ຊົມເຊີຍເຈົ້າໜ້າທີ່ສາຍກວດ… ກັກຕົວເປົ້າໝາຍໃຊ້ເຄື່ອງຕັດສັນຍານລີໂມດລົດ ເພື່ອລັກຊັບພົນລະເມືອງ

ຊົມເຊີຍເຈົ້າໜ້າທີ່ສາຍກວດ… ກັກຕົວເປົ້າໝາຍໃຊ້ເຄື່ອງຕັດສັນຍານລີໂມດລົດ ເພື່ອລັກຊັບພົນລະເມືອງ

September 18, 2020 0 By admin

ປ້ອງກັນຄວາມສະຫງົບນະຄອນຫຼວງວຽງຈັນ, ເວລາ 18:00 ໂມງ ວັນທີ 17 ກັນຍາ 2020, ຈຸສາຍກວດຂອງກອງພັນປ້ອງກັນເຄື່ອນທີ່ ນະຄອນຫຼວງວຽງຈັນ ປະຈຳເດີ່ນສະໜາມຫຼວງ-ພຣະທາດຫຼວງ ໄດ້ອອກເຄື່ອນໄຫວລາດຕາເວນ ພົບເຫັນເປົ້າໝາຍສົງໄສ 1 ຄົນກຳລັງກໍ່ເຫດໃຊ້ເຄື່ອງຕັດສັນຍານລີໂມດປົດລ໋ອກປະຕູລົດຂອງປະຊາຊົນທີ່ຈະມາໄຫ້ວພຣະທາດຫຼວງ(ມື້ວັນສິນ).

ຈຶ່ງໄດ້ເຂົ້າຈັບກຸມຜູ້ຖືກຫາຊື່ ທ້າວ ອຸປະຖຳ  ອາຍຸ 33 ປີ, ອາຊີບຄ້າຂາຍ, ຢູ່ບ້ານຕາດທອງ ເມືອງສີໂຄດຕະບອງ. ຜ່ານການກວດກາພົບເຫັນອຸປະກອນຕິດຕົວຄື:  1. ສະຫວ່ານໄຟຟ້າ(ໄຮ້ສາຍ) 1 ເຄື່ອງ

2.ກະແຈບ໋ອກນ້ອຍ 1 ອັນ
3.ເຄື່ອງຕັດສັນຍານລີໂມດ 1 ເຄື່ອງ
4.ຄີມຕັດສາຍໄຟ 4 ອັນ
5.ກະແຈປົດລ໋ອກຄໍລົດຈັກ(ກະແຈໂຕ T) 2 ອັນ


6.ເຄື່ອງແທກໄຟຟ້າ 1 ເຄື່ອງ
7.ມີດຄັດເຕີ 1 ອັນ
8.ໂທລະສັບມືຖື 1 ເຄື່ອງ
9.ລົດຈັກຮອນດາເວບ 100 ຈຳນວນ 1 ຄັນ


ຜ່ານການສອບສວນເບື້ອງຕົ້ນ ຜູ້ກ່ຽວຮັບສາລະພາບວ່າ ໄດ້ເຄື່ອນໄຫວກໍ່ຄະດີດ້ວຍການຕັດສັນຍານລ໋ອກປະຕູລົດມາແລ້ວ 1 ຄັ້ງຢູ່ຕະຫຼາດສີໄຄແລ້ວໄດ້ມາກຽມລົງມືກໍ່ເຫດອີກຄັ້ງຢູ່ທີ່ເດີ່ນພຣະທາດຫຼວງແຕ່ໃນຄັ້ງນີ້ໄດ້ຖືກຈັບຕົວໃນເວລາກໍ່ເຫດ.

ປັດຈຸບັນ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ຊີ້ນຳມອບຕົວຜູ້ຖືກຫາດັ່ງກ່າວ ພ້ອມຂອງກາງຄະດີ ໃຫ້ຫ້ອງຕຳຫຼວດ ເພື່ອສືບຕໍ່ດຳເນີນຄະດີຕາມຂັ້ນຕອນ ກົດໝາຍ.