ແຟນປືນໃຫຍ່ເຮ! ໂອບາເມຢ໋ອງ ຕົກລົງຕໍ່ສັນຍາກັບທີມ 3 ປີ!!

ແຟນປືນໃຫຍ່ເຮ! ໂອບາເມຢ໋ອງ ຕົກລົງຕໍ່ສັນຍາກັບທີມ 3 ປີ!!

September 15, 2020 0 By admin

ສາວົກ ເດີກັນເນີ້ ປືນໃຫຍ່ ອາຣເຊນໍລ ຕ່າງກໍຍິ້ມປິຕິຍິນດີ ເມື່ອຫົວໜ້າທີມ ປີແອ ເອເມຣິກ ໂອບາເມຢ໋ອງ ກອງໜ້າເບີ 1 ຂອງທີມ ຕົກລົງຕໍ່ສັນຍາກັບທີມອີກ 3 ປີ ຢຸດຂ່າວຈະຍ້າຍອອກຈາກທີມ.

ດາວຍິງໄວ 31 ປີ ທີມຊາດກາບົງ ສັນຍາຈະໝົດລົງຫລັງຈົບລະດູການນີ້ (2020-21) ແລະ ມີຫລາຍສະໂມສອນໃຫ້ຄວາມສົນໃຈ ແຕ່ສັນຍາສະບັບໃຫມ່ ອາຣເຊນໍລ ບໍ່ໄດ້ເປີດເຜີຍມີເນື້ອໃນແນວໃດ ໂດຍສະເພາະຄ່າແຮງງານໜ້າຈະກາຍ 2 ແສນປອນຕໍ່ອາທິດ.

ສຳລັບຜົນງານຂອງ ໂອບາເມຢ໋ອງ ຍ້າຍຈາກ ດັອດມຸນ ມາຢູ່ກັບ ອາຣເຊນໍລ ໃນເດືອນມັງກອນປີ 2018 ດ້ວຍຄ່າໂຕ 56 ລ້ານປອນ ລົງຫລິ້ນ 14 ນັດລວມທຸກລາຍການ ຍິງ 10 ປະຕູ, ຈາກນັ້ນລະດູການຕໍ່ມາ 2018–19 ຄວ້າລາງວັນດາວຍິງສູງສຸດຂອງ ພຣີເມ່ຍລີກ ຍິງ 22 ປະຕູຈາກ 36 ນັດ ແລະ ລວມທຸກລາຍການ ຍິງ 31 ປະຕູ ຈາກ 51 ນັດ. ສ່ວນລະດູການຜ່ານມາ ລົງຫລິ້ນ 44 ນັດລວມທຸກລາຍການ ຍິງ 29 ປະຕູ.

ໂອບາເມຢ໋ອງ ກ່າວວ່າ: ” ການເຊັນສັນຍາກັບສະໂມສອນພິເສດແຫ່ງນີ້ ແມ່ນບໍ່ເຄີຍມີຂໍ້ສົງໄສ, ຂ້ອຍເຊື່ອໝັ້ນໃນທີມ ພວກເຮົາສາມາດບັນລຸຜົນສຳເລັດທີ່ຍິ່ງໃຫຍ່ໄປດ້ວຍກັນ, ພວກເຮົາມີຫລາຍສິ່ງທີ່ຕື່ນເຕັ້ນຢູ່ທີ່ນີ້ ແລະ ຂ້ອຍເຊື່ອວ່າ: ສິ່ງທີ່ດີທີ່ສຸດ ຈະມາສູ່ທີມ ”.

Photo: Arsenal