ໂອຊາກະ ຮຶດສູ້! ແຊງຊະນະ ອາຊາເຣັນກ້າ ຄວ້າແຊ້ມ US Open 2020

ໂອຊາກະ ຮຶດສູ້! ແຊງຊະນະ ອາຊາເຣັນກ້າ ຄວ້າແຊ້ມ US Open 2020

September 13, 2020 0 By admin

ການແຂ່ງຂັນເທັນນິສ ແກຣນສະແລມ ຢູເອັສ ໂອເພັນ (US Open) ປະຈຳປີ 2020 ທີ່ນິວຢ໊ອກ, ສະຫະລັດອາເມຣິກາ ໃນລະຫວ່ງວັນທີ 29 ສິງຫາ – 13 ກັນຍານີ້ ຮອບຊິງງຊະນະເລີດ ປະເພດຍິງດ່ຽວ ໃນວັນທີ 12 ກັນຍາຜ່ານມາ.

ນາໂອມິ ໂອຊາກະ ມື 4 ຂອງລາຍການຈາກຍີ່ປຸ່ນ ແຊ້ມປີ 2018 ພົບກັບ ວິກຕໍເຣຍ ອາຊາເຣນກ້າ ອະດີດມື 1 ຂອງໂລກ ອະດີດຮອງແຊ້ມ 2 ສະໄໝຈາກເບລາຣຸສ. ໂອຊາກະ ໄວ 22 ປີ ເສຍກ່ອນໃນເຊັດທີ 1: 1-6 ແຕ່ແຊງຊະນະໃນສອງເຊັດຫລັງ 6-3, 6-3.

ໂອຊາກະ ຄວ້າແຊ້ມແກຣນສະແລມທີ 3 ໃນຊີວິດຕໍ່ຈາກ ຢູເອັສ ໂອເພັນ ປີ 2018 ແລະ ອັອສເຕຣລ້ຽນ ໂອເພັນ ປີ 2019 ຮັບຂັນເງິນລາງວັນ $3,000,000 ໂດລາສະຫະລັດ ຫລື ປະມານ 27 ຕື້ກວ່າກີບ, ຂະນະທີ່ ອາຊາເຣັນກ້າ ແມ່ລູກອ່ອນ ໄວ 31 ປີ ໄດ້ຮັບເງິນລາງວັນປອບໃຈ ເທົ່າກັບເຄິ່ງໝຶ່ງຂອງແຊ້ມ ເປັນຮອງແຊ້ມລາຍການນີ້ຄັ້ງທີ 3 ຕໍ່ຈາກປີ 2012, 2013.

ໄຮໄລ້ການແຂ່ງຂັນຕາມລິ້ງລຸ່ມນີ້:

ສຳລັບ 13 ກັນຍານີ້ ເປັນຮອງຊິງປະເພດຊາຍດ່ຽວ: ອາເລັກຊານເດີ ຊະເວເຣຟ ມື 5 ຂອງລາຍການຈາກ ເຢຍລະມັນ ສ້າງສະຖິຕິໃຫມ່ໃຫ້ຕົນເອງເຂົ້າຊິງແກຣນສະແລມຄັ້ງທຳອິດ ແລະ ກາຍເປັນນັກເທັນນິສຊາວເຢຍລະມັນຄົນທຳອິດໃນຮອບ 26 ປີ ທີ່ເຂົ້າຊິງລາຍການນີ້ ພົບກັບ ໂດມີນິກ ທິ່ມ ມື 2 ຂອງລາຍການຈາກໂອຕຣິດ ທີ່ສ້າງປະຫວັດສາດເປັນນັກເທັນນິສຊາວໂອຕຣິດ (ອັອສເຕຣຍ) ຄົນທຳອິດສາມາດເຂົ້າຊິງລາຍການນີ້, ຄູ່ນີ້ພົບກັນ 9 ຄັ້ງ ຊະເວເຣຟ ຊະນະ 2 ໂດມີນິກ ທິ່ມ ຊະນະ 7 ແລະ 3 ຄັ້ງຫລັງສຸດ ໂດມີນິກ ທິ່ມ ເປັນຝ່າຍຊະນະ.

Photo: US Open Tennis Championships