ແມນຊິຕີ້ ແຊ້ມເກົ່າ ບຸກຖະຫລົ່ມ ເບີນລີ້ 3-0 ເຂົ້າຮອບ 8 ທີມ! ຄາຣາບາວ ຄັບ 2020-21

ແມນຊິຕີ້ ແຊ້ມເກົ່າ ບຸກຖະຫລົ່ມ ເບີນລີ້ 3-0 ເຂົ້າຮອບ 8 ທີມ! ຄາຣາບາວ ຄັບ 2020-21

October 1, 2020 0 By admin

ການແຂ່ງຂັນເຕະບານ ຄາຣາບາວຄັບ ຫລື ລີກຄັບ ອັງກິດ ຮອບທີ 4 ລະດູການໃຫມ່ 2020-21 ຄືນວັນທີ 30 ກັນຍາຜ່ານມາ ສອງທີມຍັກໃຫຍ່ຈາກເມືອງ ແມນເຊັສເຕີ ຜົນງານດີທັງສອງທີມ, ແມນຊິຕີ້ ແຊ້ມເກົ່າ 3 ສະໄໝຊ້ອນ ບຸກຊະນະ ເບີນລີ້ 3-0 ເຊັ່ນກັນຈາກ: ຣາຮີມ ສະເຕີລິ້ງ ຍິງສອງສົ່ງໜຶ່ງ ນາທີ 35′, 49′ ແລະ ປິດທ້າຍຈາກ: ແຟຣານ ຕໍເຣັສ ນາທີ 65’ເປັນປະຕູທຳອິດຂອງກອງກາງໃຫມ່ຊາວແອັສປາຍໃນນາມນັກເຕະ ແມນຊິຕີ້.

ສ່ວນ ແມນຢູ ອະດີດແຊ້ມ 5 ສະໄໝ ບຸກຊະນະ ໄບຣຕັ້ນ ແອນ ໂຮຟອາວບ້ຽນ 3-0 ຈາກ: ສະກັອດ ແມັກໂທມີເນ ນາທີ 44′, ຮວນ ມາຕ້າ ນາທີ 73′ ແລະ ປໍລ ປັອກບາ ນາທີ 80′.

ແມນຢູ ແລະ ແມນຊິຕີ້ ເຂົ້າສູ່ຮອບ 8 ທີມສຸດທ້າຍຕໍ່ໄປ ສ່ວນຄືນວັນທີ 1 ຕຸລານີ້ ມີແຂ່ງ 3 ຄູ່: ເບັນຟ໋ອດ ພົບ ຟູແລ່ມ ເວລາ 23:30 ແອັສຕັນ ວິນລ້າ ພົບ ສະໂຕ໊ກ ຊິຕີ້ ເວລາ 01:00 ແລະ ລີເວີພູລ ພົບ ອາຣເຊນໍລ ເວລາ 01:45.

ໄຮໄລ້ການແຂ່ງຂັນ:

 

Photo: Manchester City, Manchester United