ກອງປະຊຸມໃຫຍ່ຜູ້ແທນ ອົງຄະນະພັກແຂວງຫຼວງພະບາງຄັ້ງທີ VIII ຈະຈັດຂຶ້ນໃນວັນທີ 2 ຕຸລາ ນີ້

ກອງປະຊຸມໃຫຍ່ຜູ້ແທນ ອົງຄະນະພັກແຂວງຫຼວງພະບາງຄັ້ງທີ VIII ຈະຈັດຂຶ້ນໃນວັນທີ 2 ຕຸລາ ນີ້

October 1, 2020 0 By admin

ໂດຍປະຕິບັດຕາມວາລະ ການເຄື່ອນໄຫວ ກອງປະຊຸມໃຫຍ່ຜູ້ແທນ ອົງຄະນະພັກແຂວງຫຼວງພະບາງຄັ້ງທີ VIII ທີ່ຈັດຂຶ້ນໃນວັນທີ 2 ຕຸລາ ນີ້.

ໃນຕອນເຊົ້າຂອງວັນທີ 1 ຕຸລາ ນີ້ ຄະນະບໍລິຫານງານພັກແຂວງຫຼວງພະບາງ ສະໄໝ ທີ VII ນໍາໂດຍ ສະຫາຍ ຄໍາຂັນ ຈັນທະວີສຸກ ເລຂາຄະນະບໍລິຫານງານພັກແຂວງ ເຈົ້າແຂວງໆຫຼວງພະບາງ ພ້ອມດ້ວຍຄະນະ ໄດ້ນຳ ພວງມາລາໄປວາງຕໍ່ໜ້າອະນຸອານຸສາວະລີ ນັກຮົບນິລະນານ ເພື່ອລະນຶກເຖິງຄຸນງາມຄວາມດີ ຂອງນັກຮົບ ທີ່ໄດ້ເສຍສະຫຼະຊີວິດເພື່ອຊາດ ເພື່ອປະຊາຊົນ ໃນສະໄໝຕໍ່ສູ້ກູ້ຊາດ.

ຈາກນັ້ນກໍໄດ້ໄປວາງກະຕ່າດອກໄມ້ຢູ່ຕໍ່ຮູບປັ້ນຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດຄື ອະນຸສາວະລີປະທານໄກສອນ ພົມວິຫານ ແລະອະນຸສາວະລີປະທານ ສຸພານຸວົງ ເພື່ອລະນຶກ ເຖິງຄຸນງາມຄວາມດີ ແລະຄວາມເກັ່ງກ້າສາມາດຂອງທ່ານຜູ້ນຳທີ່ໄດ້ນຳພາປະຊາຊົນລາວກອບກູ້ເອົາປະເທດຊາດຂອງພວກເຮົາຄືນ ຈາກພວກສັກດີນາຕ່າງດ້າວ. ທັງນີ້ກໍເພື່ອເຮັດກອງປະຊຸມໃຫຍ່ທີ່ຈະໄຂຂຶ້ນປະສົບຜົນສຳເລັດອັນຈົບງາມ ແລະມີບັນຍາກາດຟົດຟື້ນ.

.

.

ພາບ: ເພັດສາຄອນ, ຂ່າວ: ດາວອນ,ຂ່າວສານຫລວງພະບາງ Luangprabang News