ບໍຣິສ ຈອນສັນ ນາຍົກ ອັງກິດ ອະນຸຍາດໃຫ້ມີຜູ້ຊົມການແຂ່ງຂັນກິລາຕ່າງງໆ ເລີ່ມວັນທີ 1 ຕຸລານີ້!!

ບໍຣິສ ຈອນສັນ ນາຍົກ ອັງກິດ ອະນຸຍາດໃຫ້ມີຜູ້ຊົມການແຂ່ງຂັນກິລາຕ່າງງໆ ເລີ່ມວັນທີ 1 ຕຸລານີ້!!

September 11, 2020 0 By admin

ທ່ານ ບໍຣຣິສ ຈອນສັນ ນາຍົກລັດຖະມົນຕີ ອັງກິດ ຢືນຢັນອະນຸຍາດໃຫ້ມີຜູ້ຊົມການແຂ່ງຂັນກິລາຕ່າງໆພາຍໃນປະເທດໄດ້ ເລີ່ມວັນທີ 1 ຕຸລານີ້ເປັນຕົ້ນໄປ, ສ່ວນພາຍໃນເດືອນກັນຍານີ້ ກໍສາມາດເຂົ້າຊົມໄດ້ ແຕ່ຈຳກັດໄວ້ທີ່ 1000 ຄົນ ແລະ ຕ້ອງປະຕິບັດຕາມມາດຕະການປ້ອງກັນຕິດເຊື້ອໂຄວິດ-19 ໂດຍໃຫ້ເວັ້ນໄລຍະຫ່າງ, ໃສ່ຜ້າອັດປາກອັດດັງ ແລະ ລ້າງມືດ້ວຍເຈວ. ໂດຍທາງຄະນະລັດຖະບານ ຈະປຶກສາກັນຕື່ມ ເພື່ອວາງແຜນເພີ່ມຈຳນວນຜູ້ຊົມໃນສະໜາມໃນເດືອນນີ້.

ຫລາຍການແຂ່ງຂັນກິລາລະດັບໃຫຍ່ຢູ່ອັງກິດ ຕ້ອງປາຈະຈາກຜູ້ຊົມ ນັບຕັ້ງແຕ່ການລະບາດຂອງພະຍາດໂຄວິດ-19 ໃນເດືອນມີນາເປັນຕົ້ນມາ ເປັນຕົ້ນເຕະບານ ພຣີເມ່ຍລີກ, ເອຟເອຄັບ ແລະ ຟໍຣມູລ່າວັນ ເຮັດໃຫ້ສູນເສຍລາຍໄດ້ຫລາຍຮ້ອຍລ້ານປອນ.

ແຕ່ໃນທ້າຍເດືອນສິງຫາຜ່ານມາ ບາງການແຂ່ງຂັນ ລັດຖະບານໄດ້ອະນຸຍາດໃຫ້ມີຜູ້ຊົມເຊັ່ນ: ເຕະບານອຸ່ນເຄື່ອງລະຫວ່າງ ໄບຣຕັ້ນ ພົບ ເຊວຊີ ມີຜູ້ຊົມ 2500 ຄົນ, ສະນຸກເກີ ຊິງແຊ້ມໂລກ 2020 ມີຜູ້ຊົມ 300 ຄົນ.

Photo: Boris Johnson, REUTERS