ເຄວິນ ເດີບຣອຍ ແລະ ອາຣໂນ ຄວ້າລາງວັນເດັ່ນຂອງ PFA ຄັ້ງທຳອິດ!!

ເຄວິນ ເດີບຣອຍ ແລະ ອາຣໂນ ຄວ້າລາງວັນເດັ່ນຂອງ PFA ຄັ້ງທຳອິດ!!

September 9, 2020 0 By admin

ເຄວິນ ເດີບຣອຍ ກອງກາງທີມຊາດແບນຊິກ ໄວ 29 ປີ ຂອງສະໂມສອນ ແມັນເຊັສເຕີ ຊິຕີ້ ໄດ້ລາງວັນນັກເຕະດີເດັ່ນຂອງສະມາຄົມນັກກິລາບານເຕະອາຊີບຂອງອັງກິດ ຫລື PFA ລະດູການ 2019-20 ເອົາຊະນະ 4 ນັກເຕະຂອງ ລີເວີພູລ: ເວີຈິວ ຟານໄດ໋ ເຈົ້າຂອງລາງວັນລະດູການຜ່ານມາ, ເທັນ ອາເລັກຊານເດີ ອາຣໂນ, ຊາດີໂອ ມາເນ່ ແລະ ຈໍແດນ ເຮັນເດີສັນ ລວມທັງມີຄະແນນເໜືອ ຣາຮີມ ສະເຕີລິ້ງ ເພື່ອນຮ່ວມທີມ. ກາຍເປັນນັກເຕະຄົນທຳອິດຂອງ ແມນຊິຕີ້ ນັບຕັ້ງແຕ່ມຈັດລາງວັນນີ້ແຕ່ລະດູການ 1973–74 ເປັນຕົ້ນມາ.

ຜົນງານຂອງ ເຄວິນ ເດີບຣອຍ ໃນລະດູການຜ່ານມາ ເຖິງວ່າບໍ່ສາມາດຊ່ວຍຕົ້ນສັງກັດປ້ອງກັນແຊ້ມ ພຣີເມ່ຍລີກ ແຕ່ສ່ວນຕົວໂດດເດັ່ນສົມຄວນ ລົງຫລິ້ນ 48 ນັດລວມທຸກລາຍການ ຍິງ 16 ປະຕູ, ສະເພາະໃນ ພຣີເມ່ຍລີກ ລົງຫລິ້ນ 35 ນັດ ຍິງ 13 ປະຕູ ແລະ ແອັສຊິສ ສົ່ງໃຫ້ເພື່ອນຍິງສູງສຸດ 20 ປະຕູທຽບເທົ່າກັບສະຖິຕິສູງສຸດຂອງ ເທ່ຍຣີ້ ອ໋ອງຣີ ອະດີດກອງໜ້າ ອາຣເຊນໍລ.

ສ່ວນ ເທັນ ອາເລັກຊານເດີ ອາຣໂນ ກອງຫລັງຈາກລີເວີພູລ ໄດ້ລາງວັນດາວຮຸ່ງດີເດັ່ນ ອາຍຸບໍ່ເກີນ 23 ປີ ເອົາຊະນະ ມາຄາສ ຣາຊຟ໋ອດ, ເມສັນ ກຣີນວູດ ສອງນັກເຕະຈາກແມນຢູ, ເມສັນ ເມົ້າ, ແທ່ມມີ້ ອາບຣາຮຳ ຈາກເຊວຊີ, ບູກາໂຢ້ ຊາກ້າ ຈາກອາຣເຊນໍລ.

ອາຣໂນ ໄວ 21 ປີ ໄດ້ຮັບລາງວັນນີ້ເປັນຄັ້ງທຳອິດ ແລະ ເປັນນັກເຕະຫົງແດງຄົນທີ 5 ຕໍ່ຈາກ: ສະຕີເວັນ ເຈີຣາດ ລະດູການ 2000–01, ໄມເຄິນ ໂອເວັນ 1997–98, ຣັອບບີ້ ຟາວເຣີ 2 ຄັ້ງຕິດຕໍ່ກັນ 1994–95, 1995–96 ແລະ ອຽນ ຣາສ 1982–83.

ຜົນງານຂອງ ອາຣໂນ ໃນລະດູການຜ່ານມາ ລົງຫລິ້ນ 49 ນັດລວມທຸກລາຍການ, ສະເພາະໃນ ພຣີເມ່ຍລີກ ລົງຫລິ້ນ 38 ນັດ ຍິງ 4 ປະຕູ ແລະ ແອັສຊິສ ສົ່ງໃຫ້ເພື່ອນຍິງ 13 ໜ່ວຍ ຊ່ວຍລີເວີພລູ ຄວ້າແຊ້ມ ພຣີເມ່ຍລີກ ໄດ້ສຳເລັດ ສິ້ນສຸດການລໍຄອຍມາ 30 ປີ.

Photo: PFA, Manchester City, Trent Alexander-Arnold