ເຈົ້າແຂວງສະຫວັນນະເຂດ ຢ້ຽມຢາມພົບປະໂອ້ລົມພະນັກງານ-ນັກຮົບກອງພັນ 207.

ເຈົ້າແຂວງສະຫວັນນະເຂດ ຢ້ຽມຢາມພົບປະໂອ້ລົມພະນັກງານ-ນັກຮົບກອງພັນ 207.

September 22, 2020 0 By admin

ໃນວັນທີ 21 ກັນຍາ 2020 ນີ້ ທ່ານ ສັນຕິພາບ ພົມວິຫານ ກຳມະການສູນກາງພັກ ເລຂາພັກແຂວງປະທານປ້ອງກັນຊາດ-ປ້ອງກັນຄວາມສະຫງົບແຂວງ ເຈົ້າແຂວງສະຫວັນະເຂດ ໄດ້ລົງຢ້ຽມຢາມ ແລະ ພົບປະໂອ້ລົມຄະນະພັກ – ຄະນະບັນຊາພະນັກງານ-ນັກຮົບກອງພັນ 207 ທີ່ຂື້ນກັບກອງບັນຊາການທະຫານແຂວງສະຫວັນະເຂດ ໃຫ້ກຽດຕ້ອນຮັບໂດຍ ສະຫາຍ ພັນເອກ ຄຳເພັດ ສຸລິຍະວົງ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງ,ມີຄະນະພັກ-ຄະນະບັນຊາພະນັກງານ-ນັກຮົບກອງພັນ 207 ເຂົ້າຮ່ວມ.


ການລົງຢ້ຽມຢາມ ແລະ ພົບປະໂອ້ລົມຄັ້ງນີ້ ສະຫາຍ ພັນຕີ ຄຳໃສ ວົງສັກດາ ເລຂາຄະນະພັກ ຫົວໜ້າການເມືອງກອງພັນ 207 ໄດ້ລາຍງານຫຍໍ້ທີ່ຕັ້ງພາລະບົດບາດສິດໜ້າທີ່ຂອງກອງພັນ 207 ແລະ ຜົນງານການເຄື່ອນໄຫວໜ້າທີ່ວຽກງານໃນໄລຍະຜ່ານມາຕິດພັນກັບການຈັດຕັ້ງປະຕິບັດ 4 ໜ້າທີ່ໃຫ່ຍ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກໃຫ້ທ່ານເຈົ້າແຂວງໄດ້ຮັບຊາບ.

ຈາກນັ້ນ ທ່ານ ເຈົ້າແຂວງສະຫວັນະເຂດ ກໍ່ໄດ້ມີຄຳເຫັນໂອ້ລົມກ່ອນອື່ນກໍ່ໄດ້ສະແດງຄຳຍ້ອງຍໍຊົມເຊີຍຕໍ່ຜົນງານໃນການຈັດຕັ້ງປະຕິບັດໜ້າທີ່ວຽກງານຂອງກົມກອງໃນໃລຍະຜ່ານມາເຊິ່ງເຫັນໄດ້ຜົນງານຫຼາຍດ້ານພ້ອມທັງໄດ້ຍົກໃຫ້ເຫັນສະພາບການຂອງໂລກພາກພື້ນ ແລະ ສາກົນ ທີ່ພວມຫຍຸ້ງຍາກສັບສົນເຊິ່ງອາດສົ່ງຜົນກະທົບຕໍ່ປະເທດເຮົາດັ່ງນັ້ນຈິ່ງຮຽກຮ້ອງໃຫ້ພະນັກງານ-ນັກຮົບທຸກສະຫາຍຈົ່ງມີສະຕິລະວັງຕົວກຽມພ້ອມສູ້ຮົບໃນທຸກສະຖານະການ,ຫັນເອົາພະນັກງານລົງກໍ່ສ້າງຮາກຖານຕາມ 4 ເນື້ອໃນ 4 ຄາດໝາຍ,ເພື່ອສ້າງໃຫ້ຂອບເຂດຄວາມຮັບພິຊອບຂອງກົມກອງໃຫ້ມີຄວາມສະຫງົບປອດໄພໂດຍພື້ນຖານ.

ປັບປຸງແບບແຜນວິທີເຮັດວຽກ,ວິທີນຳພາ,ເສີມຂະຫຍາຍຄວາມສາມັກຄີເປັນປືກແຜ່ນ,ແກ້ໄຂປະກົດການຫຍໍ້ທໍ້ຕ່າງໆທີ່ກໍ່ໃຫ້ເກີດຄວາມເສື່ອມເສຍຂອງສັງຄົມກໍ່ຄືຖັນແຖວຂອງກອງທັບໃຫ້ຫຼຸດໜ້ອຍຖອຍລົງເທື່ອລະກ້າວເອົາໃຈໃສ່ເສີມຂະຫຍາຍມູນເຊື້ອດຸໝັ່ນຂະຫຍັນພຽນເພີ່ມພູນພະລິດຜົນສ້າງເສດຖະກິດແກ້ໄຂຊິວິດການເປັນຢູ່ຕາມທິດນຳເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.

ຈາກນັ້ນທ່ານ ສັນຕິພາບ ພົມວິຫານ ເຈົ້າແຂວງສະຫວັນະເຂດ ຍັງໄດ້ໄປເບິ່ງການປູກຝັງ – ລ້ຽງສັດໂດຍສະເພາະການລ້ຽງປາດຸກພັນ,ລ້ຽງກົບໃນອ່າງ ,ແລະ ມີໜອງປາ 3 ໜອງປ່ອຍປາແລ້ວຫລາຍພັນໂຕ.ເພື່ອແກ້ໄຂຊິວິດການເປັນຢູ່ຂອງພະນັກງານ – ນັກຮົບພາຍໃນກົມກອງໃຫ້ດີຂື້ນເທື່ອລະກ້າວ.

ພາບ-ຂ່າວ ພານິດ ພິລາວົງ ທະຫານແຂວງ