ລັດຖະມົນຕີ ຖວທ ຢ້ຽມຊົມຊຸກຍູ້ການພັດທະນາສະຖານທີ່ທ່ອງທ່ຽວຫລາຍແຫ່ງ ຢູ່ຫລວງພະບາງ

ລັດຖະມົນຕີ ຖວທ ຢ້ຽມຊົມຊຸກຍູ້ການພັດທະນາສະຖານທີ່ທ່ອງທ່ຽວຫລາຍແຫ່ງ ຢູ່ຫລວງພະບາງ

September 9, 2020 0 By admin

ຂປລ.ໃນວັນທີ 9 ກັນຍາ 2020 ນີ້, ທ່ານ ກິແກ້ວ ໄຂຄຳພິທູນ ລັດຖະມົນຕີກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ພ້ອມດ້ວຍຄະນະ ໄດ້ສືບຕໍ່ລົງເຄື່ອນໄຫວຢ້ຽມ ຢາມຊຸກຍູ້ການພັດທະນາພື້ນຖານໂຄງລ່າງດ້ານການທ່ອງທ່ຽວ ຢູ່ແຂວງຫລວງພະບາງ ໂດຍໄດ້ຢ້ຽມຊົມແຫລ່ງທ່ອງທ່ຽວທີ່ສຳຄັນຕ່າງໆ ທີ່ເປັນມໍລະດົກໂລກຂອງແຂວງຫລວງພະບາງເຊັ່ນ: ວັດຊຽງທອງໄຊຍະໂຣມາທິບໍດີມະຫາວິຫາຣ ເພື່ອກາບໄຫ້ວສັກກະລະບູຊາຕາມນີດຄອງປະເພນີ, ຢ້ຽມຊົມ ສູນຫັດຖະກຳບ້ານຜານົມ ແລະ ຢ້ຽມຊົມໂຄງການຕ້ານຕາຝັ່ງເຈື່ອນ ຢູ່ບ້ານວັດແສນ ນະຄອນຫລວງພະບາ.ຫລັງຈາກນັ້ນ ກໍໄດ້ເດີນທາງໄປຢ້ຽມຊົມແຫລ່ງທ່ອງທ່ຽວທາງທຳມະຊາດ ນ້ຳຕົກຕາດກວາງຊີຕື່ມອີກ.

ທັງນີ້ແນໃສ່ຊຸກຍູ້ສົ່ງເສີມການພັດທະນາພື້ນຖານໂຄງລ່າງ ດ້ານການທ່ອງທ່ຽວຂອງ ແຂວງຫລວງພະບາງ ໃຫ້ໄດ້ຮັບການພັດທະນາ ເພື່ອດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະ ເທດເຂົ້າມາທ່ອງທ່ຽວແຂວງຫລວງພະບາງໃຫ້ຫລາຍຂຶ້ນ.


ພ້ອມດຽວກັນນັ້ນ,ທ່ານ ກິແກ້ວ ໄຂຄຳພິທູນ ພ້ອມດ້ວຍຄະນະ ຍັງໄດ້ລົງຊຸກຍູ້ວຽກງານດ້ານຕ່າງໆຢູ່ສະຖານີໂທລະພາບຂອງ ແຂວງຫລວງພະບາງ ໂດຍທ່ານໄດ້ສະເໜີໃຫ້ມີການປັບປຸງລະບົບກະຈາຍສັນຍານໃຫ້ເປັນທັນສະໄໝຂຶ້ນກວ່າເກົ່າ, ຈາກລະບົບອັນນາລອກໃຫ້ກາຍເປັນລະບົບດີຈີຕອນເພື່ອເຮັດໃຫ້ວຽກງານຖະແຫລງຂ່າວ ວັດທະນະທຳ ແລະ ທ່ອງທ່ຽວ ກໍຄື ການກະຈາຍຄື້ນສັນຍານຕ່າງໆ ໃຫ້ກວມທົ່ວແຂວງຫລວງພະບາງ ແນໃສ່ເຮັດໃຫ້ະຊາຊົນໄດ້ເບິ່ງໄດ້ຊົມ, ໄດ້ຮັບຮູ້ຂໍ້ມູນຂ່າວ ສານຕ່າງໆຜ່ານທາງວິທະຍຸ, ໂທລະພາບໄດ້ຢ່າງທົ່ວເຖິງ ແລະ ທັນການ.


ຂ່າວ-ພາບ:ທະນູທອງ