ພະແນກແຮງງານແລະສະຫວັດດີການສັງຄົມແຂວງຈຳປາສັກ ມອບອຸປະກອນປ້ອງກັນພະຍາດໂຄວິດ19ໃຫ້ໂຮງຮຽນປາກຊ່ອງ

ພະແນກແຮງງານແລະສະຫວັດດີການສັງຄົມແຂວງຈຳປາສັກ ມອບອຸປະກອນປ້ອງກັນພະຍາດໂຄວິດ19ໃຫ້ໂຮງຮຽນປາກຊ່ອງ

September 6, 2020 0 By admin

ໃນຕອນເຊົ້າຂອງວັນທີ 3ກັນຍາ2020ນີ້,ພະແນກແຮງງານສະຫວັດດີການແລະສັງຄົມແຂວງຈຳປາສັກເພື່ອເປັນການປະຕິບັດຕາມມາດຕະການປ້ອງກັນ,ຄອວຄຸມແລະແກ້ໄຂພະຍາດໂຄວິດ19ທີ່ຍັງສືບຕໍ່ລະບາດໃນທົ່ວໂລກແລະທັງເປັນການສະແດງຄວາມເປັນຫ່ວງເປັນໄຍຕໍ່ລູກຫຼານທີ່ຍັງໜຸ່ມນ້ອຍ,ພ້ອມທັງເປັນການປູກຈິດສຳນຶກໃຫ້ເດັກນ້ອຍເຫັນຄວາມສຳຄັນໃນການຮັກສາອະນາໄມຕົນເອງແລະຄອບຄົວທັງເປັນການດຳລົງຊີວິດປົກະຕິແບບໃໝ່ຢ່າງມີສະຕິ.​

ດັ່ງນັ້ນອຳນາດການປົກຄອງ ກໍຄືພະແນກແຮງງານແລະສະຫວັດດີການສັງຄົມແຂວງຈຳປາສັກຈື່ງໄດ້ນຳເອົາອຸປະກອນປ້ອງກັນພະຍາດໂຄວິດ19ໃຫ້ແກ່ໂຮງຮຽນປະຖົມປາກຊ່ອງ ເມືອງປາກຊ່ອງ ແຂວງຈຳປາສັກ

ໂດຍການໃຫ້ກຽດກ່າວມອບຂອງທ່ານ ປະດິດ ວັນນະລັດສະໝີ ກຳມະການພັກແຂວງ ຫົວໜ້າພະແນກແຮງງານແລະສະຫວັດດີການແຂວງຈຳປາສັກ ແລະກ່າວຮັບຂອງທ່ານ ບຸນລຽບ ແກ້ວວົງສາ ຫົວໜ້າຫ້ອງການສຶກສາທິການແລະກິລາເມືອງປາກຊ່ອງ,ມີທ່ານນາງສຸກສະໃໝ​ ແກ້ວບົວພາ ຄະນະຫ້ອງການແຮງງານແລະສະຫວັດດີການສັງຄົມເມືອງປາກຊ່ອງ,ມີອຳນວຍການໂຮງຮຽນ,ຄູອາຈານ ພ້ອມດ້ວຍນ້ອງນັກຮຽນເຂົ້າຮ່ວມເປັນສັກຂີພະຍານ.

ອຸປະກອນທີ່ນຳມາມອບຄັ້ງນີ້ປະກອບມີ: ຜ້າອັດປາກ-ດັງ ຈຳນວນ14ກັບ,ເຈວລ້າງມືຈຳນວນ13ຕຸກ,ຊົບມື13ກັບ ແລະເຄື່ອງວັດແທກອຸນນະພູມຈຳນວນ3ເຄືອງ, ອຸປະກອນດັ່ງກ່າວແມ່ນໄດ້ຮັບການຊ່ວຍເຫຼືອຈາກອົງການ UNICEF ຜ່ານກະຊ່ວງແຮງງານແລະສະຫວັດດີການສັງຄົມ.

ແຫຼ່ງຂ່າວ:ສື່ມວນຊົນແຂວງຈຳປາສັກ Champasakmedia