ປະຊາຊົນບ້ານ ອາຫໍ, ບ້ານ ນາແພງ, ບ້ານ ອໍາພະວັງ ແລະບ້ານໜອງບົວລາວ ສ້າງຂະບວນການສ້ອມແປງເສັ້ນທາງລະຫວ່າງບ້ານຕໍ່ບ້ານ

ປະຊາຊົນບ້ານ ອາຫໍ, ບ້ານ ນາແພງ, ບ້ານ ອໍາພະວັງ ແລະບ້ານໜອງບົວລາວ ສ້າງຂະບວນການສ້ອມແປງເສັ້ນທາງລະຫວ່າງບ້ານຕໍ່ບ້ານ

September 30, 2020 0 By admin

ວິທະຍຸກະຈາຍສຽງ ສະຫວັນນະເຂດ, ເພື່ອເຮັດໃຫ້ການໄປມາຫາສູ່ກັນລະຫວ່າງບ້ານຕໍ່ບ້ານໃຫ້ມີຄວາມສະດວກສະບ່າຍຂຶ້ນກວ່າທັງເປັນການສ້າງຂະບວນການ ຕ້ອນຮັບວັນສຳຄັນຕ່າງໆຂອງຊາດ,ຂອງພັກ ທີ່ຈະໝູນວຽນມາບັນຈົບຄົບຮອບອີກວາລະໜື່ງ ໂດຍສະເພາະກໍ່ເພື່ອຕ້ອນຮັບກອງປະຊຸມໃຫຍ່ ຄັ້ງທີ 9 ຂອງອົງຄະນະພັກແຂວງສະຫວັນນະເຂດ ທີ່ຈະໄຂຂຶ້ນໃນມໍ່ໆນີ້ໃຫ້ມີຜົນສໍາເລັດຢ່າງຈົບງາມ

ດັ່ງນັ້ນ ໃນຕອນເຊົ້າຂອງວັນທີ 29 ກັນຍາ 2020 ນີ້ ປະຊາຊົບ້ານ ອາຫໍ, ບ້ານ ນາແພງ, ບ້ານ ອໍາພະວັງ ແລະບ້ານໜອງບົວລາວ ທີ່ຂຶ້ນກັບກຸ່ມບ້ານທີ 6 ຂອງເມືອງຊົນນະບູລີ ແຂວງສະຫວັນນະເຂດ. ໄດ້ສາມັກຄີກັນສ້າງຂະບວນການສ້ອມແປງເສັ້ນທາງລະຫວ່າງບ້ານຕໍ່ບ້ານ ໂດຍການຊີ້ນໍາໆພາສ້າງຂະບວນການຂອງທ່ານ ຄໍາສຸກ ອິນທະວົງ ກໍາມະການພັກເມືອງຫົວໜ້າຫ້ອງການກະສິກໍາ ແລະ ປ່າໄມ້ເມືອງ, ພ້ອມດ້ວຍອໍານາດການປົກຄອງ ແລະພໍ່ແມ່ປະຊົນ, ຊາວໜຸ່ມ-ແມ່ຍິງ ພາຍໃນ 4 ບ້ານເຂົ້າຮ່ວມຈໍານວນ 378 ຄົນ ຍິງ 61 ຄົນ.


ການອອກແຮງງານໃນຄັ້ງນີ້, ໜ້າວຽກຫຼັກແມ່ນໄດ້ສາມັກຄີກັນຂຸດຄອງລະບາຍນໍ້າທັງສອງພາກທາງ, ຂົນດີນຖົມໃສ່ບ່ອນທີ່ເປັນບວກເປັນຂຸມເລີກ ແລະປັບໜ້າດີນໃຫ້ມີຄວາມຮາບພຽງ, ຖາງປ່ານ້ອຍໃຫຍ່ທີ່ເກີດຢູ່ຕາມແຄມທາງທັງສອງພາກ, ການສ້ອມແປງເສັ້ນທາງແມ່ນໄດ້ເລີ່ມແຕ່ທາງຜ່ານບ້ານ ອາຫໍ ຫາ ບ້ານ ນາແພງ, ບ້ານອໍາພາວັງ ແລະບ້ານໜອງບົວລາວ ເຊີ່ງມີໄລຍະທາງ 10 ກິໂລແມັດ,

ທັງນີ້ກໍ່ເພື່ອເຮັດໃຫ້ພໍ່ແມ່ປະຊົນພາຍໃນບ້ານ ແລະບ້ານໃກ້ຄ່ຽງ ລວມທັງຜູ້ໃຊ້ລົດໃຊ້ຖະໜົນໃນການສັນຈອນໄປມາຫາສູ່ກັນຊື້-ຂາຍແລກປ່ຽນສີ້ນຄ້າ ລະຫວ່າງບ້ານຕໍ່ບ້ານ ແລະບ້ານຫາເມືອງ ໃຫ້ມີຄວາມສະດວກສະບ່າຍຂຶ້ນກວ່າເກົ່າ, ເຊີ່ງການອອກແຮງງານແມ່ນເຕັມໄປດ້ວຍບັນຍາກາດຟົດຟື້ນມ່ວນຊື່ນ, ອີກຢ່າງໜື່ງທັງເປັນການສ້າງຄວາມສາມັກຄີຂອງປະຊາຊົນກຸ່ມບ້ານທີ 6 ໃຫ້ມີຄວາມສະໜິດແໜ້ນ ແລະທັງເປັນການເຮັດໃຫ້ເສັ້ນທາງພາຍໃນບ້ານ ແລະບ້ານຕໍ່ບ້ານ ມີຄວາມສະອາດ, ເປັນລະບຽບຮຽບຮ້ອຍ ແລະງາມຕາ.