ຫຼາຍບ້ານຢູເມືອງຊະນະສົມບູນ ໄດ້ຮັບຜົນກະທົບຈາກອິດທິພົນຂອງລົມພາຍຸໂນອຶນ

ຫຼາຍບ້ານຢູເມືອງຊະນະສົມບູນ ໄດ້ຮັບຜົນກະທົບຈາກອິດທິພົນຂອງລົມພາຍຸໂນອຶນ

September 19, 2020 0 By admin

Media Laos,ພາຍຫຼັງທີ່ລົມພາຍຸໝູນເຂດຮ້ອນ ( ໂນອຶນ ) ໄດ້ຜັດຜ່ານເມືອງຊະນະສົມບູນໃນວັນທີ 18 ກັນຍາ 2020 ທີ່ຜ່ານມາເຮັດໃຫ້ຫຼາຍບ້ານພາຍໃນເມືອງໄດ້ຮັບຜົນກະທົບໜັກພໍສົມຄວນ ເນື່ອງຈາກອິດທິພົນຂອງລົມພາຍຸດັ່ງກ່າວກໍ່ໃຫ້ເກີດມີສະພາບຝົນຕົກໜັກສະສົມກັນເປັນເວລາຫຼາຍຊົວໂມງ ແລະ ເຮັດໃຫ້ລະດັບແມ່ນ້ຳຂອງ ແລະ ແມ່ນ້ຳເຊໂດນ ມີປະລິມານເພີ່ມຂື້ນສູງຢ່າງໄວວາ ໄຫຼເຂົ້າຖ້ວມເນື້ອທີ່ການຜະລິດຂອງພໍ່ແມ່ປະຊາຊົນ ແລະ ເສັ້ນທາງການສັນຈອນເປ້ເພເສຍຫາຍ

ໂດຍສະເພາະ ຢູ່ບ້ານພັດທະນະຄີລີ ກຸ່ມ II ເມືອງຊະນະສົມບູນ ກໍ່ໃຫ້ເກິດມີສະພາບນ້ຳຖ້ວມ ທ່ານ ທອງຄຳ ດວງບຸຜາວົງ ຮອງນາຍບ້ານພັດທະນາຄີລີໃຫ້ສຳພາດໃນຕ່ອນບ່າຍຂອງວັນທີ 19 ກັນຍາ 2020 ວ່າ ບ້ານພັດທະນາຄີລີປະກອບມີ 2 ຄຸ້ມໃຫ່ຍຄື: ຄຸ້ມ ຄີລີ ແລະ ຄຸ້ມຄຳຢາດ ພາຍຫຼັງທີ່ໄດ້ເກິດມີຝົນຕົກໜັກ ຈາກອິດທິພົນຂອງລົມພາຍຸໝູນເຂດຮ້ອນ ( ໂນອຶນ ) ທີ່ໄດ້ຜັດຜ່ານໃນວັນທີຄືນວັນທີ 17 – 18 ກັນຍາ 2020​ ເຮັດໃຫ້ນ້ຳຫ້ວຍຫຼາຍສາຍ ສົມທົບກັບ ແມ່ນຳເເຊໂດນ ສະສົມມີປະລິມານເພີ່ມສູງຂື້ນຢ່າງໄວວາ ແລະ ໄຫຼແຕກແກ່ງ ເຂົ້າຖ້ວມເນື້ອທີ່ເຂົ້ານາປີຂອງພໍ່ແມ່ປະຊາຊົນທີ່ຕົ້ນເຂົ້າພວມກຳລັງຖອກ ແລະ ພວມກຳລັງເໝາະສົມໃກ້ທີ່ຈະເກັບກ່ຽວພາຍໃນ 2 ຄຸ້ມບ້ານກໍ່ໄດ້ຖຶກນ້ຳຖ້ວມກວ່າ 50 ເຮັກຕາ ແລະ ຍັງມີໜອງປາຂອງພໍ່ແມ່ປະຊາຊົນກໍ່ໄດ້ຮັບຜົນກະທົບຫຼາຍຄອບຄົວ,

ປັດຈຸບັນສຳລັບສັດລ້ຽງຂອງພໍ່ແມ່ຊາຊົນປະເພດ,ງົວ,ຄວາຍ ແລະ ປະເພດອື່ນໆ.ກໍ່ໄດ້ເຄື່ອນຍ້າຍຂື້ນມາຢູ່ຈຸດທີ່ປອດໄພ.ນອກນັ້ນລະບົບການສັນການຈອນໄປມາ ພາຍໃນບ້ານກໍ່ຍັງໄດ້ພົບຄວາມຍຸ້ງຍາກ ເນື່ອງຈາກເສັ້ນເຂົ້າບ້ານດັ່ງກ່າວໄລຍະຍາວກວ່າ 1 ກິໂລແມັດ ໄດ້ຖຶກນ້ຳຖ້ວມສູງປະມານ 1 ແມັດ ເຮັດໃຫ້ລົດຈັກ ແລະ ລົດໃຫ່ຍບໍ່ສາມາດທຽວໄດ້​ ຈຳເປັນຕ້ອງນຳໃຊ້ເຮືອຈັກ ແລະ ເຮືອພາຍເປັນພາຫະນະນຳສົ່ງແທນ ເພື່ອອຳນວຍຄວາມສະດວກ.


ປັດຈຸບັນທາງຄະນະສະເພາະກິດປ້ອງກັນ ແລະ ຄອບຄຸມໄພພິບັດຂັ້ນເມືອງ ອອກແຈ້ງການ ແລະ ໄດ້ສົມທົບກັບອຳນາດການປົກຄອງບ້ານທົ່ວເມືອງ ເພື່ອເຝົ້າລະວັງ ແລະ ຕິດຕາມ ສະພາບລະນ້ຳຢ່າງໃກ້ຊິດ ພ້ອມທັງກະກຽມແຜນຮັບມື( ປັດຈຸບັນສຳລັບປະລິມານລະດັບນ້ຳເຊໂດນນັບແຕ່ເວລາ 11:00 ໂມງຂອງວັນທີ 19/9/2020 ຢູ່ທີ່ຈຸດວັດແທກນ້ຳບ້ານຄີລີສາມາດວັດແທກໄດ້ 11,10 ແມັດ ແລະ ເພີ່ມຂື້ນຈາກເດີມ 10 ຊັງຕີແມັດ )

ພາບ-ຂ່າວ ໂດຍ: ທ.ແຫຼມ ຖວທ ເມືອງຊະນະສົມບູນ