ກົມໃຫຍ່ເຕັກນິກກອງທັບຍິງທົດລອງ ປືນທີ່ຕິດຕັ້ງໃສ່ລົດສູ້ຮົບ

ກົມໃຫຍ່ເຕັກນິກກອງທັບຍິງທົດລອງ ປືນທີ່ຕິດຕັ້ງໃສ່ລົດສູ້ຮົບ

September 24, 2020 0 By admin

Lao people’s Army News, ວັນທີ 18 ກັນຍາ ນີ້, ກົມ ໃຫຍ່ເຕັກນິກກອງທັບ ໄດ້ຈັດຕັ້ງ ຍິງທົດລອງປືນ ZU23-2 ທີ່ ຕິດໃສ່ລົດ ZIL 131 ແລະ ປືນ CQ ປະກອບໃສ່ປືນ AK56-1 ໂດຍ ການເຂົ້າຮ່ວມຂອງ ສະຫາຍ ພົນຕີ ກິລາກອນ ບຸນນະຜົນ ກຳ ມະການຄະນະພັກກະຊວງປ້ອງ ກັນປະເທດ ຫົວໜ້າກົມໃຫຍ່ເຕັກ ນິກກອງທັບ, ພ້ອມດ້ວຍຄະນະ, ມີບັນດາຄະນະກົມ, ຫ້ອງທີ່ຂຶ້ນ ກັບກົມໃຫຍ່ເຕັກນິກກອງທັບ, ມີຜູ້ຕາງໜ້າຈາກກົມກໍາລັງພົນ, ກົມອົບຮົມ, ກົມປ້ອງກັນອາກາດ, ວິທະຍາຄານກົມມະດໍາ ແລະ ເຫຼົ່າຮົບວິຊາສະເພາະ, ຂະແໜງການ ທີ່ກ່ຽວຂ້ອງເຂົ້າຮ່ວມ.

ສະຫາຍ ພັນໂທ ສຸດໃຈ ສໍວິ ໄຊ ຮອງຫົວໜ້າກົມອຸດສາ ຫະ ກໍາປ້ອງກັນຊາດ, ໄດ້ຊີ້ໃຫ້ເຫັນ ວ່າ: ໂດຍປະຕິບັດຕາມແນວ ທາງນະໂຍບາຍຂອງພັກ ວ່າດ້ວຍ ວຽກງານປ້ອງກັນຊາດ-ປ້ອງກັນ ຄວາມສະຫງົບ ທົ່ວປວງຊົນ ຮອບດ້ານ, ໂດຍປິ່ນອ້ອມ 4 ໜ້າ ທີ່ໃຫຍ່ 26 ແຜນງານ, ອີງໃສ່ ທິດທາງການກໍ່ສ້າງກໍາລັງຂອງ ກອງທັບໃນສະເພາະໜ້າ ແລະ ຍາວນານດ້ວຍການເພິ່ງຕົນເອງ, ກຸ້ມຕົນເອງ ແລະ ສ້າງຄວາມ ເຂັ້ມ ແຂງດ້ວຍຕົນເອງ, ອີງຕາມ ທິດທາງແຜນການຂອງກົມໃຫຍ່ ເຕັກນິກກອງທັບ ກ່ຽວກັບວຽກ ງານຄົ້ນຄວ້າວິທະຍາສາດ, ເຕັກ ໂນໂລຊີ ແລະ ດັດແປງພາຫະ ນະ-ອາວຸດ, ຕິດຕັ້ງປືນປ້ອງກັນ ອາກາດ ZU23-2 ໃສ່ລົດສູ້ຮົບ, ອີງຕາມການເຫັນດີຂອງລັດຖະ ມົນຕີກະຊວງປ້ອງກັນປະເທດ ແລະ ອີງຕາມການເຫັນດີຂອງ ຫົວໜ້າກົມໃຫຍ່ເສນາທິການ ກອງທັບ ໃນການຄົ້ນຄວ້າດັດ ແປງປືນ CQ ປະກອບໃສ່ປືນ AK56-1.

ພາຍຫຼັງທີ່ກົມອຸດສາ ຫະກໍາປ້ອງກັນຊາດໄດ້ຮັບທິດຊີ້ນໍາຈາກກົມໃຫຍ່ເຕັກນິກກອງ ທັບ ກໍໄດ້ປະສານງານກັບພາກ ສ່ວນທີ່ກ່ຽວຂ້ອງເພື່ອຄົ້ນຄວ້າອອກແບບ ໂດຍໄດ້ຮັບການສະ ໜັບສະໜູນຈາກບັນດາກົມ, ກົມ ກອງ, ພາກສ່ວນທີ່ກ່ຽວຂ້ອງ ແລະ ບັນດາສະຫາຍທີ່ຖືກແຕ່ງ ຕັ້ງໄດ້ປະກອບສ່ວນຢ່າງຕັ້ງໜ້າ, ສຸມຫົວຄິດປະດິດສ້າງໃນການ ອອກແບບ ແລະ ຕິດຕັ້ງປະສານ ງານກັນຢ່າງກົມກຽວເຮັດໃຫ້ ວຽກ ງານສໍາເລັດຕາມແຜນການ, ການອອກແບບ ແລະ ຕິດຕັ້ງແມ່ນ ຮັບປະກັນເຕັກນິກ, ມີຄວາມແໜ້ນ ໜາ, ແຂງແຮງ, ສະດວກໃນການ ນໍາໃຊ້, ສ້າງເງື່ອນໄຂໃຫ້ນັກຍິງ ເຮັດໜ້າທີ່ສູ້ຮົບໄດ້ດີ ແລະ ຮັບປະ ກັນຄວາມປອດໄພ.

ໃນການຍິງທົດລອງຄັ້ງນີ້, ແຕ່ລະພາກສ່ວນໄດ້ປະກອບຄຳ ຄິດຄໍາເຫັນແລກປ່ຽນບົດຮຽນ ເຊິ່ງກັນ ແລະ ກັນ ເພື່ອກໍ່ສ້າງວຽກ ງານເຕັກນິກໃນກອງທັບໃຫ້ທັນ ສະໄໝເທື່ອລະກ້າວ, ເວົ້າສະເພາະ ແມ່ນການຍົກສູງນ້ຳໃຈເພິ່ງຕົນ ເອງ, ກຸ້ມຕົນເອງ ແລະ ສ້າງ ຄວາມເຂັ້ມແຂງດ້ວຍຕົນເອງ ໃນວຽກງານຮັບປະກັນເຕັກນິກ ໃຫ້ແກ່ກອງທັບ ໃນນີ້, ໄດ້ເລັ່ງ ໃສ່ການສ້າງສິ່ງເອື້ອອຳນວຍ ຄວາມສະດວກ ໃນການອົບ-ຮົມ ຫັດແອບ, ກຽມພ້ອມສູ້ຮົບ ແລະ ສູ້ຮົບມີໄຊໃຫ້ແກ່ກຳລັງປະກອບອາວຸດໃນກອງທັບ, ໂດຍ: ສ. ສາຍນໍ້າຊອງ