ລັດຖະມົນຕີກະຊວງປ້ອງກັນປະເທດ ພ້ອມຄະນະເຄື່ອນໄຫວຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີ

ລັດຖະມົນຕີກະຊວງປ້ອງກັນປະເທດ ພ້ອມຄະນະເຄື່ອນໄຫວຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີ

September 11, 2020 0 By admin

ໃນວັນທີ 11 ກັນຍາ 2020 ນີ້, ທ່ານ ພົນເອກ ຈັນສະໝອນ ຈັນຍະລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະໄດ້ມາເຄື່ອນໄຫວ, ຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີ ໂອກາດກໍ່ໄດ້ຮັບການຕ້ອນຮັບຈາກ ທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງຜົ້ງສາລີ ພ້ອມດ້ວຍຄະນະການນຳຂອງແຂວງ ສອງກຳລັງ ປກສ – ປກຊ ຢູ່ທີ່ສະໜາມບີນຂອງເມືອງບຸນ ເໜືອ.


ຈຸດປະສົງຂອງການມາເຄືອນໄຫວຂອງທ່ານລັດຖະມົນ ຕີກະຊວງປ້ອງກັນປະເທດແມ່ນເພື່ອເປັນການຕິດ ຕາມຊຸກຍູ້ການກະກຽມໃຫ້ແກ່ການດຳເນີນກອງປະຊຸມໃຫຍ່ຄັ້ງທີ່ XI ຂອງອົງຄະນະພັກແຂວງຜົ້ງສາລີ ແລະ ຈະໄດ້ເຂົ້າຮ່ວມເຮັດວຽກກັບກຳມະການປະຈຳພັກແຂວງ.

ເຂົ້າຮ່ວມກອງປະຊຸມບັ້ນດຳເນີນຊີວີດການເມືອງພາຍໃນຄະນະບໍລິຫານງານພັກແຂວງສະໄໜທີ X, ພົບປະໂອ້ລົມກຳລັງຫຼັກແຫລ່ງຂອງກອງບັນຊາການ ທະຫານ ແລະ ຕຳຫຼວດ ຢູ່ກອງບັນຊາການທະຫານແຂວງ, ເຂົ້າຮ່ວມກອງປະຊຸມທາບທາມບຸກຄະລະກອນຄະນະບໍລິຫານງານພັກແຂວງສະໄໜທີ່ XI ຮອບ 3, ໄປເບີ່ງໂຄງການກໍ່ສ້າງກອງບັນຊາການທະຫານແຂວງ ແລະ ໂຄງການກໍ່ສ້າງອື່ນໆຢູ່ເທດສະບານແຂວງໃໝ່ ເມືອງບຸນເໜືອ.


ການມາເຄື່ອນໄຫວຂອງທ່ານ ລັດຖະມົນຕີກະຊວງປ້ອງກັນປະເທດ ຄັ້ງນີ້ແມ່ນຈະຮອດວັນທີ່ 15 ກັນຍາ 2020 ຈຶ່ງຈະສຳເລັດ.