ບຸນຊ່ວງເຮືອທ່າວັດຈັນປີນີ້  ເຈົ້າໜ້າທີ່ກຳນົດເສັ້ນທາງສັນຈອນ ພ້ອມທັງວາງຂໍ້ກຳນົດ 8 ຂໍ້ຫ້າມ

ບຸນຊ່ວງເຮືອທ່າວັດຈັນປີນີ້ ເຈົ້າໜ້າທີ່ກຳນົດເສັ້ນທາງສັນຈອນ ພ້ອມທັງວາງຂໍ້ກຳນົດ 8 ຂໍ້ຫ້າມ

September 30, 2020 0 By admin

ກອງບັນຊາການ ປກສ ນະຄອນຫຼວງວຽງຈັນ ໄດ້ອອກແຈ້ງການເລື່ອງ: ການເພີ່ມທະວີປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ ໃນໄລຍະງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ ພສ 2563; ເຊິ່ງໃນແຈ້ງການໄດ້ກຳນົດເສັ້ນທາງສັນຈອນ ແລະ ບ່ອນຈອດລົດປະເພດຕ່າງໆ; ພ້ອມທັງວາງຂໍ້ກຳນົດ 8 ຂໍ້ຫ້າມ ແລະ 3 ມາດຕະການຕໍ່ຜູ້ລະເມີດ.

ບັນດາຂໍ້ຫ້າມມີດັ່ງນີ້:1. ຫ້າມຊື້-ຂາຍສິນຄ້າ ແລະ ອຸປະກອນທີ່ກໍ່ໃຫ້ເກີດສຽງແຕກທຸກປະເພດ, ບໍ່ໃຫ້ຈຸດຫມາກກະໂພກ, ບັ້ງໄຟດອກ ຈຸດໂຄມໄຟລອຍຂື້ນຝ້າ ທຸກຊະນິດ-ທຸກລະດັບ, ບໍ່ໃຫ້ນໍາໃຊ້ທາດລະເບີດ, ທາດແຕກ, ທາດເບື່ອ-ເຄມີ, ທາດກໍາມະລັງ ສີ ແລະ ວັດຖອອກລິດຕໍ່ສຸຂະພາບ ທີ່ເປັນຜົນລົບຕໍ່ຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມ ແລະ ຂອບເຂດສະຖານທີ່ຈັດງານບຸນ ຢ່າງເດັດຂາດ.


2. ຫ້າມຖືອາວຸດທຸກສະນິດເຂົ້າໄປໃນງານບຸນ, ຍົກເວັ້ນເຈົ້າຫນ້າທີ່ປ້ອງກັນຊາດ-ປ້ອງກັນຄວາມສະຫງົບ ທີ່ກໍາລັງ ປະຕິບັດຫນ້າທີ່ປ້ອງກັນງານບຸນດັ່ງກ່າວ.

3. ຫ້າມລວມຕົວກັນເປັນກຸ່ມດື່ມເຫຼົ້າ-ເບຍເຕັ້ນຟ້ອນຕາມທ້ອງຖະຫນົນທີ່ບໍ່ຖືກຕ້ອງຕາມຮີດຄອງປະເພນີ, ການ ທ່ຽວຫຼີ້ນແບບລາມົກອານາຈານ, ຫຼີ້ນການພະນັນ ທຸກປະເພດ ແລະ ຫ້າມກໍ່ອາລະວາດຜິດຖຽງ, ຕີກັນ ສ້າງຄວາມບໍ່ ສະຫງົບໃນງານບຸນ ຢ່າງເດັດຂາດ.


4. ຫ້າມບໍ່ໃຫ້ລົງຫຼີ້ນນໍ້າຂອງ, ຫາດຊາຍ ທີ່ບໍ່ໄດ້ຮັບອະນຸຍາດຈາກທາງການ ຫຼື ບ່ອນທີ່ບໍ່ມີເຈົ້າຫນ້າທີ່ປ້ອງກັນ ຮັກສາຄວາມສະຫງົບ, ຮັກສາຄວາມປອດໄພ ເພື່ອຫຼີກລຽງຕໍ່ສິ່ງທີ່ບໍ່ເພິ່ງປາດຖະຫນາອາດຈະເກີດຂຶ້ນ.

5. ຫ້າມເສບຄົບງັນຕາມລົດ ຫຼື ເຮືອນຊານເນືອງນັ້ນ, ເປີດສຽງດັງເກີນຂອບເຂດ, ຫ້າມຂີ່ລົດເປັນພືງເປັນແພ, ແລ່ນລົດໄວເກີນຂອບເຂດ ເວລາຂັບຂີ່ລົດປະເພດຕ່າງໆ ສັນຈອນຕາມທ້ອງຖະຫນົນ ຜູ້ຂັບຂີ່ຕ້ອງປະຕິບັດຕາມກົດ ລະບຽບຈະລາຈອນວາງອອກຢ່າງເຂັ້ມງວດ ເຊັ່ນ, ດື່ມສິ່ງມືນເມົາແລ້ວບໍ່ຂັບລົດ, ຂັບລົດບໍ່ດື່ມສິ່ງມືນເມົາ ຢ່າງ ເດັດຂາດ. _ 6. ຫ້າມບໍ່ໃຫ້ຜູ້ໂດຍສານນັ່ງຫົວລົດເວລາຂັບຂີ່ໄປຕາມທ້ອງຖະຫນົນ, ຫ້າມລົດບັນທຸກຂົນສົ່ງສິນຄ້າຫນັກ, ລົດ ໂດຍສານ ໃສ່ເກີນຂອບເຂດ, ຜູ້ຂັບຂີພາຫະນະທຸກປະເພດຕ້ອງປະຕິບັດຕາມປ້າຍສັນຍານຈະລາຈອນ ແລະ ກົດ ລະບຽບການສັນຈອນ ຢ່າງເຄັ່ງຄັດ.

7. ຫ້າມຈອດລົດຊະຊາຍຕາມຖະຫນົນຕ່າງໆ ເຊັ່ນ: ຖະຫນົນສຸພານຸວົງ ນັບແຕ່ໄຟແດງບ້ານອາກາດ ເຖີງ ໄຟແດງ ຫຼັກ1, ຖະຫນົນເສດຖາທິລາດ ນັບແຕ່ໄຟແດງຫຼັກ1 ເຖີງ ໄຟແດງທາດຂາວ, ຖະຫນົນສາມແສນໄທ ນັບແຕ່ວັດສີເມືອງ ເຖີງ ຫຼັກ2, ຖະຫນົນເຈົ້າອານຸວົງ ນັບແຕ່ 3 ແຍກປາກປ່າສັກ ເຖີງ ໄຟແດງໂທລະໂຄ່ງ, ຖະຫນົນຄູວຽງ ນັບແຕ່ ໄຟແດງ ໂທລະໂຄ່ງ ເຖີງ ໄຟແດງຕະຫຼາດເຊົ້າ. ່ 8. ບັນດາຮ້ານທຸລະກິດບັນເທີງ, ຮ້ານກີນດື່ມ ໃຫ້ຢຸດເຊົາບໍລິການຕາມຄໍາສັ່ງ, ແຈ້ງການ ຂອງລັດຖະບານວາງ ອອກ ແລະ ພ້ອມກັນຈັດຕັ້ງປະຕິບັດມາດຕະການປ້ອງກັນການແຜ່ລະບາດພະຍາດ ໂຄວິດ 19 ຂອງຄະນະສະເພາະກິດ ແນະນໍາວິທີປ້ອງກັນ ຢ່າງເຂັ້ມງວດ.