ເມັສຊີ້ ກັບມາຝຶກຊ້ອມກັບ ບາຣຊ້າ ພາຍຫລັງບໍ່ສາມາດຍ້າຍທີມ!!

ເມັສຊີ້ ກັບມາຝຶກຊ້ອມກັບ ບາຣຊ້າ ພາຍຫລັງບໍ່ສາມາດຍ້າຍທີມ!!

September 8, 2020 0 By admin

ລີໂອເນວ ເມັສຊີ້ ກອງໜ້າຊຸບເປີສະຕາຣ ໄວ 33 ປີ ກັບມາຮ່ວມຝຶກຊ້ອມກັບຕົ້ນສັງກັດ ບາຣເຊໂລນ້າ ແລ້ວ, ພາຍຫລັງການຍ້າຍທີມບໍ່ປະສົບຜົນສຳເລັດ ເພາະເງື່ອນໄຂການຍ້າຍອອກຈາກທີມເປັນໄປໄດ້ຍາກ ຕ້ອງມີຄ່າຈີກສັນຍາ 700 ລ້ານເອີໂຣ ກັບສັນຍາທີ່ເຫລືອພຽງ 1 ລະດູການ ເຮັດໃຫ້ສະໂມສອນທີ່ສົນໃຈບໍ່ກ້າສ່ຽງ ເປັນຕົ້ນ ແມນຊິຕີ້ ທີ່ສະແດງຄວາມສົນໃຈເປັນພິເສດ ເຮັດໃຫ້ ເມັສຊີ້ ຕ້ອງຈຳໃຈຢູ່ຕໍ່ກັບ ບາຣເຊໂລນ້າ ຕໍ່ໄປ ຈົນໝົດສັນຍາ.


ໃນຕົ້ນອາທິດຜ່ານມາ ເມັສຊີ້ ປະຕິເສດເຂົ້າລາຍງານຕົວ ແລະ ຮ່ວມຝຶກຊ້ອມກັບທີມ ເພື່ອບີບບັງຄັບໃຫ້ຜູ້ບໍລິຫານເປີດທາງໃຫ້ຍ້າຍທີມແບບບໍ່ມີຄ່າຕົວ ແຕ່ເນື້ອໃນສັນຍາການຍ້າຍທີມແບບນັ້ນ ໄດ້ສິ້ນສຸດລົງໃນວັນທີ 10 ມິຖຸນາຜ່ານມາ.

ສຳລັບຕາງຕະລາງການແຂ່ງຂັນຂອງ ບາຣຊ້າ ໃນລະດູການໃຫມ່ 2020-21 ນັດທຳອິດ ເປັນເກມ ລາລີກ້າ ຈະເປີດບ້ານພົບກັບ ບີຢາຣິວ ໃນວັນທີ 27 ກັນຍານີ້. ແຕ່ຈະມີການອຸ່ນເຄື່ອງ 2 ນັດກັບ ສະໂມສອນ ຍິມນາສຕິກ ແລະ ຄິໂຣນ້າ ສອງທີມໃນລີກອັນດັບ 2 ແລະ 3 ຂອງແອັສປາຍ ໃນວັນທີ 12 ແລະ 16 ກັນຍານີ້.

Photo: FC Barcelona