ຮອງ​ເຈົ້າ​ແຂວງ​ສະ​ຫວັນ​ນະ​ເຂດ ຢ້ຽມ​ຢາມ​ເບິ່ງ​ຄວາມ​ຄືບ​ໜ້າ​ໂຄງ​ການ​ຂະ​ຫຍາຍ​ໂຄງ​ລ່າງ​ນ້ຳ​ສະ​ອາດ ແລະ​ໂພ​ຊະ​ນາ​ການ ຢູ່​ເມືອງ​ອາດ​ສະ​ພອນ

ຮອງ​ເຈົ້າ​ແຂວງ​ສະ​ຫວັນ​ນະ​ເຂດ ຢ້ຽມ​ຢາມ​ເບິ່ງ​ຄວາມ​ຄືບ​ໜ້າ​ໂຄງ​ການ​ຂະ​ຫຍາຍ​ໂຄງ​ລ່າງ​ນ້ຳ​ສະ​ອາດ ແລະ​ໂພ​ຊະ​ນາ​ການ ຢູ່​ເມືອງ​ອາດ​ສະ​ພອນ

September 14, 2020 0 By admin

ໂຄງການຂະຫຍາຍພື້ນ ຖານໂຄງລ່າງນ້ຳສະອາດ ແລະ ໂພຊະນາການ, ການປັບປຸງ ລະ ບົບນ້ຳ ປະປາເຂດຕົວ ເມືອງນ້ອຍ ຫຼື KFW ໄດ້ໃຫ້ທຶນກໍ່ສ້າງລະບົບ ນ້ຳປະປາ 6 ເມືອງຂອງແຂວງ ສະຫວັນະເຂດຄື: ເມືອງໄຊພູ ທອງ, ອຸທຸມພອນ, ອາດສະພອນ, ເມືອງພີນ, ເຊໂປນ ແລະເມືອງ ນອງ. ເພື່ອເປັນການຢ້ຽມຢາມ ເບິ່ງຄວາມຄືບໜ້າໃນການຈັດ ຕັ້ງປະຕິບັດບັນດາໂຄງການ ດັ່ງນັ້ນຕອນເຊົ້າວັນທີ9ກັນ ຍາ 2020 ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າ ແຂວງສະຫວັນະເຂດ ພ້ອມຫົວ ໜ້າພະແນກອຸດສະຫະກຳ ແລະ ການຄ້າແຂວງ, ພະແນກການ ເງິນ, ພະແນກແຜນການແລະ ການລົງທຶນ, ພະແນກພະລັງ ງານ ແລະບໍ່ແຮ່, ຮອງຫົວໜ້າ ພະແນກກະສິກຳ ແລະປ່າໄມ້, ພະແນກໂຍທາທິການ ແລະຂົນ ສົ່ງ, ລັດວິສາຫະກິດນ້ຳປະປາ ແຂວງ ໄດ້ລົງຢ້ຽມຢາມເບິ່ງ ໂຄງການດັ່ງກ່າວໃນເຂດເທ ສະບານເມືອງອາດສະພອນ ແຂວງສະຫວັນນະເຂດ.


ຕາມການລາຍງານຂອງ ວິຊາການພາກສະໜາມໂຄງ ການໃຫ້ຮູ້ວ່າ: ໂຄງການກໍ່ສ້າງ ລະບົບນ້ຳປະປາເທສະບານ ເມືອງອາດສະພອນ ແມ່ນທຶນ ຊ່ວຍເຫຼືອລ້າຂອງສະຫະພາບ ເອີຣົບ ໂດຍຜ່ານທະນາຄານພັດ ທະນາເຢຍລະມັນ KFW ເປັນ ຜູ້ຈ່າຍ 85%, ທຶນສົມທົບຂອງ ກະຊວງໂຍທາທິການ ແລະ ຂົນສົ່ງ 10% ແລະທຶນສົມທົບ ຂອງແຂວງອີກ 5%.

