ຫວຽດນາມລາຍງານ: ພາຍຸ ໂນອຶນ ໄດ້ເຮັດໃຫ້ 1 ຄົນເສຍຊີວິດ, 1 ຄົນຫາຍສາບສູນ, 110 ຄົນໄດ້ຮັບບາດເຈັບ

ຫວຽດນາມລາຍງານ: ພາຍຸ ໂນອຶນ ໄດ້ເຮັດໃຫ້ 1 ຄົນເສຍຊີວິດ, 1 ຄົນຫາຍສາບສູນ, 110 ຄົນໄດ້ຮັບບາດເຈັບ

September 20, 2020 0 By admin

(VOVWORLD) ຕາມຫ້ອງການປະຈຳຄະນະຊີ້ນຳສູນກາງກ່ຽວກັບການປ້ອງກັນ, ຕ້ານໄພທຳມະຊາດຫວຽດນາມ ແລ້ວ, ໄລ່ຮອດເວລາ 8 ໂມງຂອງວັນທີ 19 ກັນຍາ, ພາຍຸ ໂນອຶນ (Noul) ໄດ້ເຮັດໃຫ້ 1 ຄົນເສຍຊີວິດ, 1 ຄົນຫາຍສາບສູນ, 110 ຄົນໄດ້ຮັບບາດເຈັບ. ພາຍຸຫົວນີ້ໄດ້ເຮັດໃຫ້ເຮືອນ 22.500 ຫຼັງຖືກເປ່ເພຫຼັງຄາເລີກ, ເນື້ອທີ່ນາ, ຜົນລະປູກ, ຕົ້ນໄມ້ກິນໝາກນັບພັນເຮັກຕາຖືກເສຍຫາຍ.

ຍ້ອນຜົນສະທ້ອນຈາກພາຍຸ ໂນອຶນ,ໃນວັນທີ 18 ກັນຍາຢູ່ບໍລິເວນບັນດາແຂວງ ແທັງຮ໊ວາ, ເງະອານ, ຮ່າຕິ້ງ ມີຝົນຕົກໜັກ, ລົມພັດແຮງ. ຢູ່ຫຼາຍບ່ອນຖືກນ້ຳຖ້ວມ; ລົມພັດແຮງໄດ້ເຮັດໃຫ້ເຮືອນຊານຂອງປະຊາຊົນຫຼາຍຄົນຖືກເປ່ເພ, ຕົ້ນໄມ້ຫັກ, ສາຍສົ່ງໄຟຟ້າ, ສະຖານນີປັບໄຟຖືກຜົນສະທ້ອນ.

ຢູ່ເຂດແຄມທະເລແຂວງ ແທັງຮ໊ວາ, ຊາວປະມົງໄດ້ຮັບການແນະນຳ, ໜູນຊ່ວຍນຳກ່ຳປັ່ນເຂົ້າເຂດຈອດຢ່າງປອດໄພ, ສະນັ້ນຈຶ່ງບໍ່ເກີດຄວາມເສຍຫາຍຫຼາຍ. ທ່ານປະທານຄະນະກຳມະການປະຊາຊົນແຂວງ ແທັງຮ໊ວາ ໄດ້ຮຽກຮ້ອງໃຫ້ບັນດາຂະແໜງການທີ່ມີໜ້າທີ່, ທ້ອງຖິ່ນຕິດຕາມຢ່າງແໜ້ນແຟ້ນ, ຄາດຄະເນ, ກ່າວເຕືອນ, ລາຍງານຢ່າງທັນການກ່ຽວກັບສະພາບການຝົນຕົກ, ນ້ຳຖ້ວມ, ນ້ຳແກ່ງ, ດິນເຊາະເຈື່ອນ ເພື່ອໃຫ້ບັນດາອົງການທີ່ກ່ຽວຂ້ອງ ແລະ ປະຊາຊົນເປັນເຈົ້າການໃນການຜັນຂະຫຍາຍບັນດາມາດຕະການຮັບມື.

ໃນບໍລິເວນແຂວງ ຮ່າຕິ້ງ, ກໍ່ເກີດມີຝົນຕົກໜັກ ແລະ ລົມພັດແຮງ. ຝົນຕົກໜັກໄດ້ເຮັດໃຫ້ຫຼາຍເຂດຊຸມຊົມຖືກນ້ຳຖ້ວມ. ສຳລັບເຂດພູດອຍມີຄວາມສ່ຽງອາດຈະເກີດນ້ຳໄຫຼຊຸ ແລະ ດິນເຊາະເຈື່ອນ, ທ່ານ ດັ້ງງອັກເຊີນ, ຮອງປະທານຄະນະກຳມະການປະຊາຊົນແຂວງ ຮ່າຕິ້ງ, ໃຫ້ຮູ້ວ່າ.

“ຕ້ອງຄຸ້ມຄອງແຕ່ລະບໍລິເວນ, ຄອບຄົວຂອງປະຊາຊົນໂດຍດ່ວນ ເພື່ອໃຫ້ໄດ້ຮັບຄວາມເອົາໃຈໃສ່ຫຼີກລ້ຽງຈາກຄວາມສ່ຽງ, ທາງແຂວງໄດ້ມອບໜ້າທີ່ຢ່າງຈະແຈ້ງໃນໂລກລະເລກທີ່ສົ່ງໄປໃຫ້ບັນດາທ້ອງຖິ່ນແລ້ວ”.

ສ່ວນຢູ່ແຂວງ ເງະອານ, ບັນດາສູນສູບນ້ຳ-ປ່ອຍນ້ຳໃນບໍລິເວນຈຸດສຸມລ້ວນແຕ່ເຄື່ອນໄຫວຈົນສຸດຄວາມແຮງເພື່ອລະບາຍນ້ຳຝົນອອກ.