ພົບແລ້ວສົບຜູ້ຈົມນໍ້າ ຢູ່ຈຸດຂົວບ້ານນາໄຫ ເມືອງໄຊເຊດຖາ ສະແດງຄວາມເສຍໃຈນໍ້າຄອບຄົວດ້ວຍ

ພົບແລ້ວສົບຜູ້ຈົມນໍ້າ ຢູ່ຈຸດຂົວບ້ານນາໄຫ ເມືອງໄຊເຊດຖາ ສະແດງຄວາມເສຍໃຈນໍ້າຄອບຄົວດ້ວຍ

September 17, 2020 0 By admin

ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ລາຍງານວ່າ: ໃນວັນທີ17/09/2020 ເວລາ 08:00 ໂມງແມ່ນການສືບຕໍ່ຄົ້ນຫາມື້ທີສອງຂອງໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623.ຈຸດເກີດເຫດແມ່ນ ຂົວບ້ານນາໄຫ ເມືອງໄຊເຊດຖາ ນະຄອນຫລວງວຽງຈັນ.

ຜູ້ສູນຫາຍເປັນເພດຍິງ ອາຍຸປະມານ 14-17 ປີ ອາຊີບ ປະຊາຊົນ ບ້ານຊຽງດາ ເມືອງໄຊເຊດຖາ ນະຄອນຫລວງວຽງຈັນ.

ທາງຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ 1623 ຈຶ່ງໄດ້ໃຊ້ອຸປະກອນແລະທີມຄົ້ນຫາທາງນໍ້າເພື່ອຄົ້ນຫາຜູ້ສູນຫາຍ ມາຮອດເວລາ 11:03 ໂມງ ຈຶ່ງໄດ້ພົບຜູ້ສູນຫາຍໃນເຂດບໍລິເວນທີ່ເກີດເຫດ.


ສ່ວນສາເຫດໃນການຈົມນໍ້າຄັ້ງນີ້ແມ່ນຍັງບໍ່ຮູ້ສາເຫດທີ່ລະອຽດຈຶ່ງໄດ້ມອບໃຫ້ເຈົ້າຫນ້າທີ່ສືບສວນແລະສອບສວນຕໍ່ໄປ.


ທາງຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ 1623 ຈຶ່ງຈະໄດ້ນຳສົ່ງສົບຜູ້ເສຍຊີວິດໃຫ້ແກ່ຍາດພີ່ນ້ອງເພື່ອເຮັດພິທີທາງສາສະຫນາ ແລະ ທາງຫນ່ວຍກູ້ໄພກໍຂໍສະແດງຄວາມເສຍໃຈກັບຄອບຄົວຜູ້ເສຍຊີວິດໃນການສູນເສຍຄັ້ງນີ້ດ້ວຍ.