ສ່ອງຄວາມງົດງາມຂອງຂຸນກອງແລງ! ສະຖານທີ່ທ່ອງທ່ຽວທີ່ພວມໄດ້ຮັບການປັບປຸງຍົກລະດັບ ກຽມເປີດໃຫ້ບໍລິການໃນອີກບໍ່ດົນ

ສ່ອງຄວາມງົດງາມຂອງຂຸນກອງແລງ! ສະຖານທີ່ທ່ອງທ່ຽວທີ່ພວມໄດ້ຮັບການປັບປຸງຍົກລະດັບ ກຽມເປີດໃຫ້ບໍລິການໃນອີກບໍ່ດົນ

September 9, 2020 0 By admin

ຂຸນກອງແລງ ເປັນສະຖານທີ່ທ່ອງທຽ່ວທາງທຳມະຊາດຢູ່ບ້ານນາຄື ເມືອງຫີນບູນແຂວງຄຳມ່ວນ ຫ່າງຈາກຕົວເມືອງ 20 ກິໂລແມັດຕາມເສັ້ນທາງ 13 ໃຕ້. ໄລຍະຜ່ານມາ ຖືວ່າໄດ້ຮັບຄວາມນິຍົມສົມຄວນຈາກບັນດານັກທ່ອງທ່ຽວ ແຕ່ປັດຈຸບັນ ກຳລັງໄດ້ຮັບການປັບປຸງພັດທະນາໃຫ້ງົດງາມຫນ້າທ່ອງທ່ຽວຫຼາຍຂຶ້ນ ເຊິ່ງຄາດວ່າຈະເປີດໃຫ້ບໍລິການໃນອີກບໍ່ດົນ ເຊິ່ງຕ້ອງອົດໃຈລໍຖ້າອີກໜ້ອຍໜຶ່ງນໍ.

ຂຸນກອງແລງ ເປັນໜຶ່ງໃນໂຄງການທີ່ບໍລິສັດອິນທຣາໂຄໂປເຣຊັນຈຳກັດຜູ້ດຽວໄດ້ຮັບສຳປະທານເພື່ອພັດທະນາແຫລ່ງທ່ອງທ່ຽວປະສານກັບການພັດທະນາກະສິກຳແບບອະນຸລັກທຳມະຊາດ,ຍືນຍົງ ແລະ ສີຂຽວ ໂດຍການມີສ່ວນຮ່ວມຂອງປະຊາຊົນ(The Green World @ Khamouane) “ພາຍ ຫລັງໄດ້ຮັບສຳປະທານເນື້ອທີ່ 30 ເຮັກຕາຈາກແຂວງໃນເດືອນມີນາ 2019 ຜ່ານມາເພື່ອດຳເນີນການກໍ່ສ້າງປັງປຸງແຫລ່ງທ່ອງທ່ຽວຂຸນກອງແລງໂດຍເນັ້ນການອະນຸລັກໂດຍປະຊາຊົນມີສ່ວນຮ່ວມແລ້ວກໍ່ໄດ້ເລັ່ງໃສ່ໜ້າວຽກໃນເນື້ອທີ່ 10 ເຮັກຕາ.

ມາເຖິງປັດຈຸບັນສຳເລັດຫຼາຍສົມຄວນ ເປັນຕົ້ນການປັບປຸງທັດ ສະນີຍະພາບຕ່າງໆອ້ອມຂຸນ,ການສ້າງຝາຍ,ສ້າງນໍ້າຕົກ,ປ້ອງກັນຕາຝັ່ງເຈື່ອນຕາມສາຍນໍ້າ,ຂຸດສະນໍ້າເຮັດເປັນສວນນໍ້າເພື່ອອຳນວຍຄວາມສະດວກໃຫ້ແກ່ນັກທ່ອງທ່ຽວທີ່ຈະມາຫລິ້ນມາທ່ຽວ ເນື່ອງຈາກໃນຂຸນ ຈະບໍ່ໃຫ້ໃຜລົງນອກຈາກຊ່ຽວຊານ ຫລື ນັກວິທະຍາສາດທີ່ຈະເຂົ້າມາສຳຫລວດເທົ່ານັ້ນ.

.

ສຳລັບເຮືອນພັກເຊົາກໍ່ສຳເລັດການປຸກສ້າງແລ້ວຈຳນວນໜຶ່ງໃນນີ້ເປັນເຮືອນໄມ້ຊົງລາວ 25 ຫລັງ,ເຮືອນແບບທັນສະໄໝ 26 ຫລັງ,ຄັບຮາວ 5 ຫລັງໂດຍຄັບຮາວນີ້ຈະບໍລິການແຂກພາຍໃນ ແລະ ແຂກທີ່ມາທ່ຽວໄລຍະສັ້ນ.ນອກນີ້ຍັງມີກິດຈະກຳຕ່າງໆໄວ້ບໍລິການ 30 ລາຍການ ຊຶ່ງສ່ວນຫລາຍເປັນກິດຈະ ກຳແບບພະຈົນໄພໃນຮູບແບບທຳມະຊາດ,ສຳຫລວດ,ການຍ່າງປ່າ,ຂຶ້ນພູ,ປີນພູ,ຂີ່ລົດຖີບ,ອ໋ອບໂລດ, ກິດຈະກຳທາງນໍ້າ ແລະ ອື່ນໆ.

.

ທ່ານ ພັນທະຈິດ ອິນທິລາດ ປະທານ ບໍລິສັດ ອິນທຣາໂຄໂປເຣຊັນ ຈຳກັດ ຜູ້ດຽວ ເຄີຍໃຫ້ສຳພາດກັບສື່ມວນຊົນແຂວງຄຳມ່ວນເມື່ອບໍ່ດົນມານີ້ວ່າ: ກິດຈະກຳທີ່ໄດ້ກະກຽມໄວ້ຄອຍບໍລິການໃຫ້ແກ່ນັກທ່ອງທ່ຽວໃນເຂດພັດທະນາມີທັງໝົດ 30 ລາຍການ, ສ່ວນຫລາຍແມ່ນກິດຈະກຳແບບປະຈົນໄພໃນຮູບແບບທຳມະຊາດ, ສຳຫລວດ, ເດີນປ່າ, ເດີນເຂົາ, ປີນພູ, ລົດຖີບເສືອພູເຂົາ, ກິດຈະກຳທາງນໍ້າ ແລະ ອື່ນໆ.

.

ການເດີນທາງຈາກນະຄອນຫລວງ ວຽງຈັນ ເຖິງຂຸນກອງແລງ ດ້ວຍລົດສ່ວນຕົວປະມານ 4 -5ຊົ່ວໂມງ ໂດຍມີປ້າຍຕິດຮ່ອມເບື້ອງຂວາມື ແຖວຄ້າຍທະຫານ ລ້ຽວຊ້າຍເຂົາໄປອີກ 30ກວ່າຫລັກ ເປັນທາງຢາງເດີນທາງສະດວກ ລະຫວ່າງທາງໄປມີທິວທັດທຳມະຊາດສວຍງາມຕະຫລອດເສັ້ນທາງ

.

.

.

ຮູບງາມໆຈາກ:Khounkongleng Blue Lagoon ຂຸນກອງແລງ,ເລາະຖ່າຍຮູບ – Roam taking photos