ລັດຖະມົນຕີກະຊວງສາທາລະນາສຸກມອບ-ຮັບ ໂຄງການກໍ່ສ້່າງໂຮງໝໍນ້ອຍທີ່ເມືອງແອດ ແຂວງຫົວພັນ

ລັດຖະມົນຕີກະຊວງສາທາລະນາສຸກມອບ-ຮັບ ໂຄງການກໍ່ສ້່າງໂຮງໝໍນ້ອຍທີ່ເມືອງແອດ ແຂວງຫົວພັນ

September 6, 2020 0 By admin

ໃນວັນທີ04 ກັນຍາ 2020 ນີ້ ທ່ານ ບຸນກອງ ສີຫາວົງ ລັດຖະມົນກະຊວງສາທາລະນາສຸກ ພ້ອມດ້ວຍທີມງານຂັ້ນກະຊວງ ,ແຂວງ ,ພ້ອມດ້ວຍການນຳເມືອງ ໄດ້ເຂົ້າຮ່ວມມອບ-ຮັບໂຄງການ ແລະ ເປີດການນຳໃຊ້ໂຮງໝໍນ້ອຍບ້ານຫ້ວຍຢອງ ເມືອງແອດ ແຂວງຫົວພັນ.


ໂຄງການນີ້ໄດ້ເລີ່ມກໍ່ສ້າງມາແຕ່ວັນທີ່ 12 ເດືອນ6ປີ2020ເຖິງວັນທີ 3 ກັນຍາ2020 ໄດ້ສຳເລັດບັນດາໜ້າວຽກຕາມການຄິດໄລ່ອອກແບບ 100%.

ກະຊວງສາທາລະນາສຸກໃນນາມເຈົ້າຂອງໂຄງການແລະໄດ້ຮັບທຶນຊ່ວຍເຫຼືອລ້າຈາກໂຄງການໂກຟີປະຈຳ ສປປລາວ ໃນມູນຄ່າການກໍ່ສ້າງທັງໝົດ 697.930. 000 ກີບ ເຊີ່ງຮັບເໝົາກໍ່ສ້າງໂດຍບໍລິສັດກຸ້ງຄຳດວງມີໄຊ.

ດັ່ງນັ້ນບໍລິສັດຮັບເໝົາກໍ່ສ້າງຈິ່ງໄດ້ມອບໂຄງການນີ້ໃຫ້ເຈົ້າຂອງໂຄງການ ແລ້ວມອບຕໍ່ໃຫ້ພະແນກສາທາລະສຸກແຂວງ ແລະ ຫ້ອງການສາທາລະນາສຸກເມືອງແອດເປັນຜູ້ປົກປັກຮັກສາແລະນຳໃຊ້ບໍລິການປິ່ນປົວສຸຂະພາບໃຫ້ແກ່ປະຊາຊົນ 4 ບ້ານໃນເຂດຫ້ວຍຢອງໃຫ້ເກີດຜົນປະໂຫຍດສູງໃນຂັ້ນຕໍ່ໄປ.


ໃນໂອກາດນີ້ທ່ານລັດຖະມົນຕີກະຊວງສາທາລະນາສຸກກໍ່ໄດ້ຢ້ຽມຢາມຊຸກຍູ້ ການບໍລິການປິ່ນປົວຄົນເຈັບ ແລະ ເບີ່ງອຸ ປະກອນການແພດຢູ່ໂຮງ ໝໍເມືອງແອດ.

.

ແຫຼ່ງທີ່ມາ:ຫ້ອງການ ຖວທ ເມືອງແອດ