ນັກເຕະໃໝ່ ບູຣີຣຳ ຢູໄນເຕັດ ຕິດເຊື້ອໂຄວິດ-19 ຫລັງຝຶກຊ້ອມ ແລະ ອຸ່ນເຄື່ອງກັບທີມ!!

ນັກເຕະໃໝ່ ບູຣີຣຳ ຢູໄນເຕັດ ຕິດເຊື້ອໂຄວິດ-19 ຫລັງຝຶກຊ້ອມ ແລະ ອຸ່ນເຄື່ອງກັບທີມ!!

September 12, 2020 0 By admin

ອັກບ້າ ອິສມາຕຸນລາເຢຟ ກອງກາງໃຫມ່ ໄວ 29 ປີ ຂອງສະໂມສອນ ບູຣີຣຳ ຢູໄນເຕັດ ທີມດັງໃນລີກສູງສຸດຂອງປະເທດໄທ ກວດພົບເຊື້ອໂຄວິດ-19 ໃນຮ່າງກາຍ ກ່ອນລົງສະໜາມຊ່ວຍຕົ້ນສັງກັດ ບຸກໄປຢາມ ບີຈີ ປະທຸມ ໃນວັນທີ 13 ກັນຍານີ້ ເສິກໄທລີກ 1 ປີ 2020 ທີ່ກັບມາແຂ່ງຂັນອີກຄັ້ງ ພາຍຫລັງພັກຍາວມາແຕ່ທ້າຍເດືອນກຸມພາ ຍ້ອນການລະບາດຂອງພະຍາດ ໂຄວິດ-19.

ອັກບ້າ ອິສມາຕຸນລາເຢຟ ກອງກາງທີມຊາດອຸສເບກິດສະຖານ ກວດພົບເຊື້ອໂຄວິດ-19 ໃນການກວດຮອບຫລ້າສຸດໃນວັນທີ 10 ກັນຍານີ້ ກ່ອນລົງແຂ່ງຂັນຕົວຈິງໃນທ້າຍອາທິດ ຊຶ່ງກ່ອນໜ້ານີ້ ພາຍຫລັງ ອັກບ້າ ອິສມາຕຸນລາເຢຟ ເດີນທາງມາເຖິງປະເທດໄທ ໃນກາງເດືອນສິງຫາ 2020 ແລະ ຖືກກັກຕົວຕິດຕາມອາການໃນວັນທີ 13-27 ສິງຫາ ແລະ ໄດ້ກວດເຊື້ອ 2 ຮອບ ແຕ່ບໍ່ພົບ ຈຶ່ງເດີນທາງມາຝຶກຊ້ອມກັບທີມ ແລະ ລົງຫລິ້ນເກມອຸ່ນເຄື່ອງກັບ ຣາຊບູຣີ ມິດຜົນ ໃນວັນທີ 30 ສິງຫາ ແລະ ພົບກັບ ຂ່ອນແກ່ນ ຢູໄນເຕັດ ໃນວັນທີ 5 ກັນຍາ.

ເມື່ອເບິ່ງທາມລາຍ ເສັ້ນທາງການເຄື່ອນໄຫວຂອງ ອັກບ້າ ອິສມາຕຸນລາເຢຟ ຖືວ່າສ່ຽງສູງສົມຄວນໃນການແຜ່ເຊື້ອໂຄວິດ-19 ສູ່ຄອບຄົວ ແລະ ເພື່ອນຮ່ວມທີມ.

ສຳລັບ ອັກບ້າ ອິສມາຕຸນລາເຢຟ ຫລິ້ນໃນຕຳແໜ່ງກອງກາງຕົວຮັບ ຍ້າຍຈາກສະໂມສອນ ເມຕາວລຸງ ເບກາບັດ ໃນລີກອຸສເບກິດສະຖານ ມາຢູ່ກັບ ບູຣີຣຳ ຢູໄນເຕັດ ໃນປີນີ້ ຜ່ານມາເຄີຍຢູ່ກັບສະໂມສອນຊື່ດັງຂອງອຸສເບກິດສະຖານ: ປັກຕາກໍຣ ໄດ້ແຊ້ມລີກ 2 ສະໄໝ ແລະ ແຊ້ມ Uzbek Cup 1 ສະໄໝ.

Photo: championat.asia, Goal.com