ສະຫາຍ ວັນໄຊ ຕະວິນຍານ ໄດ້ຮັບເລືອກເປັນເລຂາຫນ່ວຍພັກຫນັງສືພິມປະຊາຊົນ ຊຸດໃຫມ່, ສ່ວນ ສະຫາຍ ສີວັນ ຫອມໄຊຍະເດ ຮອງເລຂາ

ສະຫາຍ ວັນໄຊ ຕະວິນຍານ ໄດ້ຮັບເລືອກເປັນເລຂາຫນ່ວຍພັກຫນັງສືພິມປະຊາຊົນ ຊຸດໃຫມ່, ສ່ວນ ສະຫາຍ ສີວັນ ຫອມໄຊຍະເດ ຮອງເລຂາ

September 28, 2020 0 By admin

Lao National Radio, ກອງປະຊຸມໃຫຍ່ ຄັ້ງທີ XIII ຂອງຫນ່ວຍພັກ ຫນັງສືພິມປະຊາຊົນ ຈັດຂຶ້ນຢ່າງສະຫງ່າຜ່າເຜີຍໃນຕອນເຊົ້າວັນທີ 28 ກັນຍາ 2020.


ກອງປະຊຸມຄັ້ງນີ້ ໄດ້ຮັບຟັງ, ຄົ້ນຄ້ວາ ແລະ ຮັບຮອງເອົາບົດລາຍງານການເມືອງທັງ 2 ພາກ ຂອງປະຊຸມທີ່ໄດ້ຕີລາຄາຄືນຫມາກຜົນແຫ່ງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງຫນ່ວຍພັກ ຫນັງສຶພິມປະຊາ ຊົນຕະຫລອດໄລຍະ 4 ປີ (2016-2020) ຜ່ານມາ ທີ່ໄດ້ຍົກໃຫ້ເຫັນດ້ານດີ, ດ້ານອ່ອນຂໍ້ຄົງຄ້າງທີ່ຕ້ອງສືບຕໍ່ປັບປຸງ ແລະ ເສີມຂະຫຍາຍໃຫ້ດີຂຶ້ນ, ລວມເຖີງ ພ້ອມກັນວາງທິດທາງແຜນການ 5 ປີຕໍ່ຫນ້າ (2019-2024).


ນອກຈາກນີ້ ສະມາຊິກພັກສົມບູນ ໄດ້ໃຊ້ສິດປະຊາທິ ປະໄຕຂອງຕົນເພື່ອປ່ອນບັດຄັດເລືອກເອົາຄະນະຫນ່ວຍພັກ ຫນັງສືພິມ ປະຊາຊົນ ຊຸດໃໝ່ (ຊຸດທີ XIII) ເຊີ່ງມີຜູ້ລົງສະຫມັກ 7 ສະຫາຍ, ເລືອກເອົາ 5 ສະຫາຍ ແລະ ຮັບຟັງການໂອ້ລົມຈາກ ສະຫາຍ ສະຫວັນຄອນ ຣາຊມຸນຕີ, ຄະນະປະຈໍາພັກກະຊວງ, ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຕື່ມອີກ.

ຜົນການປ່ອນບັດຄັດເລືອກເອົາຄະນະຫນ່ວຍພັກຫນັງສືພິມ ປະຊາຊົນ ຊຸດໃຫມ່ (ຊຸດທີ XIII) ມີດັ່ງນີ້
– ສະຫາຍ ວັນໄຊ ຕະວິນຍານ, ເລຂາ
– ສະຫາຍ ສີວັນ ຫອມໄຊຍະເດ, ຮອງເລຂາ

– ສະຫາຍ ພູວຽງຄໍາ ພົນອາສາ , ປະທານກວດກາ


– ສະຫາຍ ນາງ ຈັນທະລາ ໄຊຍະເຫຼັກ, ຄະນະ
– ສະຫາຍ ຕຸໄລເພັດ ພິມເມືອງ, ຄະນະ