ໂດມີນິກ ທິ່ມ ສ້າງປະຫວັດເປັນນັກເທັນນິສ ອັອສເຕຣຍ ຄົນທຳອິດ ຄວ້າແຊ້ມແກຣນສະແລມ US Open 2020

ໂດມີນິກ ທິ່ມ ສ້າງປະຫວັດເປັນນັກເທັນນິສ ອັອສເຕຣຍ ຄົນທຳອິດ ຄວ້າແຊ້ມແກຣນສະແລມ US Open 2020

September 14, 2020 0 By admin

ການແຂ່ງຂັນເທັນນິສ ແກຣນສະແລມ ຢູເອັສ ໂອເພັນ (US Open) ປະຈຳປີ 2020 ທີ່ນິວຢ໊ອກ, ສະຫະລັດອາເມຣິກາ ຊິງເງິນລາງວັນລວມ $53,402,000 ໂດລາສະຫະລັດ ຮອບຊິງຊະນະເລີດ ປະເພດຊາຍດ່ຽວ ໃນວັນທີ 13 ກັນຍາຜ່ານມາ.

ອາເລັກຊານເດີ ຊະເວເຣຟ ມື 5 ຂອງລາຍການຈາກ ເຢຍລະມັນ ທີ່ເຂົ້າຊິງແກຣນສະແລມຄັ້ງທຳອິດ ແລະ ເປັນນັກເທັນນິສຊາວເຢຍລະມັນຄົນທຳອິດໃນຮອບ 26 ປີ ທີ່ເຂົ້າຊິງລາຍການນີ້ ພົບກັບ ໂດມີນິກ ທິ່ມ ມື 2 ຂອງລາຍການ ທີ່ສ້າງປະຫວັດສາດເປັນນັກເທັນນິສຊາວໂອຕຣິດ (ອັອສເຕຣຍ) ຄົນທຳອິດສາມາດເຂົ້າຊິງລາຍການນີ້, ຄູ່ນີ້ພົບກັນ 9 ຄັ້ງຫລັງສຸດ ຊະເວເຣຟ ຊະນະ 2 ໂດມີນິກ ທິ່ມ ຊະນະ 7 ແຕ່ 3 ຄັ້ງຫລັງສຸດ ໂດມີນິກ ທິ່ມ ເປັນຝ່າຍຊະນະລວດ.

ແລະ ມາໃນຄັ້ງນີ້ ໂດມີນິກ ທິ່ມ ຍັງເປັນຝ່າຍຄວ້າໄຊແບບວຸດວິດ ເຖິງວ່າເສຍກ່ອນສອງເຊັດທຳອິດ 2-6, 4-6 ແຕ່ສາມເຊັດຫລັງແຊງຊະນະ 6-4, 6-3, 7-6 (8-6) ສ້າງປະຫວັດສາດເປັນນັກເທັນນິສຊາວໂອຕຣິດຄົນທຳອິດ ໄດ້ແຊ້ມລາຍການນີ້ ຮັບເງິນລາງວັນ $3,000,000 ໂດລາສະຫະລັດ ຫລື ປະມານ 27 ຕື້ກວ່າກີບ, ຂະນະທີ່ ຮອງແຊ້ມ ໄດ້ຮັບເງິນລາງວັນປອບໃຈ ເທົ່າກັບເຄິ່ງໝຶ່ງຂອງແຊ້ມ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: US Open Tennis Championships