ມູຣິນໂຢ້ ພາ ສະເປີ ດວນຈຸດໂທດຊະນະ ເຊວຊີ ເຂົ້າຮອບ 8 ທີມສຸດທ້າຍ ຄາຣາບາວຄັບ!!

ມູຣິນໂຢ້ ພາ ສະເປີ ດວນຈຸດໂທດຊະນະ ເຊວຊີ ເຂົ້າຮອບ 8 ທີມສຸດທ້າຍ ຄາຣາບາວຄັບ!!

September 29, 2020 0 By admin

ການແຂ່ງຂັນເຕະບານ ຄາຣາບາວຄັບ ຫລື ລີກຄັບ ອັງກິດ ຮອບທີ 4 ລະດູການໃຫມ່ 2020-21 ຄືນວັນທີ 29 ກັນຍາຜ່ານມາ ເປັນລອນດອນດາບີ້ແມັດ ລະຫວ່າງ ທັອດແນ່ມ ຮັອດສະເປີ ອະດີດແຊ້ມ 4 ສະໄໝ ເປີດບ້ານພົບກັບ ເຊວຊີ ອະດີດແຊ້ມ 5 ສະໄໝ. ທັງສອງທີມສົ່ງນັກເຕະໃຫມ່ລົງຫລິ້ນເປັນນັດທຳອິດ ສະເປີ ສົ່ງ ເຊີຈີໂອ້ ເຣກຸຍລ້ອນ ກອງຫລັງໃຫມ່ທີ່ຍ້າຍມາຈາກ ຣຽວ ມາດຣິດ ຂະນະທີ່ ເຊວຊີ ກໍສົ່ງ ເອດົວ ເມັນດີ້ ຜູ້ຮັກສາປະຕູໃຫມ່ ມາຈາກ ແຣນສ໌.

ທີມຢາມ ເຊວຊີ ເປັນຝ່າຍອອກນຳກ່ອນຈາກກອງໜ້າໃຫມ່ ຕີໂມ ແວເນີ້ ນາທີ 19′ ເປັນປະຕູທຳອິດກັບສັງກັດໃຫມ່ ແຕ່ເຈົ້າບ້ານ ສະເປີ ມາທວງປະຕູຄືນໃນທ້າຍເກມຈາກ: ເອຣິກ ລາເມລ້າ ນາທີ 83′ ຈົບເກມ 90′ ນາທີສະເໝີກັນ 1-1 ມາຕັດສິນຜູ້ຊະນະທີ່ການດວນຈຸດໂທດ ແລະ ເປັນ ສະເປີ ຍິງໄດ້ຄົມກວ່າ ເອົາຊະນະ ເຊວຊີ 5-4, 5 ຄົນຍິງບໍ່ພາດຄື: ເອຣິກ ໄດເອີ, ເອຣິກ ລາເມລ້າ, ປີແອ ຮ໋ອຍເບີກ ແລະ ແຮຣີ້ ເຄນ ສ່ວນ 5 ຄົນຂອງເຊວຊີ ຍິງບໍ່ເຂົ້າໜຶ່ງຄົນ ຄືຄົນສຸດທ້າຍ ເມສັນ ເມົ້າ, ສ່ວນ 4 ຄົນທຳອິດເຂົ້າໝົດຄື: ແທ່ມມີ້ ອາບຣາຮຳ, ອັສປີລີກວາຕ້າ, ຈໍກິນໂຢ້ ແລະ ເອເມີສັນ.

ສະເປີ ເຂົ້າສູ່ຮອບ 8 ທີມສຸດທ້າຍເປັນທີມທຳອິດ ສ່ວນຄືນວັນທີ 30 ກັນຍານີ້ ມີແຂ່ງ 4 ຄູ່: ນິວພ໊ອດ ເຄົາຕີ້ ພົບ ນິວຄາສເຊິນ ເວລາ 23:30 ເບີນລີ້ ພົບ ແມນເຊັສເຕີ ຊິຕີ້ ແຊ້ມເກົ່າ ເວລາ 01:00, ໄບຣຕັ້ນ ພົບ ແມນຢູ ແລະ ເອຟເວີຕັນ ພົບ ເວັສແຮມ ແຂ່ງພ້ອມກັບ ເວລາ 01:45. ສ່ວນ ລີເວີພູລ ແຊ້ມສູງສຸດ 8 ສະໄໝ ຈະພົບກັບ ອາຣເຊນໍລ ຈະແຂ່ງຂັນໃນຄືນວັນທີ 1 ຕຸລານີ້.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Tottenham Hotspur