ເມັສຊີ້-ໂຣນາວໂດ້ ເບີ 1 ແລະ ບີ 2 ຂອງໂລກ ນັກເຕະທີ່ມີລາຍໄດ້ສູງສຸດ ປີ 2020

ເມັສຊີ້-ໂຣນາວໂດ້ ເບີ 1 ແລະ ບີ 2 ຂອງໂລກ ນັກເຕະທີ່ມີລາຍໄດ້ສູງສຸດ ປີ 2020

September 15, 2020 0 By admin

ຟັອບ (Forbes) ວາລະສານທຸລະກິດຊື່ດັງຂອງສະຫະລັດອາເມຣິກາ ໄດ້ເປີດເຜີຍຜົນສຳຫລວດນັກກິລາເຕະບານທີ່ມີລາຍໄດ້ສູງສຸດໃນໂລກ ປະຈຳປີ 2020 ລີໂອເນວ ເມັສຊີ້ ກອງໜ້າຈາກ ບາຣເຊໂລນ້າ ໄດ້ສູງສຸດ 126 ລ້ານໂດລາສະຫະລັດ ໃນນີ້ ຄ່າແຮງງານ 92 ລ້ານໂດລາສະຫະລັດ ແລະ ຜູ້ສະໜັບສະໜູນ 34 ລ້ານໂດລາສະຫະລັດ, ອັນດັບ 2 ຄຣິສເຕຍໂນ້ ໂຣນາວໂດ້ ກອງໜ້າ ຢູເວັນຕຸສ ໄດ້ 117 ລ້ານໂດລາສະຫະລັດ ຄ່າແຮງງານ 70 ລ້ານໂດລາ ແລະ ຜູ້ສະໜັບສະໜູນ 47 ລ້ານໂດລາ.

ອັນດັບ 3 ເນມາຣ ກອງໜ້າ ປາຣີ ແຊັງແຊກແມັງ (PSG) ໄດ້ 96 ລ້ານໂດລາ ສະເພາະຄ່າແຮງງານ 78 ລ້ານໂດລາ ແລະ ຜູ້ສະໜັບສະໜູນ 18 ລ້ານໂດລາ, ອັນດັບ 4 ຄີລຽນ ເອັມບັບເປ້ ອີກໜຶ່ງກອງໜ້າຈາກ PSG ໄດ້ 42 ລ້ານໂດລາ ຄ່າແຮງງານ 28 ລ້ານໂດລາ ຜູ້ສະໜັບສະໜູນ 14 ລ້ານໂດລາ.

ອັນດັບ 5 ໂມຮາເໝັດ ຊາລ່າ ກອງໜ້າ ລີເວີພູລ ໄດ້ 37 ລ້ານໂດລາ ໃນນີ້ຄ່າແຮງງານ 24 ລ້ານໂດລາ ແລະ ຜູ້ສະໜັບສະໜູນ 13 ລ້ານໂດລາ, ອັນດັບ 6 ປໍລ ປັອກບາ ກອງກາງ ແມນຢູ ໄດ້ 34 ລ້ານໂດລາ ຄ່າແຮງງານ 28 ລ້ານໂດລາ ແລະ ຜູ້ສະໜັບສະໜູນ 6 ລ້ານໂດລາ.

ອັນດັບ 7 ອ໋ອງຕວນ ຄຣິຊມັນ ກອງໜ້າ ບາຣຊ້າ ໄດ້ 33 ລ້ານໂດລາ ໃນນີ້ຄ່າແຮງງານ 28 ລ້ານໂດລາ ແລະ ຜູ້ສະໜັບສະໜູນ 5 ລ້ານໂດລາ, ອັນດັບ 8 ແກເຣັດ ເບວ ກອງກາງ ຣຽວ ມາດຣິດ ໄດ້ 29 ລ້ານໂດລາ ໃນນີ້ຄ່າແຮງງານ 23 ລ້ານໂດລາ ແລະ ຜູ້ສະໜັບສະໜູນ 6 ລ້ານໂດລາ.

ອັນດັບ 9 ໂຣເບີດ ເລວານດັອຟສະກີ້ ກອງໜ້າ ບາເຢິນ ມິວນິກ ໄດ້ 28 ລ້ານໂດລາ ໃນນີ້ຄ່າແຮງງານ 24 ລ້ານໂດລາ ແລະ ຜູ້ສະໜັບສະໜູນ 4 ລ້ານໂດລາ ແລະ ອັນດັບ 10 ດາບິດ ເດເກອາ ຜູ້ຮັກສາປະຕູ ແມນຢູ ໄດ້ 27 ລ້ານໂດລາ ໃນນີ້ຄ່າແຮງງານ 24 ລ້ານໂດລາ ແລະ ຜູ້ສະໜັບສະໜູນ 3 ລ້ານໂດລາ.

Photo: Leo Messi, Cristiano Ronaldo