເຢີນ ມິວນິກ ແຊ້ມບຸນເດັສລິກ້າ, ເດເອຟເບ ໂພຄາວ ແລະ ຢູຟ້າ ແຊ້ມປ້ຽນລີກ ລະດູການ 2019-20 ໄດ້ລາງວັນນີ້ມາຄອງເປັນຄັ້ງທຳອິດ ນອກຈາກນີ້ ເລວານດັອຟສະກີ້ ຍັງຊ່ວຍຕົ້ນສັງກັດໄດ້ແຊ້ມ ຢູຟ້າ ຊຸບເປີຄັບ ແລະ ເຢຍລະມັນ ຊຸບເປີຄັບ ຫລ້າສຸດ, ເລວານດັອຟສະກີ້ ໄດ້ຄະແນນໂຫວດ 477 ຄະແນນ ເອົາຊະນະ ເຄວິນ ເດີບຣອຍ ກອງກາງທີມຊາດແບນຊິກ ໄວ 29 ປີ ຈາກ ແມນເຊັສເຕີ ຊີຕີ້ ທີ່ໄດ້ 90 ຄະແນນ ແລະ ມານູເອວ ນອຍເອີ ເພື່ອນຮ່ວມທີມ ໄດ້ 66 ຄະແນນ.

ລະດູການຜ່ານມາ ເລວານດັອຟສະກີ້ ລະເບີດຟອມເກັ່ງ ຍິງ 55 ປະຕູຈາກ 47 ນັດ ລວມທຸກລາຍການ ຊ່ວຍທີມປະສົບຜົນສຳເລັດເກີນຄາດ. ຂະນະທີ່ ລາງວັນນັກເຕະຍິງດີເດັ່ນເປັນຂອງ ເປີນິວເລ່ ຮາເດີ ກອງໜ້າຊາວດານມາກຂອງສະໂມສອນ ໂວຟບວກ ໄວ 27 ປີ ປະຈຸບັນຍ້າຍມາຢູ່ກັບ ເຊວຊີ ເອົາຊະນະ ເວັນດີ້ ເຣນ໊າດ ກອງຫລັງຊາວຝຣັ່ງຂອງ ໂອລິມປິກ ລີຢົງ 9 ຄະແນນ ໄດ້ລາງວັນນີ້ມາຄອງເປັນຄັ້ງທຳອິດ.

Photo: Uefa