ຍາກສົມຄວນ! ກ່ອນທີ່ ບາຣຊ້າ ຈະຄວ້າ 3 ຄະແນນຈາກ ບິວເບົາ!! ລາລີກ້າ ນັດທີ 31

ຍາກສົມຄວນ! ກ່ອນທີ່ ບາຣຊ້າ ຈະຄວ້າ 3 ຄະແນນຈາກ ບິວເບົາ!! ລາລີກ້າ ນັດທີ 31

June 24, 2020 0 By admin

ການແຂ່ງຂັນເຕະບານ ລາລີກ້າ ແອັສປາຍ ລະດູການ 2019-20 ນັດທີ 31 ຄືນຜ່ານມາ (23 ມິຖຸນາ 2020) ບາຣເຊໂລນ້າ ແຊ້ມເກົ່າ ເປີດບ້ານຄໍ້ານູລ ເອົາຊະນະ ແອັດເລຕິກ ບິວເບົາ ແບບວຸດວິດ 1-0 ຈາກປະຕູໂທນຂອງ ອີວານ ຣາຄີຕິກ ຕົວສຳຮອງນາທີ 71′. ບາຣຊ້າ ຖ້ອນແຄ້ນຈາກ ບິວເບົາ ໄດ້ສຳເລັດ ຫລັງຈາກຕົ້ນລະດູການເສຍໃຫ້ ບິວເບົາ 0-1 ແລະ ຖືກ ບິວເບົາ ເຂ່ຍຕົກຮອບ ທີມສຸດທ້າຍ ໂຄປ້າ ເດວເຣ ລະດູການນີ້ ດ້ວຍຜົນດຽວກັນ.

ບາຣຊ້າ ແຊງ ຣຽວ ມາດຣິດ ຂຶ້ນເປັນທີມນຳ ມີ 68 ຄະແນນ ນຳອັນດັບສອງ ມາດຣິດ 3 ຄະແນນ ແຕ່ ບາຣຊ້າ ແຂ່ງຫລາຍກວ່າໜຶ່ງນັດ, ຂະນະທີ່ ບິວເບົາ ຢູ່ອັນດັບທີ 10 ມີ 42 ຄະແນນ ຫ່າງຈາກພື້ນທີ່ຢູໂຣປ້າລີກ 6 ຄະແນນ. ນັດຕໍ່ໄປ ບາຣຊ້າ ຈະໄປຢາມ ເຊວຕ້າ ບີໂກ້ ໃນຄືນວັນທີ 27 ມິຖຸນານີ້ ເວລາ 22:00 ແລະ ບິວເບົາ ພົບກັບ ມາຢໍລກ້າ ໃນວັນດຽວກັນ ເວລາ 19:00.

ຜົນອີກ 2 ຄູ່ໃນມື້ວານນີ້ (23 ມິຖຸນາ 2020) ເລບັນເຕ້ ເສຍໃຫ້ ແອັດເລຕິໂກ້ ມາດຣິດ 0-1 ແລະ ຣຽວ ບາຢາໂດລິດ ສະເໝີກັບ ເກຕາເຟ່ 1-1 ສຳລັບຄືນນີ້ມີແຂ່ງ 3 ຄູ່: ອາລາເບັສ ພົບ ໂອຊາຊູນ້າ ເວລາ 00:30 ແຂ່ງພ້ອມກັບ ຣຽວ ໂຊຊີແດັດ ພົບ ເຊວຕ້າ ບີໂກ້ ແລະ ຣຽວ ມາດຣິດ ພົບກັບ ມາຢໍລກ້າ ເວລາ 03:00.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: FC Barcelona