ລີເວີພູລ ເດັ່ນໃນບ້ານເໝືອນເດີມ! ຊະນະ ອາຣເຊນໍລ ໃນບ້ານ 5 ນັດລວດ! ພຣີເມ່ຍລີກ 2020-21 ນັດທີ 3

ລີເວີພູລ ເດັ່ນໃນບ້ານເໝືອນເດີມ! ຊະນະ ອາຣເຊນໍລ ໃນບ້ານ 5 ນັດລວດ! ພຣີເມ່ຍລີກ 2020-21 ນັດທີ 3

September 28, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2020-21 ນັດທີ 3 ຄືນວັນທີ 28 ກັນຍາຜ່ານມາ, ຫົງແດງ ລີເວີພູລ ເປີດບ້ານແອນຟິວ ພົບກັບ ປືນໃຫຍ່ ອາຣເຊນໍລ ທັງສອງທີມເກັບ 6 ຄະແນນເຕັມຈາກສອງນັດຜ່ານມາ, ນັດນີ້ ອາຣເຊນໍລ ຊິງນຳຫວະນຳກ່ອນຈາກ: ອາເລັກຊານເດຣ ລາກາແຊັດ ນາທີ 25′ ແຕ່ຖືກ ລີເວີພູລ ຍິງແຊງ 2 ປະຕູຈາກ: ຊາດີໂອ ມາເນ່ ນາທີ 28′ ແລະ ແອນດູ ໂຣເບີດສັນ ນາທີ 34′ ຈົບເຄິ່ງເວລາທີໜຶ່ງ ລີເວີພູລ ນຳ ອາຣເຊນໍລ 2-1.

ມາເຄິ່ງຫລັງ ແຊ້ມເກົ່າ ມາໄດ້ປະຕູປິດທ້າຍຈາກ: ເດໂກ້ ໂຊຕ້າ ຕົວສຳຮອງ ຊຶ່ງເປັນນັກເຕະໃຫມ່ ໃນນາທີ 88′ ເປັນປະຕູທຳອິດກັບສັງກັດໃຫມ່. ຈົບເກມ ລີເວີພູລ ແຊງຊະນະ ອາຣເຊນໍລ 3-1.

+ ລີເວີພູລ ຊະນະ ອາຣເຊນໍລ ຢູ່ບ້ານ 5 ນັດລວດ ສະເພາະເກມ ພຣີເມ່ຍລີກ ເປັນຄັ້ງທຳອິດໃນຮອບ 33 ປີ ຕໍ່ຈາກປີ 1981-1988.

+ ນັດນີ້ ຫົງແດງສ້າງສັນໂອກາດຍິງເຖິງ 21 ຄັ້ງ ລວມ 3 ນັດຫລັງສຸດທີ່ພົບກັນ ຫົງແດງ ສ້າງໂອກາດຍິງ ອາຣເຊນໍລ ໄດ້ເຖິງ 61 ຄັ້ງ ຢ່າງຕໍ່ານັດໜຶ່ງບໍ່ຫລຸດ 17 ຄັ້ງ ຫລາຍກວ່າພົບທຸກທີມ.

ລີເວີພູລ ເກັບ 9 ຄະແນນເຕັມ ໃນ 3 ນັດທຳອິດຂອງ ພຣີເມ່ຍລີກ ລະດູການນີ້ ເໝືອນກັບ ເອຟເວີຕັນ ແລະ ເລັສເຕີ ຊິຕີ້, ສ່ວນ ອາຣເຊນໍລ 3 ນັດ ຊະນະ 2 ເສຍ 1. ນັດຕໍ່ໄປ ທັງສອງທີມຈະພົບກັນອີກຄັ້ງຢູ່ສະໜາມແອນຟິວ ເປັນເກມ ຄາຣາບາວ ຄັບ ຮອບທີ 4 ໃນຄືນວັນທີ 1 ຕຸລານີ້ ເວລາ 1:45.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Liverpool FC, Arsenal