ດັອດມຸນ ບຸກຊະນະ ດຸຍບວກ 5-0 ເຂົ້າຮອບ 2 ເດເອຟເບ ໂພຄາວ ລະດູການໃຫມ່ 2020-21

ດັອດມຸນ ບຸກຊະນະ ດຸຍບວກ 5-0 ເຂົ້າຮອບ 2 ເດເອຟເບ ໂພຄາວ ລະດູການໃຫມ່ 2020-21

September 15, 2020 0 By admin

ການແຂ່ງຂັນເຕະບານ ເດເອຟເບ ໂພຄາວ (DFB Pokal) ເຢຍລະມັນ ລະດູການໃຫມ່ 2020-21 ຮອບທີ 1 ຄືນວັນທີ 14 ກັນຍາຜ່ານມາ, ໂບຣຸສເຊຍ ດັອດມຸນ ແຊ້ມ 4 ສະໄໝ ບຸກຊະນະ ດຸຍບວກ ທີມຈາກລີກອັນດັບສາມຂອງປະເທດ 5-0 ຈາດອນ ຊານໂຊ້ ແລະ ຈຸດ ເບວລິ້ງແຮມ ສອງດາວເດັ່ນທີມຊາດອັງກິດ ຍິງຜູ້ລະປະຕູ ນາທີ 14′ ແລະ 30′. ຊານໂຊ້ ກຳລັງມີຂ່າວພົວພັນກັບ ແມນຢູ ຊຶ່ງອາດເປັນໄປໄດ້ໃນຕະຫລາດຊື້-ຂາຍນັກເຕະຮອບ 1 ຂະນະທີ່ ເບວລິ້ງແຮມ ທີ່ດັອດມຸນຕັດໜ້າແມນຢູ ຄວ້າຕົວມາຮ່ວມທັບ ແລະ ໄດ້ສ້າງສະຖິຕິໃຫມ່ຄື: ອາຍຸນ້ອຍສຸດຍິງປະຕູໃຫ້ສະໂມສອນ ດ້ວຍອາຍຸ 17 ປີ 75 ວັນ ແລະ ທັງສອງໄດ້ສ້າງອີກໜຶ່ງປະຫວັດສາດໃຫ້ ດັອດມຸນ ຄືມີສອງນັກເຕະຊາວອັງກິດ ຍິງປະຕູໃຫ້ທີມໃນນັດດຽວກັນ.

ສ່ວນອີກສາມປະຕູໃນນັດນີ້ໄດ້ຈາກ: ທໍຣແກນ ຮາຊາ ນາທີ 30′, ໂຈວານນີ້ ເຣນ້າ ນາທີ 50′, ມາຣໂກ ຣ້ອຍ ນາທີ 59′. ເກມນີ້ ເຈົ້າບ້ານເຫລືອຜູ້ຫລິ້ນ 10 ຄົນຕັ້ງແຕ່ນາທີ ເມື່ອ ໂດມີນິກ ໂວກເມີ້ ໄດ້ໃບແດງຕັ້ງແຕ່ນາທີ 38′.

ຂະນະທີ່ ໄລຊິກ, ໂວຟບວກ, ກັດບັກ, ເລເວີຄູເຊັນ ແລະ ເບຣເມັນ ກໍສາມາດຜ່ານໄດ້ ສ່ວນ ຮຳບວກ ແລະ ແຮທ້າ ເບີລິນ ຕົກຮອບ. ດ້ານ ບາເຢິນ ມິວນິກ ແຊ້ມເກົ່າຈະລົງແຂ່ງຂັນ ໃນວັນທີ 15 ຕຸລາ 2020 ໄປຢາມ ເອຟຊີ ດູເຣນ.

ໄຮໄລ້ການແຂ່ງຂັນຕາມລິ້ງລຸ່ມນີ້:

https://www.youtube.com/watch?v=NfO-WhEmkQw&t=1s

Photo: Borussia Dortmund