ເອັມບັບເປ້ ຍິງປະຕູໂທນ ນຳທີມຊາດຝຣັ່ງແຊ້ມໂລກ ບຸກຊະນະ ສະວີເດັນ!! ຢູຟ້າ ເນຊັ່ນລີກ 2020-21 ນັດທຳອິດ

ເອັມບັບເປ້ ຍິງປະຕູໂທນ ນຳທີມຊາດຝຣັ່ງແຊ້ມໂລກ ບຸກຊະນະ ສະວີເດັນ!! ຢູຟ້າ ເນຊັ່ນລີກ 2020-21 ນັດທຳອິດ

September 6, 2020 0 By admin

ການແຂ່ງຂັນເຕະບານ ຢູຟ້າ ເນຊັ່ນລີກ ລະດູການໃຫມ່ 2020-21 ນັດທຳອິດຂອງກຸ່ມທີ 3 ລີກ A ຄືນວັນທີ 5 ກັນຍາຜ່ານມາ, ທີມຊາດຝຣັ່ງແຊ້ມໂລກ ບຸກຊະນະ ທີມຊາດສະວີເດັນ (ຊູແອັດ) ວຸດວິດ 1-0 ຈາກປະຕູໂທນຂອງ ຄີລຽນ ເອັມບັບເປ້ ກອງໜ້າດາວເດັ່ນ ໄວ 21 ປີ ຂອງສະໂມສອນ ປາຣີ ແຊັງແຊກແມັງ (PSG) 42′ ເປັນປະຕູທີ 14 ຈາກການລົງຫລິ້ນ 35 ນັດໃຫ້ທີມຊາດ.

ຜົນອີກໜຶ່ງຄູ່ໃນກຸ່ມດຽວກັນ ທີມຊາດປັອກຕຸຍການ ແຊ້ມເກົ່າ ຊະນະ ທີມຊາດໂຄຣເອເຊຍ ຮອງໂລກຄັ້ງຫລ້າສຸດ 4-1 ແຊ້ມເກົ່າໄດ້ປະຕູຈາກ: ໂຈເອົາ ແຄນເຊໂຣ້ ນາທີ 42′ ເດໂກ້ ໂຈຕ້າ ນາທີ 59′ ໂຈເອົາ ເຟລິກ ນາທີ 71′ ແລະ ອັງເດຣ ຊິນວາ ນາທີ 90+6′ ໂຄຣເອເຊຍ ໄດ້ໜຶ່ງປະຕູຈາກ: ບຣູໂນ້ ເພັດໂຈວິກ ນາທີ 90+2′, ນັດຕໍ່ໄປ ຝຣັ່ງ ພົບ ໂຄຣເອເຊຍ ແລະ ສະວີເດັນ ພົບ ປັອກຕຸຍການ ໃນວັນທີ 8 ກັນຍານີ້.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: UEFA EURO 2020