ໃນເທ ສະບານເມືອງອາດສະພອນ ມີ 6 ບ້ານເປົ້າໝາຍທີ່ຈະໄດ້ຮັບ ຜົນປະໂຫຍດໄດ້ແກ່: ບ້ານນາ ເດື່ອ, ຜັກຂະຫຍ່າ, ໜອງເດີ່ນ, ທາດດອກແກ້ວ, ດົງນາງາມ ແລະ ບ້ານນາກຸດຈານ, ມີມູນຄ່າ ທັງໝົດ 13 ຕື້ 714 ລ້ານກວ່າກີບ; ໃນນັ້ນມີອາຄານຫ້ອງການ ແລະ ຫ້ອງນ້ຳ 1 ອາຄານ. ສາງເກັບເຄື່ອງ 1 ຫຼັງ, ອ່າງ ເກັບນ້ຳ 4 ອ່າງ ເຊິ່ງມີອ່າງ 250 ແມັດກ້ອນ ຢູ່ບ້ານທາດດອກ ແກ້ວ, ອ່າງ 50 ແມັດກ້ອນ ຢູ່ບ້ານ ຜັກຂະຫຍ່າ, ອ່າງ 50 ແມັດກ້ອນ ຢູ່ບ້ານໜອງເດີ່ນ, ອ່າງ50 ແມັດ ກ້ອນ ຢູ່ບ້ານນາເດື່ອ ມີການ ວາງທໍ່ແຈກຢາຍ 58.152 ແມັດ, ເຈາະບາດານ 27 ແຫ່ງ, ຕິດຕັ້ງ ກົງເຕີເຂົ້າເຮືອນປະຊາຊົນ 1.305 ຫຼັງຄາເຮືອນ. ນອກນັ້ນ ຍັງມີການກໍ່ສ້າງຢູ່ຈຸດສຸມໂນນ ມີໄຊ ມີ 7 ບ້ານເປົ້າໝາຍທີ່ຈະໄດ້ ຮັບຜົນປະໂຫຍດໄດ້ແກ່: ບ້ານ ໂນນມີໄຊ, ຄຳພູ, ໂນນຍາງ, ກາງ ທ່າ, ກາງບອນ, ດົງຄຳກວນ ແລະບ້ານນາແຄ ມີມູນຄ່າ 9 ຕື້ 276 ລ້ານກ່ວາກີບ​ປະ​ກອບມີ: ອ່າງເກັບນ້ຳ 7 ອ່າງ, ເຈາະບາ ດານ 27 ແຫ່ງ ແລະຕິດຕັ້ງກົງ ເຕີເຂົ້າເຮືອນປະຊາຊົນ 1.128 ຫຼັງຄາເຮືອນ; ໂດຍບໍລິສັດໜູຄຳ ກໍ່ສ້າງຈຳກັດເປັນຜູ້ຮັບເໝົາ.


ຄວາມຄືບໜ້າຂອງວຽກ ສະເພາະໃນເທສະບານເມືອງ ອາດສະພອນປະຕິບັດໄດ້ທັງ ໝົດເກືອບ 20% ໃນນັ້ນຍັງມີ ຫຼາຍໜ້າວຽກສຳຄັນທີ່ຕ້ອງ ໄດ້ເຮັດ, ຊຶ່ງລວມປະລິມານນ້ຳທີ່ ທີ່ເຈາະໄດ້ 106 ແມັດ ກ້ອນ ຕໍ່ມື້ປະລິມານນ້ຳທ່ີຍັງບໍ່ພໍ 158 ແມັດກ້ອນຕໍ່ມື້.
ໂອກາດນີ້, ທ່ານຮອງເຈົ້າ ແຂວງສະຫວັນນະເຂດ ກໍ່ໄດ້ ແນະນຳໃຫ້ພາກສ່ວນທີ່ກ່ຽວ ຂ້ອງທັງວິຊາການ ແລະຜູ້ຮັບ ເໝົາ ຈົ່ງໄດ້ເອົາໃຈໃສ່ປະຕິບັດໃຫ້ໄດ້ຕາມມາດຕະຖານ ແລະ ໃຫ້ສຳເລັດຕາມເວລາທີ່ກຳ ນົດໄວ້ ເພື່ອໃຫ້ປະຊາຊົນໄດ້ຊົມໃຊ້ນ້ຳທີ່ສະອາດຕາມແຜນການ.

ພ້ອມດຽວກັນນີ້, ພະແນກ ອຸດສາຫະກຳ-ການຄ້າ, ພະລັງ ງານ-ບໍ່ແຮ່, ການເງິນກໍ່ໄດ້ມອບ ຊຸດກິລາໃຫ້ການນຳເມືອງ ແລະ ພະແນກແຜນການ ແລະການ ລົງທຶນກໍ່ໄດ້ມອບຄອມພິວເຕີ ຈຳນວນ 1 ຊຸດໃຫ້ຫ້ອງການ ແຜນການ ແລະການລົງທຶນ ເມືອງນຳອີກໂດຍການເຂົ້າຮ່ວມ ເປັນ ສັກຄີພິຍານຂອງທ່ານ ທ່ອນ ແກ້ວ ພຸດທະໄກຍະລາດ ແລະ ທ່ານ ຄຳແພງ ເພັດທຸມພອນ ເຈົ້າເມືອງອາດສະພອນກໍ່ໄດ້ ຕາງໜ້າກ່າວຮັບຢ່າງສົມກຽດ.