ມອບໂອນການຄຸ້ມຄອງ ແລະ ບໍລິຫານເຂື່ອນໄຟຟ້ານໍ້າຕົກຂະໜາດນ້ອຍບ້ານພໍ້ ເມືອງຍອດອູ

ມອບໂອນການຄຸ້ມຄອງ ແລະ ບໍລິຫານເຂື່ອນໄຟຟ້ານໍ້າຕົກຂະໜາດນ້ອຍບ້ານພໍ້ ເມືອງຍອດອູ

September 10, 2020 0 By admin

ພິທີເຊັນສັນຍາວ່າດ້ວຍການຄຸ້ມຄອງ ແລະ ບໍລິຫານເຂື່ອນໄຟຟ້ານໍ້າຕົກຂະໜາດນ້ອຍບ້ານພໍ້ ເມືອງຍອດອູ ແຂງຜົ້ງສາລີ ໄດ້ຈັດຂື້ນໃນຕອນບ່າຍຂອງວັນທີ 9 ເດືອນກັນຍາ 2020 ລະຫວ່າງພະແນກພະລັງງານ ແລະ ບໍ່ແຮ່ແຂວງຜົ້ງສາລີ ກັບ ບໍລີສັດດາລາວັນ ເມກດາລາ ກໍ່ສ້າງຕາຂ່າຍໄຟຟ້າຈຳກັດຜູ້ດຽວ ໃຫ້ກຽດເຂົ້າຮ່ວມເປັນປະທານ ຂອງທ່ານ ຄຳເຫຼັກ ໃຈອີສານ ກຳມະການປະຈຳພັກແຂວງ ຫົວໜ້າພະແນກແຜນການ ແລະ ການລົງທຶນແຂວງ.


ໃນພິທີ ທ່ານ ພອນໄຊ ສີສົມບັດ ຫົວໜ້າຫ້ອງການບໍລິຫານພະແນກພະລັງງານ ແລະ ບໍແຮ່ ແຂວງ ໄດ້ຂຶ້ນຜ່ານບົດສັງລວມຄວາມເປັນມາຂອງໂຄງການເຂື່ອນໄຟຟ້ານໍ້າຕົກຂະໜາດນ້ອຍບ້ານພໍ້ ເມືອງຍອດອູ ແຂວງຜົ້ງສາລີແຕ່ປີ 2015 ຫາ 2019 ໂຄງການເຂື່ອນໄຟຟ້ານໍ້າຕົກຂະໜາດນ້ອຍບ້ານພໍ້ ເມືອງຍອດອູ ແຂວງຜົ້ງສາລີ ແມ່ນທຶນຊ່ວຍເຫຼືອຫຼ້າຂອງອົງການ ໄຈກາປະເທດຍີ່ປຸ່ນ ມີມູນຄາການກໍ່ສ້າງທັງໜົດ 17 ລ້ານໂດລາສະຫະລັດ ມີກຳລັງຕິດຕັ້ງ 450 kw.


ໄດ້ເລີ່ມລົງມືກໍ່ສ້າງໃນປີ 2014 ສຳເລັດການກໍ່ສ້າງ ແລະ ເປີດນຳໃຊ້ໃນເດືອນກຸມພາ ປີ 2015; ທາງສະຖາບັນສົ່ງເສີມພະລັງງານທົດແທນກະຊວງພະລັງງານ ແລະ ບໍ່ແຮ່ ໄດ້ມອບໃຫ້ພະແນກພະລັງງານ ແລະ ບໍ່ແຮ່ແຂວງຜົ້ງສາລີ ເຊັນສັນຍາມອບໃຫ້ບໍລິສັດດາລາວັນ ເມກດາລາກໍ່ສ້າງຕາຂ່າຍໄຟຟ້າຈຳກັດຜູ້ດຽວເປັນຜູ້ຄຸ້ມຄອງ ແລະ ບໍລິຫານເຂື່ອນໄຟຟ້ານໍ້າຕົກຂະໜາດນ້ອຍບ້ານພໍ້.


ໃນພິທີຍັງໄດ້ຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການອະນຸມັດ ແລະ ມອບສິດໃຫ້ເຊັນສັນຍາ ວ່າດ້ວຍການຄຸ້ມຄອງ ແລະ ບໍລິຫານເຂື່ອນໄຟຟ້ານໍ້າຕົກຂະໜາດນ້ອຍບ້ານພໍ້ ເມືອງຍອດອູ ພ້ອມທັງລົງນາມເຊັນສັນຍາ ລະຫວ່າງພະແນກພະລັງງານ ແລະ ບໍ່ແຮ່ແຂວງຜົ້ງສາລີ ກັບ ບໍລິສັດດາລາວັນ ເມກດາລາ ກໍ່ສ້າງຕາຂ່າຍໄຟຟ້າຈຳກັດຜູ້ດຽວ.


ຕ່າງໜ້າໃຫ້ພະແນກພະລັງງານ ແລະ ບໍ່ແຮ່ແຂວງຜົ້ງສາລີຂຶ້ນເຊັນໂດຍແມ່ນ ທ່ານ ວິສອນ ລາວເມົາ ກຳມະການພັກແຂວງ ຫົວໜ້າພະແນກພະລັງງານ ແລະ ບໍ່ແຮ່ ແຂວງຜົ້ງສາລີ ແລະ ຕ່າງໜ້າໃຫ້ບໍລິສັດໂດຍແມ່ນ ທ່ານ ນາງ ດາລາວັນ ເມກດາລາ ອຳນວຍການບໍລິສັດດາລາວັນ ເມກດາລາ ກໍ່ສ້າງຕາຂ່າຍໄຟຟ້າຈຳກັດຜູ້ດຽວ