ໂຣນາວໂດ້ ຄົນທີ 2 ຂອງໂລກ ຍິງປະຕູໃຫ້ທີມຊາດຫລັກ 100 ໜ່ວຍ!! ພາຍຫລັງນຳທີມບຸກຊະນະ ສະວີເດັນ!!

ໂຣນາວໂດ້ ຄົນທີ 2 ຂອງໂລກ ຍິງປະຕູໃຫ້ທີມຊາດຫລັກ 100 ໜ່ວຍ!! ພາຍຫລັງນຳທີມບຸກຊະນະ ສະວີເດັນ!!

September 9, 2020 0 By admin

ການແຂ່ງຂັນເຕະບານລະດັບທີມຊາດ ລາຍການ ຢູຟ້າ ເນຊັ່ນລີກ ລະດູການໃຫມ່ 2020-21 ລີກ A (ລີກສູງສຸດ) ກຸ່ມທີ 3 ນັດທີ 2 ຄືນວັນທີ 8 ກັນຍາຜ່ານມາ, ທີມປັອກຕຸຍການ (ໂປຕູເກດ) ແຊ້ມເກົ່າ ຍັງຜົນງານດີ ບຸກຊະນະ ທີມຊາດສະວີເດັນ (ຊູແອັດ) 2-0 ຄຣິສເຕຍໂນ້ ໂຣນາວໂດ້ ຫົວໜ້າທີມ ເໝົາຜູ້ດຽວທັງສອງປະຕູ ນາທີ 45+1′ ແລະ ນາທີ 72′ ກາຍເປັນປະຕູທີ 100 ແລະ 101 ໃນນາມທີມຊາດຂອງກອງໜ້າ ໄວ 35 ປີ ຈາກມ້າລາຍຢູເວັນຕຸສ ຄອງຕຳແໜ່ງດາວຍິງສູງສຸດຂອງທີມຊາດປັອກຕຸຍການ ແລະ ເປັນນັກເຕະຄົນທີ 2 ໃນປະຫວັດສາດຂອງໂລກ ທີ່ຍິງປະຕູໃຫ້ທີມຊາດຫລາຍສຸດອັນດັບສອງ ຮອງຈາກ ອາລີ ດາອີ ອະດີດກອງໜ້າທີມຊາດອີຣານ ທີ່ຄອງສະຖິຕິສູງສຸດ 109 ປະຕູ ໃນປີ 1993-2006.

ສະຫລຸບຕາຕະລາງຄະແນນກຸ່ມນີ້ ຜ່ານໄປສອງນັດ: ປັອກຕຸຍການ ແຊ້ມເກົ່າ ມີ ຄະແນນເທົ່າກັບ ຝຣັ່ງ, ຂະນະທີ່ ສະວີເດັນ ແລະ ໂຄຣເອເຊຍ ຍັງບໍ່ມີຄະແນນ. ນັດຕໍ່ໄປ ຝຣັ່ງ ພົບ ປັອກຕຸຍການ ແລະ ໂຄຣເອເຊຍ ພົບ ສະວີເດັນ ຈະແຂ່ງຂັນໃນວັນທີ 11 ຕຸລາທີ່ຈະມາເຖິງນີ້.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: UEFA EURO 2020, Seleções de Portugal