ຖ້າເບິ່ງປະກົດການ “ດາວຄຽງເດືອນ” ພະ​ຈັນ​ຍິ້ມ ຄືນນີ້

ຖ້າເບິ່ງປະກົດການ “ດາວຄຽງເດືອນ” ພະ​ຈັນ​ຍິ້ມ ຄືນນີ້

September 25, 2020 0 By admin

ຈ​າກ​ເພຈ໌ Lao Youth Radio FM 90.0 Mhz ເຜີຍ​ວ່າ ຄືນມື້ນີ້! ຖ້າເບິ່ງປະກົດການ “ດາວຄຽງເດືອນ” ຫຼື ພະ​ຈັນ​ຍິ້ມ ວັນທີ 25 ກັນຍາ 2020, ດາວພະຫັດ ແລະ ດາວເສົາ ຈະຄຽງຄູ່ກັບດວງເດືອນ ເຊິ່ງຈະປະກົດຢູ່ທ້ອງຟ້າທາງທິດໃຕ້ຫລັງຈາກຕາເວັນຕົກລົງສູ່ຂອບຟ້າ ຕັ້ງແຕ່ເວລາ 6 ໂມງ 30 ນາທີ ເປັນຕົ້ນໄປ

ໝາຍເຫດ: ຫາກຟ້າແຈ້ງ ຈະສາມາດສັ່ງເກດດ້ວຍຕາເປົ່າໄດ້ໃນທົ່ວປະເທດ
ແຫຼ່ງຂໍ້ມູນ: NARIT

ເຊິ່ງ​ຕາມ​ຂໍ້​ມູນ​ໃນ wikipedia ປາ​ກົດ​ການ​ນີ້ ດາວ​ຄຽງ​ເດືອນ ຫຼື ປາ​ກົດ​ການ​ພະ​ຈັນ​ຍິ້ມ ເປັນ​ປາ​ກົດ​ການ​ທີ່​ມີ​ລັກ​ສະ​ນະ​ຄ້າຍ​ຄື​ໃບ​ໜ້າ​ຄົນ​ກຳ​ລັງ​ຍິ້ມ ໂດຍ​ດາວ​ຄູ່​ດັງ​ກ່າວ ຄື ດາວ​ສຸກ ແລະ ດາວ​ພະ​ຫັດ ເມື່ອ​ເບິ່ງ​ຈາກ​ໂລກ​ຈະ​ຢູ່​ຫ່າງກັນ 2 ອົງ​ສາ ໃນ​ລະ​ຍະ​ທ້ອງ​ຟ້າ ແລະ ຈະ​ມີ​ດວງ​ຈັນ​ສ້ຽວ ຂຶ້ນ 3 ຄ່ຳ ຢູ່​ດ້ານ​ລຸ່ມ ລະ​ຫວ່າງ​ດາວ​ທັງ​ສອງດວງ ແລະ ຫ່າງ​ກັນ 2 ອົງ​ສາ ເຊິ່ງ​ສາ​ມາດ​ເບິ່ງ​ເຫັນ​ໄດ້

ປາ​ກົດ​ການ​ດາວ​ຄຽງ​ເດືອນ​ຈະ​ເກີດ​ຂຶ້ນ 2ເທື່ອ ຫ່າງ​ກັນ​ປະ​ມານ 10 ເດືອນ ຂອງ​ທຸກໆ 2 ປີ ເຄິ່ງ ມີ​ລັກ​ສະ​ນະ​ເປັນ​ດ​ວງ​ດາວ 3 ດວງ  ໄດ້​ແກ່ ດາວ​ສຸກ (ດາວ​ປະ​ຈຳ​ເມືອງ), ດາວ​ພະ​ຫັດ ແລະ ດ​ວງ​ຈັນ  ໂຄ​ຈອນ​ເຂົ້າ​ມາ​ໃກ້​ກັນ ໂດຍ​ດວງ​ຈັນ​ຫງາຍ​ຢູ່​ດ່ານ​ລຸ່ມ ຂອງ​ດາວ​ອີກ 2 ດວງ ແລະ ຢູ່​ໃນ​ໄລ​ຍະ​ທີ່​ເບິ່ງ​ເຫັນ​ໄດ້​ຊັດ​ເຈນ ແຕ່​ປະ​ກົດ​ການ​ນີ້​ຈະ​ເບີ່ງ​ເຫັນ​ໄດ້​ບໍ່​ດົນ​ເທົ່າ​ໃດ ປົກ​ກະ​ຕິ​ຈະ​ເກີດ​ຂຶ້ນ​ລະ​ຫວ່າງ​ຫົວ​ຄ່ຳ ເພາະ​ດາວ​ຈະ​ຕົກໄວ​ຈາກ​ຂອງ​ຟ້າ ຈາກ​ການ​ທີ່​ໂລກ​ຂອງ​ເຮົາ​ໝຸນ​ຮອບ​ໂຕ​ມັນ​ເອງ​ຕະຫຼອດ​ເວ​ລາ