ການນຳພັກ-ລັດ ແຂວງອັດຕະປື ວາງພວງມາລາ ແລະ ວາງກະຕ່າດອກໄມ້ລະນຶກເຖິງນັກຮົບປະຕິວັດ ໃນໂອກາດກະກຽມ ກອງປະຊຸມໃຫຍ່ຄັ້ງທີXI ອົງຄະນະພັກແຂວງ

ການນຳພັກ-ລັດ ແຂວງອັດຕະປື ວາງພວງມາລາ ແລະ ວາງກະຕ່າດອກໄມ້ລະນຶກເຖິງນັກຮົບປະຕິວັດ ໃນໂອກາດກະກຽມ ກອງປະຊຸມໃຫຍ່ຄັ້ງທີXI ອົງຄະນະພັກແຂວງ

September 16, 2020 0 By admin

Media Laos, ເນື່ອງໃນໂອກາດການກະກຽມຕ້ອນຮັບກອງປະຊຸມໃຫຍ່ ຄັ້ງທີ XI ອົງຄະນະພັກແຂວງ ອັດຕະປື ໃນວັນທີ 16 ກັນຍາ 2020 ນີ້, ການນຳພັກ-ລັດ ນໍາ ໂດຍ ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງ ໄດ້ພ້ອມກັນເຂົ້າວາງພວງມາລາຢູ່ອະນຸສາວະລີ ນັກຮົບນິລະນາມ, ວາງກະຕ່າ ດອກໄມ້ຢູ່ຕໍ່ໜ້າຮູບປັ້ນ ປະທານ ໄກສອນ ພົມວິຫານ ແລະ ວາງພວງມາລາຢູ່ ອະນຸສາວະລີຮ່ວມສຳພັນສູ້ຮົບ ລາວ-ຫວຽດນາມ.


ຈຸດປະສົງ ໃນພິິທີດັ່ງກ່າວ ແມ່ນເພື່ອເປັນການສະແດງ ຄວາມເຄົາລົບຮັກ, ລະນຶກເຖິງຄຸນງາມຄວາມດີ ຂອງບັນພະບູລຸດລາວ ໃນພາລະກິດປະຕິວັດຢ່າງອົງອາດກ້າຫານ ພາຍໃຕ້ການຊີ້ນຳ-ນຳພາ ຂອງພັກປະຊາຊົນ ປະຕິວັດລາວ.


ນອກຈາກນີ້ກໍຍັງເປັນການ ກະກຽມຕ້ອນຮັບ ກອງປະຊຸມໃຫຍ່ ຄັ້ງທີ XI ອົງຄະນະພັກແຂວງ ໃຫ້ບັນດາຄະນະພັກ-ຄະນະນຳແຕ່ລະຂັ້ນມີຄວາມຈົງຮັກພັກດີຕໍ່ພັກ, ຊື່ສັດບໍລິສຸດຕໍ່ປະເທດຊາດ ແລະ ປະຊາຊົນລາວ, ພ້ອມກັນເພິ່ມທວີ ການຊີ້ນຳໆພາ ປະຕິບັດຕາມແຜນຍຸດທະສາດ ເພື່ອນຳພາປະຊາຊົນ ຊາວແຂວງ ອັດຕະປື ໃຫ້ຫລຸດພົ້ນອອກຈາກຄວາມທຸກຍາກເທື່ອລະກ້າວ.