ພັນໂທ ຄຳປິງ ອີນທອງສາ ຂຶ້ນເປັນປະທານຄະນະບໍລິຫານສະຫະພັນນັກຮົບເກົ່າ ຊຸດໃຫມ່

ພັນໂທ ຄຳປິງ ອີນທອງສາ ຂຶ້ນເປັນປະທານຄະນະບໍລິຫານສະຫະພັນນັກຮົບເກົ່າ ຊຸດໃຫມ່

September 23, 2020 0 By admin

ພິທີ ເຊັ່ນບົດບັນທຶກມອບ – ຮັບຄະນະບໍລິຫານງານສະຫະພັນນັກຮົບເກົ່າຊຸດທີ III ແລະ ຊຸດທີ IV ມີຂຶ້ນໃນວັນທີ 21 ກັນຍາ 2020 ລະຫວ່າງ ສະຫາຍ ພັນໂທ ສົມຈິດ ສອນພິທັກ ປະທານຄະນະບໍລິຫານສະຫະພັນນັກຮົບເກົ່າ ຊຸດເກົ່າ ແລະ ສະຫາຍ ພັນໂທ ຄຳປິງ ອີນທອງສາ ປະທານຄະນະບໍລິຫານສະຫະພັນນັກຮົບເກົ່າ ຊຸດໃຫມ່ ໂດຍການເຂົ້າເປັນສັກຂີພິຍານຂອງ ສະຫາຍ ພັນເອກ ວິດອນ ພຸດດາວົງ ຄະນະປະຈຳພັກແຂວງ , ຫົວໜ້າກອງບັນຊາການທະຫານແຂວງບໍ່ແກ້ວ, ມີການນຳ ປກຊ – ປກສ ແລະ ຄະນະບໍລິຫານງານສະຫະພັນນັກຮົບເກົ່າແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.


ສະຫາຍ ແກ້ວລາ ນໍລະສິງ ຮອງຄະນະຈັດຕັ້ງແຂວງ ຂື້ນຜ່ານຂໍ້ຕົກລົງວ່າດ້ວຍຮັບຮອງເອົາຄະນະບໍລິຫານຊຸດໃໝ່ ຊຸດທີ IV ມີ 04 ສະຫາຍ ຄື: ສະຫາຍ ພັນໂທ ຄຳປິງ ອິນທອງສາ ເປັນປະທານສະຫະພັນນັກຮົບເກົ່າແຂວງ, ສະຫາຍ ສົມພອນ ຕະລຸມພອນ, ສະຫາຍ ພັນໂທ ພົມມາ ໄຊຍະແສງ ແລະ ສະຫາຍ ພັນໂທ ຄຳໄຕ ທົງອາສາ ເປັນຮອງປະທານສະຫະພັນນັກຮົບເກົ່າແຂວງ ແລະ ຮັບຮອງເອົາ ສະຫາຍ ພັນໂທ ສົມພອນ ຕະລຸມພອນ ເປັນປະທານກວດການ ແລະ ສະຫາຍ ຮ້ອຍໂທ ສົມຊາຍ ເປັນຮອງປະທານກວດກາ.

ພ້ອມດຽວກນັ້ນ ຍັງໄດ້ຮັບຟັງ ສະຫາຍ ພັນໂທ ສົມຈິດ ສອນພິທັກ ຂື້ນລາຍງານການຈັດຕັ້ງໃນໄລຍະຜ່ານມາ ເຊິ່ງສາມາຍາດໄດ້ຜົນງານອັນເດັ່ນ ແລະ ຈຸດອ່ອນ ແລະ ຂໍ້ຄົງຄ້າງ ເພື່ອຈະສືບຕໍ່ໄປແກ້ໄຂ ແລະ ປັບປຸງໃນຕໍ່ໜ້າ ເປັນຕົ້ນແມ່ນວຽກງານການຈັດຕັ້ງ ແລະ ວຽກງານຈຳນວນພົນປະຈຳການຂອງສະຫະພັນນັກຮົບເກົ່າແຂວງ ມີທັງໝົດ 23 ສະຫາຍ, ຍິງ 06 ສະຫາຍ, ວຽກງານການຈັດຕັ້ງມະຫາຊົນ.

ມາຮອດປະຈຸບັນມີສະມາຊິກພັກ ທັງໝົດ 18 ສະຫາຍ, ຍິງ 04 ສະຫາຍ, ໃນນີ້ ມີສຳຮອງ 04 ສະຫາຍ, ຍິງ 02 ສະຫາຍ, ວຽກງານກອງທືນຊ່ວຍເຫຼືອເຊິ່ງກັນ ແລະ ກັນ ມີ 01 ກອງທືນ ມີສະມາຊິກທັງໝົດ 1,229 ສະຫາຍ. ນອກຈາກນີ້ ຍັງຈະໄດ້ສືບຕໍ່ວຽກງານນະໂຍບາຍ ເງິນອຸນໜູນບຳນານ ໃຫ້ແກ່ພະນັກງານ ເສຍອົງຄະ, ພະນັກງານບຳນານ ຫຼື ຄອບຄົວຜູ້ທີ່ເສຍຊີວິດ ໃນປາງສົງຄາມ, ວຽກງານເຕົ້າໂຮມຄວາມສາມັກຄີສະຫະພັນນັກຮົບເກົ່າ ແລະ ວຽກງານອື່ນໆ.

ຂ່າວ – ພາບ: ບຸນເພັດ ໄຊຍະວົງ