ແຂວງບໍລິຄຳໄຊ ມອບເງິນນະໂຍບາຍ ໃຫ້ຜູ້ມີຜົນງານ ແລະ ຄຸນງາມຄວາມດີໃນພາລະກິດການປະຕິວັດຊາດ

ແຂວງບໍລິຄຳໄຊ ມອບເງິນນະໂຍບາຍ ໃຫ້ຜູ້ມີຜົນງານ ແລະ ຄຸນງາມຄວາມດີໃນພາລະກິດການປະຕິວັດຊາດ

June 16, 2020 0 By admin

ມີພິທີ ມອບ-ຮັບເງິນນະໂຍບາຍ ໃຫ້ຜູ້ມີຜົນງານ ແລະ ຄຸນງາມຄວາມດີໃນພາລະກິດການປະຕິວັດຊາດ ຕາມດຳລັດ272/ລບ ມີຂຶ້ນ ໃນວັນທີ 11 ມີຖຸນາ 2020 ຜ່ານມານີ້, ທີ່ພະແນກແຮງງານ ແລະ ສະຫວັດດີການສັງຄົມແຂວງບໍລິຄຳໄຊ  ມອບໂດຍ ທ່ານ ບຸນມາ ອຸດຈະເລີນ ຮອງເລຂາພັກແຂວງ, ຮອງເຈົ້າແຂວງບໍລິຄຳໄຊ ແລະ ມີຜູ້ຕາງໜ້າເປົ້າໝາຍ 6 ເມືອງຄຶ: ເມືອງປາກຊັນ, ເມືອງບໍລິຄັນ, ເມືອງປາກກະດິງ, ເມືອງຄຳເກີດ, ເມືອງວຽງທອງ ແລະ ເມືອງໄຊຈຳພອນ ກ່າວຮັບ ແລະ ພ້ອມດວ້ຍສັກຂີພິຍານຈາກຂະແໜງການກຽ່ວຂ້ອງເຂົ້າຮວ່ມໃນພິທີ.


ພິທີດັ່ງກ່າວ, ຄະນະຈັດຕັ້ງພິທີ ພະແນກ ຮສສ ແຂວງໄດ້ອ່ານຜ່ານ ຂໍ້ຕົກລົງເຈົ້າແຂວງບໍລິຄຳໄຊ ວ່າດ້ວຍການປະຕິບັດນະໂຍບາຍ ເງິນອຸດໜູນເສຍສະຫຼະຊີວິດຍ້ອນການສູ້ຮົບ ແລະ ຮັບໃຊ້ສູ້ຮົບ ຈຳນວນ 27 ທ່ານ, ຍິງ 4 ທ່ານ , ເປັນເງິນ 653 ລ້ານກວ່າກີບ.

ຂໍ້ຕົກລົງວ່າດ້ວຍ ການປະຕິບັດນະໂຍບາຍເງິນອຸດໜູນເທື່ອດຽວ(ຍັງມີຊີວິດ) ເປັນເງິນຈຳນວນ 27 ທ່ານ, ຍີງ 3 ທ່ານ ລວມເປັນເງີນ 633 ລ້ານ ກວ່າກີບ ປະຈຳປີ2019 ຕາມດຳລັດ272/ລບ, ລົງວັນທີ 16 ກັນຍາ 2015

ຂໍ້ຕົກລົງລັດຖະມົນຕີກະຊວງແຮງງານ ແລະ ສະຫວັດດີການສັງຄົມວ່າດວ້ຍການປະຕິບັດນະໂຍບາຍເງິນອຸດໜູນເທື່ອດຽວ(ຍັງມີຊີວິດ) ປະຈຳປີ 2019 , ຈຳນວນ 25 ທ່ານ , ເປັນເງິນ 570 ລ້ານກວ່າກີບ ແລະ ຂໍ້ຕົກລົງລັດຖະມົນຕີກະຊວງແຮງງານ ແລະ ສະຫວັດດີການສັງຄົມວ່າດວ້ຍການປະຕິບັດນະໂຍບາຍເງິນອຸດໜູນເທື່ອດຽວ(ຍັງມີຊີວິດ) ປະຈຳປີ 2020, ຈຳນວນ 2 ທ່ານ , ເປັນເງິນ 63 ລ້ານກວ່າກີບ.

.

( ຂ່າວສານ ຮສສ )