ຜູ້ຕັດສິນບານເຕະຊາຍເພດຍິງຄົນທຳອິດຂອງ 5 ລີກຊັ້ນນຳເອີຣົບ ປະກາດລາອາຊີບ ໃນໄວ 41 ປີ!!

ຜູ້ຕັດສິນບານເຕະຊາຍເພດຍິງຄົນທຳອິດຂອງ 5 ລີກຊັ້ນນຳເອີຣົບ ປະກາດລາອາຊີບ ໃນໄວ 41 ປີ!!

October 1, 2020 0 By admin

ບີເບຍນ້າ ສະເຕັນເຮົ່າ ຜູ້ຕັດສິນຍິງຄົນທຳອິດ ຊາວເຢຍລະມັນ ທີ່ຕັດສິນບານເຕະຊາຍໃນ 5 ລີກຊັ້ນນຳຂອງເອີຣົບ ໄດ້ປະກາດອຳລາຊີບເປັນທາງການ ພາຍຫລັງຕັດສິນເກມ ເຢຍລະມັນ ຊຸບເປີຄັບ ຄັ້ງທີ 21 (DFL-Supercup) ເມື່ອຄືນວັນທີ 30 ກັນຍາຜ່ານມາ ເຊິ່ງເສືອໃຕ້ ບາເຢິນ ມິວນິກ ຊະນະ ເສືອເຫລືອງ ໂບຣຸສເຊຍ ດັອດມຸນ ແບບມ່ວນມັນ 3-2.

ບີເບຍນ້າ ໄວ 41 ປີ ສ້າງປະກົດການໃຫມ່ ກາຍເປັນຜູ້ຕັດສິນຍິງຄົນທຳອິດໃນ 5 ລີກຊັ້ນນຳຂອງເອີຣົບ ໄດ້ຕັດສິນເຕະບານຊາຍ ໂດຍເລີ່ມມາແຕ່ປີ 2017 ໂດຍຕັດສິນ ບຸນເດັສລີກ້າ 23 ນັດ ແລະ ເປັນຜູ້ຕັດສິນຍິງຄົນທຳອິດ ໄດ້ຕັດສິນ ເຢຍລະມັນ ຊຸບເປີຄັບ.

ບີເບຍນ້າ ຍຶດອາຊີບຜູ້ຕັດສິນກິລາບານເຕະ ມາແຕ່ປີ 1999 ຊຶ່ງເປັນອາຊີບດຽວກັບພໍ່ ແລະ ເປັນຜູ້ຕັດສິນຂອງ ຟີຟ້າ ໃນປີ 2005 ເປັນຕົ້ນມາ ບວກກັບເຮັດອາຊີບຕຳຫລວດໄປພ້ອມ. ບີເບຍນ້າ ເຄີຍຕັດສິນຫລາຍງານລະດັບໂລກ ເປັນຕົ້ນເຕະບານຍິງ U-20 ປີ ຊິງແຊ້ມໂລກ, ຢູໂຣ ປະເພດຍິງ, ບານໂລກຍິງ, ຢູຟ້າ ແຊ້ມປ້ຽນລີກ ປະເພດຍິງ, ລວມທັງ ໂອແລມປິກເກມ.

Photo: Bleacher Report Football, FC Bayern München