ສ້າງຕັ້ງບໍລິສັດຮ່ວມທຶນກະສິກຳກອງທັບຄົບວົງຈອນ ໂດຍຈະສ້າງຟາມລ້ຽງສັດງົວ ແລະ ໂຮງງານແປຮູບຊີ້ນ

ສ້າງຕັ້ງບໍລິສັດຮ່ວມທຶນກະສິກຳກອງທັບຄົບວົງຈອນ ໂດຍຈະສ້າງຟາມລ້ຽງສັດງົວ ແລະ ໂຮງງານແປຮູບຊີ້ນ

September 29, 2020 0 By admin

Lao people’s Army News, ກົມຜະລິດ, ກົມໃຫຍ່ພະລາ ທິການກອງທັບຮ່ວມກັບບໍລິສັດ ສາງຈ່າງການລົງທຶນລາວຈຳ ກັດຜູ້ດຽວ ໄດ້ຮ່ວມກັນຈັດຕັ້ງພິ ທີລົງນາມເພື່ອສ້າງຕັ້ງບໍລິສັດ ຮ່ວມທຶນກະສິກຳກອງທັບຄົບວົງ ຈອນຂຶ້ນຢ່າງເປັນທາງການ ໃນ ວັນທີ 28 ກັນຍາ 2020 ນີ້, ຢູ່ທີ່ ກົມໃຫຍ່ພະລາທິການກອງທັບ.

ຈຸດປະສົງຂອງການລົງນາມ ຮ່ວມກັນໃນຄັ້ງນີ້ເພື່ອສຶກສາ ຄວາມເປັນໄປໄດ້ໃນການລ້ຽງ ງົວເປັນສິນຄ້າ ແລະ ແປຮູບຜະ ລິດຕະພັນຈາກງົວ ເພື່ອສົ່ງອອກ ໄປຕ່າງປະເທດ, ໃນໄລຍະທຳ ອິດຈະສົ່ງໄປ ສປ ຈີນ ແລະ ຕໍ່ ໄປຈະສົ່ງໄປບັນດາປະເທດອ້ອມ ຂ້າງຖ້າຫາກວ່າມີຜະລິດຕະພັນ ພຽງພໍ, ການແປຮູບງົວເປັນຜະ ລິດຕະພັນເຊັ່ນ: ຊີ້ນສັດ, ຊີ້ນແຊ່ ແຂງ, ອາຫານສຳເລັດຮູບ, ຊີ້ນ ແຫ້ງ, ຊີ້ນສະຫວັນ ແລະ ອື່ນໆ.

ໃນໂຄງການຈະມີການສ້າງຕັ້ງ ຟາມລ້ຽງສັດໃຫຍ່ (ໂດຍສະ ເພາະງົວ) ຈະສ້າງສູນປິ່ນປົວພະ ຍາດສັດ, ໂຮງຂ້າສັດໃຫຍ່, ສູນ ກັກກັນສັດ, ໂຮງງານແປຮູບ ໂດຍກຳນົດເອົາເຂດບ້ານຖໍ້າ, ບ້ານບົວຂອງເມືອງນາຊາຍ ທອງ, ນະຄອນຫຼວງວຽງຈັນ (ເຂດກອງຜະລິດຄົບວົງຈອນ ເລກ 2 ກອງທັບ) ໃນເນື້ອທີ 100 ເຮັກຕາ ໃນມູນຄ່າການລົງທຶນ 300 ລ້ານໂດລາ ໂດຍແບ່ງໜ້າ ວຽກອອກເປັນ 3 ໄລຍະ ແລະ ຈະລົງມືສຶກສາຄວາມເປັນໄປໄດ້ ພາຍໃນ 18 ເດືອນ ນັບແຕ່ມື້ລົງ ນາມຮ່ວມກັນເປັນຕົ້ນໄປ.


ຕາງໜ້າກົມຜະລິດ, ກົມໃຫຍ່ ພະລາທິການກອງທັບຮ່ວມລົງ ນາມໃນຄັ້ງນີ້, ໂດຍ ທ່ານ ພັນ ເອກ ພິມພາ ດວງຈັນດີ ຫົວໜ້າ ກົມຜະລິດ ແລະ ຝ່າຍບໍລິສັດ ຮ່ວມລົງນາມໂດຍທ່ານ ນາງ ຄອນສະຫວັນ ແສງວິໄລ ຜູ້ອຳ ນວຍການບໍລິສັດສາງຈ່າງການ ລົງທຶນລາວຈຳກັດຜູ້ດຽວ, ໂດຍ ຊ່ອງໜ້າຂອງ ທ່ານ ພົນຈັດຕະວາ ບຸນສູງ ຢາທໍ່ຕູ້ ຮອງຫົວໜ້າກົມ ໃຫຍ່ພະລາທິການກອງທັບ, ຜູ້ຊີ້ ນຳກົມຜະລິດ, ກົມໃຫຍ່ພະລາທິ ການກອງທັບ ແລະ ພະນັກງານ ທີ່ກ່ຽວຂ້ອງທັງສອງຝ່າຍຮ່ວມ ເປັນສັກຂີພະຍານ.

ໂດຍ: ຈັນທະວົງ ອຸ່ນວິໄລຫົງ