ເຊເຣນ້າ ພ້ອມເດີນໜ້າລ່າແຊ້ມ ແກຣນສະແລມທີ 24 ຫລັງຜ່ານຮອບທຳອິດ ເຟັນ ໂອເພັນ 2020

ເຊເຣນ້າ ພ້ອມເດີນໜ້າລ່າແຊ້ມ ແກຣນສະແລມທີ 24 ຫລັງຜ່ານຮອບທຳອິດ ເຟັນ ໂອເພັນ 2020

September 29, 2020 0 By admin

ການແຂ່ງຂັນເທັນນິສ ແກຣນສະແລມ ເຟັນ ໂອເພັນ 2020 ທີ່ສັງວຽນ ໂຣລ໋ອງ ກາຣັອສ ໃນນະຄອນຫລວງປາຣີ ປະເທດຝຣັ່ງ ໃນວັນທີ 27 ກັນຍາ – 11 ຕຸລານີ້ ຊິງເງິນລາງວັນລວມ 38 ລ້ານເອີໂຣ ຫລື ປະມານ 400 ກວ່າຕື້ກີບ.

ປະເພດຍິງດ່ຽວຮອບທີ 1 ຄູ່ທີ່ໜ້າສົນໃຈ: ເຊເຣນ້າ ວິນລ້ຽມສ໌ ອະດີດມື 1 ຂອງໂລກ ອະດີດແຊ້ມສູງສຸດ 3 ສະໄໝ ຈາກສະຫະລັດອາເມຣິກາ ເອົາຊະນະ ຄຣິສຕີ້ ແອນ ເພື່ອນຮ່ວມຊາດ ອັນດັບ 96 ຂອງໂລກ 2-0 ເຊັດ: 7-6 (7-3), 6-0 ເຂົ້າຮອບສອງພົບກັບ ສະເວັດຕານ້າ ປີຣອນໂກວ້າ ຈາກບຸນກາຣີ້ ອັນດັບ 156 ຂອງໂລກ ທີ່ຫາກໍຊະນະ ເຊເຣນ້າ ໃນຮອບ 8 ຄົນສຸດທ້າຍ ແກຣນສະແລມ ຢູເອັສ ໂອເພັນ ໃນເດືອນສິງຫາຜ່ານມາ.

ຂະນະທີ່ ເອລີນ້າ ສະວິດໂຕລີນ້າ ມື 3 ຈາກອູແກຣນ, ກີກີ້ ເບີເທັນ ມື 5 ຈາກໂຮນລັງ, ເປຕ້າ ຄີໂຕວ້າ ມື 7 ຈາກສາທາລະນະລັດເຊັກ ແລະ ກາບິນ ມູກູຣູຊ້າ ມື 11 ຈາກແອັສປາຍ ແຊ້ມປີ 2016 ກໍສາມາດຜ່ານໄດ້.

Photo: ROLAND-GARROS